| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
2. д̣̇уд̇ияанаяо сан̇г̇ахид̇знаасан̇г̇ахид̇абад̣̇аван̣н̣анаа
2. Dutiyanayo saṅgahitenaasaṅgahitapadavaṇṇanā
171. ид̣̇аани сан̇г̇ахид̇зна асан̇г̇ахид̇абад̣̇ам̣ бхааж̇зд̇ум̣ жагкааяад̇анзнаад̇иаад̣̇и аарад̣̇д̇хам̣. д̇ад̇рид̣̇ам̣ лагкан̣ам̣ – имасмин̃хи ваарз яам̣ канд̇хабад̣̇зна сан̇г̇ахид̇ам̣ худ̇ваа ааяад̇анад̇хаад̇убад̣̇зхи асан̇г̇ахид̇ам̣, канд̇хааяад̇анабад̣̇зхи ваа сан̇г̇ахид̇ам̣ худ̇ваа д̇хаад̇убад̣̇зна асан̇г̇ахид̇ам̣, д̇асса канд̇хаад̣̇ийхи асан̇г̇ахам̣ бужчид̇ваа виссаж̇ж̇анам̣ гад̇ам̣. д̇ам̣ бана руубагканд̇хаад̣̇ийсу на яуж̇ж̇ад̇и. руубагканд̇хзна хи руубагканд̇хова сан̇г̇ахид̇о. со жа ад̣дхзгаад̣̇асахи ааяад̇анад̇хаад̇уухи асан̇г̇ахид̇о наама над̇т̇и. взд̣̇анаагканд̇хзна жа взд̣̇анаагканд̇хова сан̇г̇ахид̇о. соби д̇хаммааяад̇анад̇хаммад̇хаад̇уухи асан̇г̇ахид̇о наама над̇т̇и. звам̣ асан̇г̇ахид̇ад̇ааяа абхаавад̇о зд̇аани ан̃н̃аани жа зваруубаани манааяад̇анад̇хаммааяад̇анаад̣̇ийни бад̣̇аани имасмим̣ ваарз на г̇ахид̇аани. яаани бана бад̣̇аани руубзгад̣̇зсам̣ аруубзна асаммиссам̣, вин̃н̃аан̣згад̣̇зсан̃жа ан̃н̃зна асаммиссам̣ д̣̇ийбзнд̇и, д̇аани ид̇ха г̇ахид̇аани. барияосаанз жа –
171. Idāni saṅgahitena asaṅgahitapadaṃ bhājetuṃ cakkhāyatanenātiādi āraddhaṃ. Tatridaṃ lakkhaṇaṃ – imasmiñhi vāre yaṃ khandhapadena saṅgahitaṃ hutvā āyatanadhātupadehi asaṅgahitaṃ, khandhāyatanapadehi vā saṅgahitaṃ hutvā dhātupadena asaṅgahitaṃ, tassa khandhādīhi asaṅgahaṃ pucchitvā vissajjanaṃ kataṃ. Taṃ pana rūpakkhandhādīsu na yujjati. Rūpakkhandhena hi rūpakkhandhova saṅgahito. So ca aḍḍhekādasahi āyatanadhātūhi asaṅgahito nāma natthi. Vedanākkhandhena ca vedanākkhandhova saṅgahito. Sopi dhammāyatanadhammadhātūhi asaṅgahito nāma natthi. Evaṃ asaṅgahitatāya abhāvato etāni aññāni ca evarūpāni manāyatanadhammāyatanādīni padāni imasmiṃ vāre na gahitāni. Yāni pana padāni rūpekadesaṃ arūpena asammissaṃ, viññāṇekadesañca aññena asammissaṃ dīpenti, tāni idha gahitāni. Pariyosāne ca –
‘‘д̣̇асааяад̇анаа сад̇д̇араса д̇хаад̇уяо,
‘‘Dasāyatanā sattarasa dhātuyo,
сад̇д̇инд̣̇рияаа асан̃н̃аабхаво згавогаарабхаво;
Sattindriyā asaññābhavo ekavokārabhavo;
барид̣̇зво санид̣̇ассанасаббадигхам̣,
Paridevo sanidassanasappaṭighaṃ,
анид̣̇ассанам̣ бунад̣̇зва саббадигхам̣ убаад̣̇аа’’д̇и.
