| Library / Tipiṭaka / తిపిటక • Tipiṭaka / అఙ్గుత్తరనికాయ (అట్ఠకథా) • Aṅguttaranikāya (aṭṭhakathā) |
౪. దుతియనానాకరణసుత్తవణ్ణనా
4. Dutiyanānākaraṇasuttavaṇṇanā
౧౨౪. చతుత్థే రూపమేవ రూపగతం. సేసపదేసుపి ఏసేవ నయో. అనిచ్చతోతిఆదీసు హుత్వా అభావట్ఠేన అనిచ్చతో, ఆబాధట్ఠేన రోగతో, అన్తో పదుస్సనట్ఠేన గణ్డతో, అనుపవిట్ఠట్ఠేన సల్లతో, సదుక్ఖట్ఠేన అఘతో, సమ్పీళనట్ఠేన ఆబాధతో, అవిధేయ్యట్ఠేన పరతో, పలుజ్జనట్ఠేన పలోకతో, నిస్సత్తట్ఠేన సుఞ్ఞతో, అవసవత్తనట్ఠేన అనత్తతో. ఏత్థ చ ‘‘అనిచ్చతో పలోకతో’’తి ద్వీహి పదేహి అనిచ్చలక్ఖణం కథితం, ‘‘సుఞ్ఞతో అనత్తతో’’తి ద్వీహి అనత్తలక్ఖణం, సేసేహి దుక్ఖలక్ఖణం కథితన్తి వేదితబ్బం. సమనుపస్సతీతి ఞాణేన పస్సతి. ఏవం పఞ్చక్ఖన్ధే తిలక్ఖణం ఆరోపేత్వా పస్సన్తో తయో మగ్గే తీణి ఫలాని సచ్ఛికరోతి. సుద్ధావాసానం దేవానం సహబ్యతం ఉపపజ్జతీతి తత్థ ఠితో చతుత్థజ్ఝానం భావేత్వా ఉపపజ్జతి.
124. Catutthe rūpameva rūpagataṃ. Sesapadesupi eseva nayo. Aniccatotiādīsu hutvā abhāvaṭṭhena aniccato, ābādhaṭṭhena rogato, anto padussanaṭṭhena gaṇḍato, anupaviṭṭhaṭṭhena sallato, sadukkhaṭṭhena aghato, sampīḷanaṭṭhena ābādhato, avidheyyaṭṭhena parato, palujjanaṭṭhena palokato, nissattaṭṭhena suññato, avasavattanaṭṭhena anattato. Ettha ca ‘‘aniccato palokato’’ti dvīhi padehi aniccalakkhaṇaṃ kathitaṃ, ‘‘suññato anattato’’ti dvīhi anattalakkhaṇaṃ, sesehi dukkhalakkhaṇaṃ kathitanti veditabbaṃ. Samanupassatīti ñāṇena passati. Evaṃ pañcakkhandhe tilakkhaṇaṃ āropetvā passanto tayo magge tīṇi phalāni sacchikaroti. Suddhāvāsānaṃdevānaṃ sahabyataṃ upapajjatīti tattha ṭhito catutthajjhānaṃ bhāvetvā upapajjati.
Related texts:
తిపిటక (మూల) • Tipiṭaka (Mūla) / సుత్తపిటక • Suttapiṭaka / అఙ్గుత్తరనికాయ • Aṅguttaranikāya / ౪. దుతియనానాకరణసుత్తం • 4. Dutiyanānākaraṇasuttaṃ
టీకా • Tīkā / సుత్తపిటక (టీకా) • Suttapiṭaka (ṭīkā) / అఙ్గుత్తరనికాయ (టీకా) • Aṅguttaranikāya (ṭīkā) / ౪-౬. దుతియనానాకరణసుత్తాదివణ్ణనా • 4-6. Dutiyanānākaraṇasuttādivaṇṇanā
