| Library / Tipiṭaka / তিপিটক • Tipiṭaka / অঙ্গুত্তরনিকায • Aṅguttaranikāya |
৬. দুতিযমিত্তসুত্তং
6. Dutiyamittasuttaṃ
৩৭. ‘‘সত্তহি , ভিক্খৰে, ধম্মেহি সমন্নাগতো ভিক্খু মিত্তো সেৰিতব্বো ভজিতব্বো পযিরুপাসিতব্বো অপি পনুজ্জমানেনপি 1। কতমেহি সত্তহি? পিযো চ হোতি মনাপো চ গরু চ ভাৰনীযো চ ৰত্তা চ ৰচনক্খমো চ গম্ভীরঞ্চ কথং কত্তা হোতি, নো চ অট্ঠানে নিযোজেতি । ইমেহি খো, ভিক্খৰে, সত্তহি ধম্মেহি সমন্নাগতো ভিক্খু মিত্তো সেৰিতব্বো ভজিতব্বো পযিরুপাসিতব্বো অপি পনুজ্জমানেনপী’’তি।
37. ‘‘Sattahi , bhikkhave, dhammehi samannāgato bhikkhu mitto sevitabbo bhajitabbo payirupāsitabbo api panujjamānenapi 2. Katamehi sattahi? Piyo ca hoti manāpo ca garu ca bhāvanīyo ca vattā ca vacanakkhamo ca gambhīrañca kathaṃ kattā hoti, no ca aṭṭhāne niyojeti . Imehi kho, bhikkhave, sattahi dhammehi samannāgato bhikkhu mitto sevitabbo bhajitabbo payirupāsitabbo api panujjamānenapī’’ti.
‘‘পিযো গরু ভাৰনীযো, ৰত্তা চ ৰচনক্খমো।
‘‘Piyo garu bhāvanīyo, vattā ca vacanakkhamo;
‘‘যম্হি এতানি ঠানানি, সংৰিজ্জন্তীধ পুগ্গলে।
‘‘Yamhi etāni ṭhānāni, saṃvijjantīdha puggale;
সো মিত্তো মিত্তকামেন, অত্থকামানুকম্পতো।
So mitto mittakāmena, atthakāmānukampato;
অপি নাসিযমানেন, ভজিতব্বো তথাৰিধো’’তি॥ ছট্ঠং।
Api nāsiyamānena, bhajitabbo tathāvidho’’ti. chaṭṭhaṃ;
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) / ৬. দুতিযমিত্তসুত্তৰণ্ণনা • 6. Dutiyamittasuttavaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ৬-১১. দুতিযমিত্তসুত্তাদিৰণ্ণনা • 6-11. Dutiyamittasuttādivaṇṇanā