Anidassanaṃ punadeva sappaṭighaṃ upādā’’ti.
звам̣ уд̣̇д̣̇аанаг̇аат̇ааяа д̣̇ассид̇аанзва. д̇асмаа д̇зсам̣ васзнзва сан̇г̇ахаасан̇г̇ахо взд̣̇ид̇аб̣б̣о. бан̃хавасзна хи имасмим̣ ваарз ааяад̇анад̇хаад̇увасзнзва сад̣̇исависсаж̇ж̇анз вийсад̇и д̇хаммз самод̇хаанзд̇ваа зго бан̃хо гад̇о, сад̇д̇а вин̃н̃аан̣ад̇хаад̇уяо самод̇хаанзд̇ваа зго, сад̇д̇инд̣̇рияаани самод̇хаанзд̇ваа зго, д̣̇вз бхавз самод̇хаанзд̇ваа зго, барид̣̇звзна жа санид̣̇ассанасаббадигхзхи жа зго, анид̣̇ассанасаббадигхзхи зго, санид̣̇ассанзхи зго, саббадигхзхи жа убаад̣̇аад̇хаммзхи жа згод̇и адта бан̃хаа гад̇аа. д̇зсу канд̇хаад̣̇ивибхааг̇о звам̣ взд̣̇ид̇аб̣б̣о сзяяат̇ид̣̇ам̣ – батамабан̃хз д̇аава жад̇уухи канд̇хзхийд̇и аруубагканд̇хзхи, д̣̇вийхааяад̇анзхийд̇и жагкааяад̇анаад̣̇ийсу згзгзна сад̣̇д̇хим̣ манааяад̇анзна, адтахи д̇хаад̇уухийд̇и жагкуд̇хаад̇уаад̣̇ийсу згзгааяа сад̣̇д̇хим̣ сад̇д̇ахи вин̃н̃аан̣ад̇хаад̇уухи.
Evaṃ uddānagāthāya dassitāneva. Tasmā tesaṃ vaseneva saṅgahāsaṅgaho veditabbo. Pañhavasena hi imasmiṃ vāre āyatanadhātuvaseneva sadisavissajjane vīsati dhamme samodhānetvā eko pañho kato, satta viññāṇadhātuyo samodhānetvā eko, sattindriyāni samodhānetvā eko, dve bhave samodhānetvā eko, paridevena ca sanidassanasappaṭighehi ca eko, anidassanasappaṭighehi eko, sanidassanehi eko, sappaṭighehi ca upādādhammehi ca ekoti aṭṭha pañhā katā. Tesu khandhādivibhāgo evaṃ veditabbo seyyathidaṃ – paṭhamapañhe tāva catūhi khandhehīti arūpakkhandhehi, dvīhāyatanehīti cakkhāyatanādīsu ekekena saddhiṃ manāyatanena, aṭṭhahi dhātūhīti cakkhudhātuādīsu ekekāya saddhiṃ sattahi viññāṇadhātūhi.
д̇ад̇рааяам̣ наяо – жагкааяад̇анзна хи канд̇хасан̇г̇ахзна руубагканд̇хо сан̇г̇ахид̇о. д̇асмим̣ сан̇г̇ахид̇з руубагканд̇хз ааяад̇анасан̇г̇ахзна жагкааяад̇анамзвзгам̣ сан̇г̇ахид̇ам̣. сзсаани д̣̇аса ааяад̇анаани асан̇г̇ахид̇аани. д̇хаад̇усан̇г̇ахзнаби д̇зна жагкуд̇хаад̇уязвзгаа сан̇г̇ахид̇аа. сзсаа д̣̇аса д̇хаад̇уяо асан̇г̇ахид̇аа. ид̇и яаани д̇зна асан̇г̇ахид̇аани д̣̇асааяад̇анаани, д̇аани жагкааяад̇анаманааяад̇анзхи д̣̇вийхи асан̇г̇ахид̇аани. яааби д̇зна асан̇г̇ахид̇аа д̣̇аса д̇хаад̇уяо, д̇аа жагкуд̇хаад̇уяаа жзва сад̇д̇ахи жа вин̃н̃аан̣ад̇хаад̇уухи асан̇г̇ахид̇аад̇и. руубааяад̇анаад̣̇ийсуби зсзва наяо.
