| Library / Tipiṭaka / တိပိဋက • Tipiṭaka / သံယုတ္တနိကာယ • Saṃyuttanikāya |
၉. ဒုတိယနတုမ္ဟာကံသုတ္တံ
9. Dutiyanatumhākaṃsuttaṃ
၁၀၂. ‘‘ယံ , ဘိက္ခဝေ, န တုမ္ဟာကံ တံ ပဇဟထ။ တံ ဝော ပဟီနံ ဟိတာယ သုခာယ ဘဝိသ္သတိ။ ကိဉ္စ, ဘိက္ခဝေ, န တုမ္ဟာကံ? စက္ခု, ဘိက္ခဝေ, န တုမ္ဟာကံ။ တံ ပဇဟထ။ တံ ဝော ပဟီနံ ဟိတာယ သုခာယ ဘဝိသ္သတိ။ ရူပာ န တုမ္ဟာကံ။ တေ ပဇဟထ။ တေ ဝော ပဟီနာ ဟိတာယ သုခာယ ဘဝိသ္သန္တိ။ စက္ခုဝိညာဏံ န တုမ္ဟာကံ။ တံ ပဇဟထ။ တံ ဝော ပဟီနံ ဟိတာယ သုခာယ ဘဝိသ္သတိ။ စက္ခုသမ္ဖသ္သော န တုမ္ဟာကံ။ တံ ပဇဟထ။ သော ဝော ပဟီနော ဟိတာယ သုခာယ ဘဝိသ္သတိ။ပေ.။ ယမ္ပိဒံ မနောသမ္ဖသ္သပစ္စယာ ဥပ္ပဇ္ဇတိ ဝေဒယိတံ သုခံ ဝာ ဒုက္ခံ ဝာ အဒုက္ခမသုခံ ဝာ တမ္ပိ န တုမ္ဟာကံ။ တံ ပဇဟထ။ တံ ဝော ပဟီနံ ဟိတာယ သုခာယ ဘဝိသ္သတိ။ ယမ္ပိ, ဘိက္ခဝေ, န တုမ္ဟာကံ, တံ ပဇဟထ။ တံ ဝော ပဟီနံ ဟိတာယ သုခာယ ဘဝိသ္သတီ’’တိ။ နဝမံ။
102. ‘‘Yaṃ , bhikkhave, na tumhākaṃ taṃ pajahatha. Taṃ vo pahīnaṃ hitāya sukhāya bhavissati. Kiñca, bhikkhave, na tumhākaṃ? Cakkhu, bhikkhave, na tumhākaṃ. Taṃ pajahatha. Taṃ vo pahīnaṃ hitāya sukhāya bhavissati. Rūpā na tumhākaṃ. Te pajahatha. Te vo pahīnā hitāya sukhāya bhavissanti. Cakkhuviññāṇaṃ na tumhākaṃ. Taṃ pajahatha. Taṃ vo pahīnaṃ hitāya sukhāya bhavissati. Cakkhusamphasso na tumhākaṃ. Taṃ pajahatha. So vo pahīno hitāya sukhāya bhavissati…pe… yampidaṃ manosamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi na tumhākaṃ. Taṃ pajahatha. Taṃ vo pahīnaṃ hitāya sukhāya bhavissati. Yampi, bhikkhave, na tumhākaṃ, taṃ pajahatha. Taṃ vo pahīnaṃ hitāya sukhāya bhavissatī’’ti. Navamaṃ.
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၈-၉. ပဌမနတုမ္ဟာကံသုတ္တာဒိဝဏ္ဏနာ • 8-9. Paṭhamanatumhākaṃsuttādivaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၈-၉. ပဌမနတုမ္ဟာကံသုတ္တာဒိဝဏ္ဏနာ • 8-9. Paṭhamanatumhākaṃsuttādivaṇṇanā
