| Library / Tipiṭaka / ਤਿਪਿਟਕ • Tipiṭaka / ਇਤਿવੁਤ੍ਤਕਪਾਲ਼ਿ • Itivuttakapāḷi |
੯. ਦੁਤਿਯਨਕੁਹਨਸੁਤ੍ਤਂ
9. Dutiyanakuhanasuttaṃ
੩੬. વੁਤ੍ਤਞ੍ਹੇਤਂ ਭਗવਤਾ, વੁਤ੍ਤਮਰਹਤਾਤਿ ਮੇ ਸੁਤਂ –
36. Vuttañhetaṃ bhagavatā, vuttamarahatāti me sutaṃ –
‘‘ਨਯਿਦਂ, ਭਿਕ੍ਖવੇ, ਬ੍ਰਹ੍ਮਚਰਿਯਂ વੁਸ੍ਸਤਿ ਜਨਕੁਹਨਤ੍ਥਂ, ਨ ਜਨਲਪਨਤ੍ਥਂ, ਨ ਲਾਭਸਕ੍ਕਾਰਸਿਲੋਕਾਨਿਸਂਸਤ੍ਥਂ, ਨ ‘ਇਤਿ ਮਂ ਜਨੋ ਜਾਨਾਤੂ’ਤਿ। ਅਥ ਖੋ ਇਦਂ, ਭਿਕ੍ਖવੇ, ਬ੍ਰਹ੍ਮਚਰਿਯਂ વੁਸ੍ਸਤਿ ਅਭਿਞ੍ਞਤ੍ਥਞ੍ਚੇવ ਪਰਿਞ੍ਞਤ੍ਥਞ੍ਚਾ’’ਤਿ। ਏਤਮਤ੍ਥਂ ਭਗવਾ ਅવੋਚ। ਤਤ੍ਥੇਤਂ ਇਤਿ વੁਚ੍ਚਤਿ –
‘‘Nayidaṃ, bhikkhave, brahmacariyaṃ vussati janakuhanatthaṃ, na janalapanatthaṃ, na lābhasakkārasilokānisaṃsatthaṃ, na ‘iti maṃ jano jānātū’ti. Atha kho idaṃ, bhikkhave, brahmacariyaṃ vussati abhiññatthañceva pariññatthañcā’’ti. Etamatthaṃ bhagavā avoca. Tatthetaṃ iti vuccati –
‘‘ਅਭਿਞ੍ਞਤ੍ਥਂ ਪਰਿਞ੍ਞਤ੍ਥਂ, ਬ੍ਰਹ੍ਮਚਰਿਯਂ ਅਨੀਤਿਹਂ।
‘‘Abhiññatthaṃ pariññatthaṃ, brahmacariyaṃ anītihaṃ;
ਅਦੇਸਯਿ ਸੋ ਭਗવਾ, ਨਿਬ੍ਬਾਨੋਗਧਗਾਮਿਨਂ॥
Adesayi so bhagavā, nibbānogadhagāminaṃ.
‘‘ਏਸ ਮਗ੍ਗੋ ਮਹਤ੍ਤੇਹਿ, ਅਨੁਯਾਤੋ ਮਹੇਸਿਭਿ।
‘‘Esa maggo mahattehi, anuyāto mahesibhi;
ਯੇ ਯੇ ਤਂ ਪਟਿਪਜ੍ਜਨ੍ਤਿ, ਯਥਾ ਬੁਦ੍ਧੇਨ ਦੇਸਿਤਂ।
Ye ye taṃ paṭipajjanti, yathā buddhena desitaṃ;
ਦੁਕ੍ਖਸ੍ਸਨ੍ਤਂ ਕਰਿਸ੍ਸਨ੍ਤਿ, ਸਤ੍ਥੁਸਾਸਨਕਾਰਿਨੋ’’ਤਿ॥
Dukkhassantaṃ karissanti, satthusāsanakārino’’ti.
ਅਯਮ੍ਪਿ ਅਤ੍ਥੋ વੁਤ੍ਤੋ ਭਗવਤਾ, ਇਤਿ ਮੇ ਸੁਤਨ੍ਤਿ। ਨવਮਂ।
Ayampi attho vutto bhagavatā, iti me sutanti. Navamaṃ.
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਖੁਦ੍ਦਕਨਿਕਾਯ (ਅਟ੍ਠਕਥਾ) • Khuddakanikāya (aṭṭhakathā) / ਇਤਿવੁਤ੍ਤਕ-ਅਟ੍ਠਕਥਾ • Itivuttaka-aṭṭhakathā / ੯. ਦੁਤਿਯਨਕੁਹਨਸੁਤ੍ਤવਣ੍ਣਨਾ • 9. Dutiyanakuhanasuttavaṇṇanā