Tatrāyaṃ nayo – cakkhāyatanena hi khandhasaṅgahena rūpakkhandho saṅgahito. Tasmiṃ saṅgahite rūpakkhandhe āyatanasaṅgahena cakkhāyatanamevekaṃ saṅgahitaṃ. Sesāni dasa āyatanāni asaṅgahitāni. Dhātusaṅgahenapi tena cakkhudhātuyevekā saṅgahitā. Sesā dasa dhātuyo asaṅgahitā. Iti yāni tena asaṅgahitāni dasāyatanāni, tāni cakkhāyatanamanāyatanehi dvīhi asaṅgahitāni. Yāpi tena asaṅgahitā dasa dhātuyo, tā cakkhudhātuyā ceva sattahi ca viññāṇadhātūhi asaṅgahitāti. Rūpāyatanādīsupi eseva nayo.
172. д̣̇уд̇ияабан̃хз – яасмаа яааяа гааяажи вин̃н̃аан̣ад̇хаад̇уяаа сан̇г̇ахид̇о вин̃н̃аан̣агканд̇хо манааяад̇анзна асан̇г̇ахид̇о наама над̇т̇и, д̇асмаа ааяад̇анасан̇г̇ахзна сан̇г̇ахид̇аад̇и вуд̇д̇ам̣. зд̇т̇а бана жад̇уухи канд̇хзхийд̇и руубаад̣̇ийхи жад̇уухи. згаад̣̇асахааяад̇анзхийд̇и манааяад̇анаваж̇ж̇зхи. д̣̇ваад̣̇асахи д̇хаад̇уухийд̇и яат̇аануруубаа ча вин̃н̃аан̣ад̇хаад̇уяо абанзд̇ваа сзсаахи д̣̇ваад̣̇асахи. жагкувин̃н̃аан̣ад̇хаад̇уяаа хи жагкувин̃н̃аан̣ад̇хаад̇уязва сан̇г̇ахид̇аа, ид̇араа асан̇г̇ахид̇аа. сод̇авин̃н̃аан̣ад̇хаад̇уаад̣̇ийсуби зсзва наяо.
172. Dutiyapañhe – yasmā yāya kāyaci viññāṇadhātuyā saṅgahito viññāṇakkhandho manāyatanena asaṅgahito nāma natthi, tasmā āyatanasaṅgahena saṅgahitāti vuttaṃ. Ettha pana catūhi khandhehīti rūpādīhi catūhi. Ekādasahāyatanehīti manāyatanavajjehi. Dvādasahi dhātūhīti yathānurūpā cha viññāṇadhātuyo apanetvā sesāhi dvādasahi. Cakkhuviññāṇadhātuyā hi cakkhuviññāṇadhātuyeva saṅgahitā, itarā asaṅgahitā. Sotaviññāṇadhātuādīsupi eseva nayo.
173. д̇ад̇ияабан̃хз – жагкунд̣̇рияаад̣̇ийнам̣ виссаж̇ж̇анам̣ жагкааяад̇анаад̣̇исад̣̇исамзва. ид̇т̇инд̣̇рияабурисинд̣̇риязсу бана д̇хаммааяад̇анзна сад̣̇д̇хим̣ д̣̇вз ааяад̇анаани, д̇хаммад̇хаад̇уяаа жа сад̣̇д̇хим̣ адта д̇хаад̇уяо взд̣̇ид̇аб̣б̣аа.
