| Library / Tipiṭaka / તિપિટક • Tipiṭaka / અઙ્ગુત્તરનિકાય (ટીકા) • Aṅguttaranikāya (ṭīkā) |
૬-૧૧. દુતિયમિત્તસુત્તાદિવણ્ણના
6-11. Dutiyamittasuttādivaṇṇanā
૩૭-૪૨. છટ્ઠે પિયો ચ હોતિ મનાપો ચાતિ કલ્યાણમિત્તલક્ખણં દસ્સિતં. કલ્યાણમિત્તો હિ સદ્ધાસમ્પન્નો ચ હોતિ સીલસમ્પન્નો સુતસમ્પન્નો ચાગસમ્પન્નો વીરિયસમ્પન્નો સતિસમ્પન્નો સમાધિસમ્પન્નો પઞ્ઞાસમ્પન્નો. તત્થ સદ્ધાસમ્પત્તિયા સદ્દહતિ તથાગતસ્સ સમ્બોધિં કમ્મઞ્ચ કમ્મફલઞ્ચ, તેન સમ્બોધિયા હેતુભૂતં સત્તેસુ હિતસુખં ન પરિચ્ચજતિ . સીલસમ્પત્તિયા સત્તાનં પિયો હોતિ ગરુ ભાવનીયો ચોદકો પાપગરહી વત્તા વચનક્ખમો. સુતસમ્પત્તિયા સચ્ચપટિચ્ચસમુપ્પાદાદિપટિસંયુત્તાનં ગમ્ભીરાનં કથાનં કત્તા હોતિ. ચાગસમ્પત્તિયા અપ્પિચ્છો હોતિ સન્તુટ્ઠો પવિવિત્તો અસંસટ્ઠો. વીરિયસમ્પત્તિયા આરદ્ધવીરિયો હોતિ અત્તહિતપરહિતપટિપત્તિયં. સતિસમ્પત્તિયા ઉપટ્ઠિતસ્સતી હોતિ. સમાધિસમ્પત્તિયા અવિક્ખિત્તો હોતિ સમાહિતચિતો. પઞ્ઞાસમ્પત્તિયા અવિપરીતં પજાનાતિ. સો સતિયા કુસલાકુસલાનં ધમ્માનં ગતિયો સમન્નેસમાનો પઞ્ઞાય સત્તાનં હિતાહિતં યથાભૂતં જાનિત્વા સમાધિના તત્થ એકગ્ગચિત્તો હુત્વા વીરિયેન સત્તે અહિતે નિસેધેત્વા હિતે નિયોજેતિ. તેન વુત્તં ‘‘પિયો…પે॰… નિયોજેતી’’તિ. સત્તમાદીનિ ઉત્તાનત્થાનિ.
37-42. Chaṭṭhe piyo ca hoti manāpo cāti kalyāṇamittalakkhaṇaṃ dassitaṃ. Kalyāṇamitto hi saddhāsampanno ca hoti sīlasampanno sutasampanno cāgasampanno vīriyasampanno satisampanno samādhisampanno paññāsampanno. Tattha saddhāsampattiyā saddahati tathāgatassa sambodhiṃ kammañca kammaphalañca, tena sambodhiyā hetubhūtaṃ sattesu hitasukhaṃ na pariccajati . Sīlasampattiyā sattānaṃ piyo hoti garu bhāvanīyo codako pāpagarahī vattā vacanakkhamo. Sutasampattiyā saccapaṭiccasamuppādādipaṭisaṃyuttānaṃ gambhīrānaṃ kathānaṃ kattā hoti. Cāgasampattiyā appiccho hoti santuṭṭho pavivitto asaṃsaṭṭho. Vīriyasampattiyā āraddhavīriyo hoti attahitaparahitapaṭipattiyaṃ. Satisampattiyā upaṭṭhitassatī hoti. Samādhisampattiyā avikkhitto hoti samāhitacito. Paññāsampattiyā aviparītaṃ pajānāti. So satiyā kusalākusalānaṃ dhammānaṃ gatiyo samannesamāno paññāya sattānaṃ hitāhitaṃ yathābhūtaṃ jānitvā samādhinā tattha ekaggacitto hutvā vīriyena satte ahite nisedhetvā hite niyojeti. Tena vuttaṃ ‘‘piyo…pe… niyojetī’’ti. Sattamādīni uttānatthāni.
દુતિયમિત્તસુત્તાદિવણ્ણના નિટ્ઠિતા.
Dutiyamittasuttādivaṇṇanā niṭṭhitā.
દેવતાવગ્ગવણ્ણના નિટ્ઠિતા.
Devatāvaggavaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / અઙ્ગુત્તરનિકાય • Aṅguttaranikāya
૬. દુતિયમિત્તસુત્તં • 6. Dutiyamittasuttaṃ
૭. પઠમપટિસમ્ભિદાસુત્તં • 7. Paṭhamapaṭisambhidāsuttaṃ
૮. દુતિયપટિસમ્ભિદાસુત્તં • 8. Dutiyapaṭisambhidāsuttaṃ
૯. પઠમવસસુત્તં • 9. Paṭhamavasasuttaṃ
૧૦. દુતિયવસસુત્તં • 10. Dutiyavasasuttaṃ
૧૧. પઠમનિદ્દસસુત્તં • 11. Paṭhamaniddasasuttaṃ
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / અઙ્ગુત્તરનિકાય (અટ્ઠકથા) • Aṅguttaranikāya (aṭṭhakathā)
૬. દુતિયમિત્તસુત્તવણ્ણના • 6. Dutiyamittasuttavaṇṇanā
૭. પઠમપટિસમ્ભિદાસુત્તવણ્ણના • 7. Paṭhamapaṭisambhidāsuttavaṇṇanā
