| Library / Tipiṭaka / තිපිටක • Tipiṭaka / ඉතිවුත්තකපාළි • Itivuttakapāḷi |
9. දුතියනකුහනසුත්තං
9. Dutiyanakuhanasuttaṃ
36. වුත්තඤ්හෙතං භගවතා, වුත්තමරහතාති මෙ සුතං –
36. Vuttañhetaṃ bhagavatā, vuttamarahatāti me sutaṃ –
‘‘නයිදං, භික්ඛවෙ, බ්රහ්මචරියං වුස්සති ජනකුහනත්ථං, න ජනලපනත්ථං, න ලාභසක්කාරසිලොකානිසංසත්ථං, න ‘ඉති මං ජනො ජානාතූ’ති. අථ ඛො ඉදං, භික්ඛවෙ, බ්රහ්මචරියං වුස්සති අභිඤ්ඤත්ථඤ්චෙව පරිඤ්ඤත්ථඤ්චා’’ති. එතමත්ථං භගවා අවොච. තත්ථෙතං ඉති වුච්චති –
‘‘Nayidaṃ, bhikkhave, brahmacariyaṃ vussati janakuhanatthaṃ, na janalapanatthaṃ, na lābhasakkārasilokānisaṃsatthaṃ, na ‘iti maṃ jano jānātū’ti. Atha kho idaṃ, bhikkhave, brahmacariyaṃ vussati abhiññatthañceva pariññatthañcā’’ti. Etamatthaṃ bhagavā avoca. Tatthetaṃ iti vuccati –
‘‘අභිඤ්ඤත්ථං පරිඤ්ඤත්ථං, බ්රහ්මචරියං අනීතිහං;
‘‘Abhiññatthaṃ pariññatthaṃ, brahmacariyaṃ anītihaṃ;
අදෙසයි සො භගවා, නිබ්බානොගධගාමිනං.
Adesayi so bhagavā, nibbānogadhagāminaṃ.
‘‘එස මග්ගො මහත්තෙහි, අනුයාතො මහෙසිභි;
‘‘Esa maggo mahattehi, anuyāto mahesibhi;
යෙ යෙ තං පටිපජ්ජන්ති, යථා බුද්ධෙන දෙසිතං;
Ye ye taṃ paṭipajjanti, yathā buddhena desitaṃ;
දුක්ඛස්සන්තං කරිස්සන්ති, සත්ථුසාසනකාරිනො’’ති.
Dukkhassantaṃ karissanti, satthusāsanakārino’’ti.
අයම්පි අත්ථො වුත්තො භගවතා, ඉති මෙ සුතන්ති. නවමං.
Ayampi attho vutto bhagavatā, iti me sutanti. Navamaṃ.
Related texts:
අට්ඨකථා • Aṭṭhakathā / සුත්තපිටක (අට්ඨකථා) • Suttapiṭaka (aṭṭhakathā) / ඛුද්දකනිකාය (අට්ඨකථා) • Khuddakanikāya (aṭṭhakathā) / ඉතිවුත්තක-අට්ඨකථා • Itivuttaka-aṭṭhakathā / 9. දුතියනකුහනසුත්තවණ්ණනා • 9. Dutiyanakuhanasuttavaṇṇanā