173. Tatiyapañhe – cakkhundriyādīnaṃ vissajjanaṃ cakkhāyatanādisadisameva. Itthindriyapurisindriyesu pana dhammāyatanena saddhiṃ dve āyatanāni, dhammadhātuyā ca saddhiṃ aṭṭha dhātuyo veditabbā.
174. жад̇уд̇т̇абан̃хз – д̇ийхааяад̇анзхийд̇и руубааяад̇анад̇хаммааяад̇анаманааяад̇анзхи. д̇зсу хи бхавзсу руубааяад̇анад̇хаммааяад̇анавасзна д̣̇взва ааяад̇анаани д̇зхи сан̇г̇ахид̇аани . сзсаани нава руубааяад̇анаани д̇зхзва жа д̣̇вийхи, манааяад̇анзна жаад̇и д̇ийхи асан̇г̇ахид̇аани наама хонд̇и. навахи д̇хаад̇уухийд̇и руубад̇хаад̇уд̇хаммад̇хаад̇уухи сад̣̇д̇хим̣ сад̇д̇ахи вин̃н̃аан̣ад̇хаад̇уухи.
174. Catutthapañhe – tīhāyatanehīti rūpāyatanadhammāyatanamanāyatanehi. Tesu hi bhavesu rūpāyatanadhammāyatanavasena dveva āyatanāni tehi saṅgahitāni . Sesāni nava rūpāyatanāni teheva ca dvīhi, manāyatanena cāti tīhi asaṅgahitāni nāma honti. Navahi dhātūhīti rūpadhātudhammadhātūhi saddhiṃ sattahi viññāṇadhātūhi.
175. бан̃жамабан̃хз – д̣̇вийхааяад̇анзхийд̇и батамабад̣̇ам̣ санд̇хааяа сад̣̇д̣̇ааяад̇анаманааяад̇анзхи. д̣̇уд̇ияабад̣̇ам̣ санд̇хааяа руубааяад̇анаманааяад̇анзхи. д̇хаад̇уяоби д̇зсам̣язва згзгзна сад̣̇д̇хим̣ сад̇д̇а вин̃н̃аан̣ад̇хаад̇уяо взд̣̇ид̇аб̣б̣аа.
175. Pañcamapañhe – dvīhāyatanehīti paṭhamapadaṃ sandhāya saddāyatanamanāyatanehi. Dutiyapadaṃ sandhāya rūpāyatanamanāyatanehi. Dhātuyopi tesaṃyeva ekekena saddhiṃ satta viññāṇadhātuyo veditabbā.
176. чадтабан̃хз – д̣̇асахааяад̇анзхийд̇и руубааяад̇анад̇хаммааяад̇анаваж̇ж̇зхи. сол̣асахи д̇хаад̇уухийд̇и руубад̇хаад̇уд̇хаммад̇хаад̇уваж̇ж̇зхзва. гат̇ам̣? анид̣̇ассанасаббадигхаа хи д̇хаммаа наама нава ол̣ааригааяад̇анаани. д̇зхи канд̇хасан̇г̇ахзна сан̇г̇ахид̇з руубагканд̇хз, ааяад̇анасан̇г̇ахзна д̇аанзва навааяад̇анаани сан̇г̇ахид̇аани. руубааяад̇анад̇хаммааяад̇анаани асан̇г̇ахид̇аани. д̇хаад̇усан̇г̇ахзнаби д̇аа зва нава д̇хаад̇уяо сан̇г̇ахид̇аа. руубад̇хаад̇уд̇хаммад̇хаад̇уяо асан̇г̇ахид̇аа. ид̇и яаани д̇зхи асан̇г̇ахид̇аани д̣̇вз ааяад̇анаани , д̇аани руубааяад̇анаваж̇ж̇зхи навахи ол̣ааригааяад̇анзхи, манааяад̇анзна жаад̇и д̣̇асахи асан̇г̇ахид̇аани. яааби д̇зхи асан̇г̇ахид̇аа д̣̇вз д̇хаад̇уяо, д̇аа руубад̇хаад̇уваж̇ж̇аахи навахи ол̣ааригад̇хаад̇уухи, сад̇д̇ахи жа вин̃н̃аан̣ад̇хаад̇уухийд̇и сол̣асахи асан̇г̇ахид̇аад̇и взд̣̇ид̇аб̣б̣аа.
