| Library / Tipiṭaka / തിപിടക • Tipiṭaka / വിമാനവത്ഥുപാളി • Vimānavatthupāḷi |
൧൧. ദുതിയനാഗവിമാനവത്ഥു
11. Dutiyanāgavimānavatthu
൯൬൮.
968.
‘‘മഹന്തം നാഗം അഭിരുയ്ഹ, സബ്ബസേതം ഗജുത്തമം;
‘‘Mahantaṃ nāgaṃ abhiruyha, sabbasetaṃ gajuttamaṃ;
വനാ വനം അനുപരിയാസി, നാരീഗണപുരക്ഖതോ;
Vanā vanaṃ anupariyāsi, nārīgaṇapurakkhato;
ഓഭാസേന്തോ ദിസാ സബ്ബാ, ഓസധീ വിയ താരകാ.
Obhāsento disā sabbā, osadhī viya tārakā.
൯൬൯.
969.
‘‘കേന തേതാദിസോ വണ്ണോ…പേ॰…വണ്ണോ ച തേ സബ്ബദിസാ പഭാസതീ’’തി.
‘‘Kena tetādiso vaṇṇo…pe…vaṇṇo ca te sabbadisā pabhāsatī’’ti.
൯൭൧.
971.
സോ ദേവപുത്തോ അത്തമനോ, വങ്ഗീസേനേവ പുച്ഛിതോ;
So devaputto attamano, vaṅgīseneva pucchito;
പഞ്ഹം പുട്ഠോ വിയാകാസി, യസ്സ കമ്മസ്സിദം ഫലം.
Pañhaṃ puṭṭho viyākāsi, yassa kammassidaṃ phalaṃ.
൯൭൨.
972.
‘‘അഹം മനുസ്സേസു മനുസ്സഭൂതോ, ഉപാസകോ ചക്ഖുമതോ അഹോസിം;
‘‘Ahaṃ manussesu manussabhūto, upāsako cakkhumato ahosiṃ;
പാണാതിപാതാ വിരതോ അഹോസിം, ലോകേ അദിന്നം പരിവജ്ജയിസ്സം.
Pāṇātipātā virato ahosiṃ, loke adinnaṃ parivajjayissaṃ.
൯൭൩.
973.
‘‘അമജ്ജപോ നോ ച മുസാ അഭാണിം 1, സകേന ദാരേന ച തുട്ഠോ അഹോസിം;
‘‘Amajjapo no ca musā abhāṇiṃ 2, sakena dārena ca tuṭṭho ahosiṃ;
അന്നഞ്ച പാനഞ്ച പസന്നചിത്തോ, സക്കച്ച ദാനം വിപുലം അദാസിം.
Annañca pānañca pasannacitto, sakkacca dānaṃ vipulaṃ adāsiṃ.
൯൭൪.
974.
‘‘തേന മേതാദിസോ വണ്ണോ…പേ॰…വണ്ണോ ച മേ സബ്ബദിസാ പഭാസതീ’’തി.
‘‘Tena metādiso vaṇṇo…pe…vaṇṇo ca me sabbadisā pabhāsatī’’ti.
ദുതിയനാഗവിമാനം ഏകാദസമം.
Dutiyanāgavimānaṃ ekādasamaṃ.
Footnotes:
Related texts:
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / ഖുദ്ദകനികായ (അട്ഠകഥാ) • Khuddakanikāya (aṭṭhakathā) / വിമാനവത്ഥു-അട്ഠകഥാ • Vimānavatthu-aṭṭhakathā / ൧൧. ദുതിയനാഗവിമാനവണ്ണനാ • 11. Dutiyanāgavimānavaṇṇanā
