| Library / Tipiṭaka / തിപിടക • Tipiṭaka / അങ്ഗുത്തരനികായ (അട്ഠകഥാ) • Aṅguttaranikāya (aṭṭhakathā) |
൮. ദുതിയമഹാപഞ്ഹസുത്തവണ്ണനാ
8. Dutiyamahāpañhasuttavaṇṇanā
൨൮. അട്ഠമേ കജങ്ഗലായന്തി ഏവംനാമകേ നഗരേ. കജങ്ഗലാതി കജങ്ഗലാവാസിനോ. മഹാപഞ്ഹേസൂതി മഹന്തഅത്ഥപരിഗ്ഗാഹകേസു പഞ്ഹേസു. യഥാ മേത്ഥ ഖായതീതി യഥാ മേ ഏത്ഥ ഉപട്ഠാതി. സമ്മാ സുഭാവിതചിത്തോതി ഹേതുനാ നയേന സുട്ഠു ഭാവിതചിത്തോ. ഏസോ ചേവ തസ്സ അത്ഥോതി കിഞ്ചാപി ഭഗവതാ ‘‘ചത്താരോ ധമ്മാ’’തിആദയോ പഞ്ഹാ ‘‘ചത്താരോ ആഹാരാ’’തിആദിനാ നയേന വിസ്സജ്ജിതാ, യസ്മാ പന ചതൂസു ആഹാരേസു പരിഞ്ഞാതേസു ചത്താരോ സതിപട്ഠാനാ ഭാവിതാ ഹോന്തി, തേസു ച ഭാവിതേസു ചത്താരോ ആഹാരാ പരിഞ്ഞാതാവ ഹോന്തി. തസ്മാ ദേസനാവിലാസേന ബ്യഞ്ജനമേവേത്ഥ നാനം, അത്ഥോ പന ഏകോയേവ. ഇന്ദ്രിയാദീസുപി ഏസേവ നയോ. തേന വുത്തം – ‘‘ഏസോ ചേവ തസ്സ അത്ഥോ’’തി. അത്ഥതോ ഹി ഉഭയമ്പേതം മജ്ഝേ ഭിന്നസുവണ്ണമിവ ഹോതി.
28. Aṭṭhame kajaṅgalāyanti evaṃnāmake nagare. Kajaṅgalāti kajaṅgalāvāsino. Mahāpañhesūti mahantaatthapariggāhakesu pañhesu. Yathā mettha khāyatīti yathā me ettha upaṭṭhāti. Sammā subhāvitacittoti hetunā nayena suṭṭhu bhāvitacitto. Eso ceva tassa atthoti kiñcāpi bhagavatā ‘‘cattāro dhammā’’tiādayo pañhā ‘‘cattāro āhārā’’tiādinā nayena vissajjitā, yasmā pana catūsu āhāresu pariññātesu cattāro satipaṭṭhānā bhāvitā honti, tesu ca bhāvitesu cattāro āhārā pariññātāva honti. Tasmā desanāvilāsena byañjanamevettha nānaṃ, attho pana ekoyeva. Indriyādīsupi eseva nayo. Tena vuttaṃ – ‘‘eso ceva tassa attho’’ti. Atthato hi ubhayampetaṃ majjhe bhinnasuvaṇṇamiva hoti.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / അങ്ഗുത്തരനികായ • Aṅguttaranikāya / ൮. ദുതിയമഹാപഞ്ഹാസുത്തം • 8. Dutiyamahāpañhāsuttaṃ
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / അങ്ഗുത്തരനികായ (ടീകാ) • Aṅguttaranikāya (ṭīkā) / ൮-൯. ദുതിയമഹാപഞ്ഹസുത്താദിവണ്ണനാ • 8-9. Dutiyamahāpañhasuttādivaṇṇanā