176. Chaṭṭhapañhe – dasahāyatanehīti rūpāyatanadhammāyatanavajjehi. Soḷasahi dhātūhīti rūpadhātudhammadhātuvajjeheva. Kathaṃ? Anidassanasappaṭighā hi dhammā nāma nava oḷārikāyatanāni. Tehi khandhasaṅgahena saṅgahite rūpakkhandhe, āyatanasaṅgahena tāneva navāyatanāni saṅgahitāni. Rūpāyatanadhammāyatanāni asaṅgahitāni. Dhātusaṅgahenapi tā eva nava dhātuyo saṅgahitā. Rūpadhātudhammadhātuyo asaṅgahitā. Iti yāni tehi asaṅgahitāni dve āyatanāni , tāni rūpāyatanavajjehi navahi oḷārikāyatanehi, manāyatanena cāti dasahi asaṅgahitāni. Yāpi tehi asaṅgahitā dve dhātuyo, tā rūpadhātuvajjāhi navahi oḷārikadhātūhi, sattahi ca viññāṇadhātūhīti soḷasahi asaṅgahitāti veditabbā.
177. сад̇д̇амабан̃хз – д̣̇вийхааяад̇анзхийд̇и руубааяад̇анаманааяад̇анзхи. адтахи д̇хаад̇уухийд̇и руубад̇хаад̇уяаа сад̣̇д̇хим̣ сад̇д̇ахи вин̃н̃аан̣ад̇хаад̇уухи.
177. Sattamapañhe – dvīhāyatanehīti rūpāyatanamanāyatanehi. Aṭṭhahi dhātūhīti rūpadhātuyā saddhiṃ sattahi viññāṇadhātūhi.
178. адтамабан̃хз – згаад̣̇асахааяад̇анзхийд̇и саббадигхад̇хаммз санд̇хааяа д̇хаммааяад̇анаваж̇ж̇зхи, убаад̣̇аад̇хаммз санд̇хааяа подтаб̣б̣ааяад̇анаваж̇ж̇зхи. д̇хаад̇уусуби зсзва наяо. ад̇т̇аяож̇анаа банзд̇т̇а хздтаа вуд̇д̇анаязнзва взд̣̇ид̇аб̣б̣аад̇и.
178. Aṭṭhamapañhe – ekādasahāyatanehīti sappaṭighadhamme sandhāya dhammāyatanavajjehi, upādādhamme sandhāya phoṭṭhabbāyatanavajjehi. Dhātūsupi eseva nayo. Atthayojanā panettha heṭṭhā vuttanayeneva veditabbāti.
сан̇г̇ахид̇знаасан̇г̇ахид̇абад̣̇аван̣н̣анаа.
Saṅgahitenaasaṅgahitapadavaṇṇanā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / д̇хаад̇угат̇аабаал̣и • Dhātukathāpāḷi / 2. сан̇г̇ахид̇знаасан̇г̇ахид̇абад̣̇анид̣̇д̣̇зсо • 2. Saṅgahitenaasaṅgahitapadaniddeso
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 2. д̣̇уд̇ияанаяо сан̇г̇ахид̇знаасан̇г̇ахид̇абад̣̇аван̣н̣анаа • 2. Dutiyanayo saṅgahitenaasaṅgahitapadavaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 2. д̣̇уд̇ияанаяо сан̇г̇ахид̇знаасан̇г̇ахид̇абад̣̇аван̣н̣анаа • 2. Dutiyanayo saṅgahitenaasaṅgahitapadavaṇṇanā
