| Library / Tipiṭaka / તિપિટક • Tipiṭaka / વિમાનવત્થુપાળિ • Vimānavatthupāḷi |
૧૧. દુતિયનાગવિમાનવત્થુ
11. Dutiyanāgavimānavatthu
૯૬૮.
968.
‘‘મહન્તં નાગં અભિરુય્હ, સબ્બસેતં ગજુત્તમં;
‘‘Mahantaṃ nāgaṃ abhiruyha, sabbasetaṃ gajuttamaṃ;
વના વનં અનુપરિયાસિ, નારીગણપુરક્ખતો;
Vanā vanaṃ anupariyāsi, nārīgaṇapurakkhato;
ઓભાસેન્તો દિસા સબ્બા, ઓસધી વિય તારકા.
Obhāsento disā sabbā, osadhī viya tārakā.
૯૬૯.
969.
‘‘કેન તેતાદિસો વણ્ણો…પે॰…વણ્ણો ચ તે સબ્બદિસા પભાસતી’’તિ.
‘‘Kena tetādiso vaṇṇo…pe…vaṇṇo ca te sabbadisā pabhāsatī’’ti.
૯૭૧.
971.
સો દેવપુત્તો અત્તમનો, વઙ્ગીસેનેવ પુચ્છિતો;
So devaputto attamano, vaṅgīseneva pucchito;
પઞ્હં પુટ્ઠો વિયાકાસિ, યસ્સ કમ્મસ્સિદં ફલં.
Pañhaṃ puṭṭho viyākāsi, yassa kammassidaṃ phalaṃ.
૯૭૨.
972.
‘‘અહં મનુસ્સેસુ મનુસ્સભૂતો, ઉપાસકો ચક્ખુમતો અહોસિં;
‘‘Ahaṃ manussesu manussabhūto, upāsako cakkhumato ahosiṃ;
પાણાતિપાતા વિરતો અહોસિં, લોકે અદિન્નં પરિવજ્જયિસ્સં.
Pāṇātipātā virato ahosiṃ, loke adinnaṃ parivajjayissaṃ.
૯૭૩.
973.
‘‘અમજ્જપો નો ચ મુસા અભાણિં 1, સકેન દારેન ચ તુટ્ઠો અહોસિં;
‘‘Amajjapo no ca musā abhāṇiṃ 2, sakena dārena ca tuṭṭho ahosiṃ;
અન્નઞ્ચ પાનઞ્ચ પસન્નચિત્તો, સક્કચ્ચ દાનં વિપુલં અદાસિં.
Annañca pānañca pasannacitto, sakkacca dānaṃ vipulaṃ adāsiṃ.
૯૭૪.
974.
‘‘તેન મેતાદિસો વણ્ણો…પે॰…વણ્ણો ચ મે સબ્બદિસા પભાસતી’’તિ.
‘‘Tena metādiso vaṇṇo…pe…vaṇṇo ca me sabbadisā pabhāsatī’’ti.
દુતિયનાગવિમાનં એકાદસમં.
Dutiyanāgavimānaṃ ekādasamaṃ.
Footnotes:
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / ખુદ્દકનિકાય (અટ્ઠકથા) • Khuddakanikāya (aṭṭhakathā) / વિમાનવત્થુ-અટ્ઠકથા • Vimānavatthu-aṭṭhakathā / ૧૧. દુતિયનાગવિમાનવણ્ણના • 11. Dutiyanāgavimānavaṇṇanā
