| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
10. д̣̇уд̇ияамаран̣ассад̇исуд̇д̇аван̣н̣анаа
10. Dutiyamaraṇassatisuttavaṇṇanā
20. д̣̇асамз нигканд̇зд̇и вийд̇ивад̇д̇з. бад̇иг̇ад̇ааяаад̇и бажжааг̇ад̇ааяа, самбад̇д̇ааяаад̇и ад̇т̇о. д̇знааха ‘‘бадибаннааяаа’’д̇и. со мамасса анд̇арааяод̇и яат̇аавуд̇д̇аа на гзвалам̣ гаалагирияаава, мама ад̇ид̣̇уллабхам̣ кан̣ам̣ лабхид̇ваа д̇асса сад̇т̇усаасанаманасигаарасса жзва ж̇ийвид̇асса жа саг̇г̇амогкаанан̃жа анд̇арааяо асса, бхавзяяаад̇и ад̇т̇о. д̇знааха ‘‘д̇ивид̇хо анд̇арааяо’’д̇иаад̣̇и. вибаж̇ж̇зяяаад̇и вибад̇д̇им̣ г̇ажчзяяа. сад̇т̇агзна вияа ан̇г̇абажжан̇г̇аанам̣ ганд̇анагаарагаа гааяз санд̇хиб̣анд̇ханажчзд̣̇агаваад̇аа сад̇т̇агаваад̇аа. гад̇д̇угамяад̇аачанд̣̇од̇и нияяаанаавахо гад̇д̇угамяад̇аагусалажчанд̣̇о. баяог̇авийрияанд̇и бхааванаануяог̇авийрияам̣. на бадиваад̇и на бадинивад̇д̇ад̇ийд̇и аббадивааний, анд̇араа восаанаанаабаж̇ж̇анавийрияам̣. д̇знааха ‘‘анугган̣танаа аббадисан̇гхаран̣аа’’д̇и.
20. Dasame nikkhanteti vītivatte. Patigatāyāti paccāgatāya, sampattāyāti attho. Tenāha ‘‘paṭipannāyā’’ti. So mamassa antarāyoti yathāvuttā na kevalaṃ kālakiriyāva, mama atidullabhaṃ khaṇaṃ labhitvā tassa satthusāsanamanasikārassa ceva jīvitassa ca saggamokkhānañca antarāyo assa, bhaveyyāti attho. Tenāha ‘‘tividho antarāyo’’tiādi. Vipajjeyyāti vipattiṃ gaccheyya. Satthakena viya aṅgapaccaṅgānaṃ kantanakārakā kāye sandhibandhanacchedakavātā satthakavātā. Kattukamyatāchandoti niyyānāvaho kattukamyatākusalacchando. Payogavīriyanti bhāvanānuyogavīriyaṃ. Na paṭivāti na paṭinivattatīti appaṭivānī, antarā vosānānāpajjanavīriyaṃ. Tenāha ‘‘anukkaṇṭhanā appaṭisaṅgharaṇā’’ti.
д̣̇уд̇ияамаран̣ассад̇исуд̇д̇аван̣н̣анаа нидтид̇аа.
Dutiyamaraṇassatisuttavaṇṇanā niṭṭhitā.
сааран̣ийяаваг̇г̇аван̣н̣анаа нидтид̇аа.
Sāraṇīyavaggavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 10. д̣̇уд̇ияамаран̣ассад̇исуд̇д̇ам̣ • 10. Dutiyamaraṇassatisuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 10. д̣̇уд̇ияамаран̣ассад̇исуд̇д̇аван̣н̣анаа • 10. Dutiyamaraṇassatisuttavaṇṇanā
