| Library / Tipiṭaka / തിപിടക • Tipiṭaka / അങ്ഗുത്തരനികായ • Aṅguttaranikāya |
൧൦. ദുതിയമച്ഛരിയസുത്തം
10. Dutiyamacchariyasuttaṃ
൨൪൦. ‘‘പഞ്ചഹി, ഭിക്ഖവേ, ധമ്മേഹി സമന്നാഗതോ ആവാസികോ ഭിക്ഖു യഥാഭതം നിക്ഖിത്തോ ഏവം നിരയേ. കതമേഹി പഞ്ചഹി? ആവാസമച്ഛരീ ഹോതി; കുലമച്ഛരീ ഹോതി; ലാഭമച്ഛരീ ഹോതി; വണ്ണമച്ഛരീ ഹോതി; ധമ്മമച്ഛരീ ഹോതി. ഇമേഹി ഖോ, ഭിക്ഖവേ, പഞ്ചഹി ധമ്മേഹി സമന്നാഗതോ ആവാസികോ ഭിക്ഖു യഥാഭതം നിക്ഖിത്തോ ഏവം നിരയേ.
240. ‘‘Pañcahi, bhikkhave, dhammehi samannāgato āvāsiko bhikkhu yathābhataṃ nikkhitto evaṃ niraye. Katamehi pañcahi? Āvāsamaccharī hoti; kulamaccharī hoti; lābhamaccharī hoti; vaṇṇamaccharī hoti; dhammamaccharī hoti. Imehi kho, bhikkhave, pañcahi dhammehi samannāgato āvāsiko bhikkhu yathābhataṃ nikkhitto evaṃ niraye.
‘‘പഞ്ചഹി , ഭിക്ഖവേ, ധമ്മേഹി സമന്നാഗതോ ആവാസികോ ഭിക്ഖു യഥാഭതം നിക്ഖിത്തോ ഏവം സഗ്ഗേ. കതമേഹി പഞ്ചഹി? ന ആവാസമച്ഛരീ ഹോതി; ന കുലമച്ഛരീ ഹോതി; ന ലാഭമച്ഛരീ ഹോതി; ന വണ്ണമച്ഛരീ ഹോതി; ന ധമ്മമച്ഛരീ ഹോതി. ഇമേഹി ഖോ, ഭിക്ഖവേ, പഞ്ചഹി ധമ്മേഹി സമന്നാഗതോ ആവാസികോ ഭിക്ഖു യഥാഭതം നിക്ഖിത്തോ ഏവം സഗ്ഗേ’’തി. ദസമം.
‘‘Pañcahi , bhikkhave, dhammehi samannāgato āvāsiko bhikkhu yathābhataṃ nikkhitto evaṃ sagge. Katamehi pañcahi? Na āvāsamaccharī hoti; na kulamaccharī hoti; na lābhamaccharī hoti; na vaṇṇamaccharī hoti; na dhammamaccharī hoti. Imehi kho, bhikkhave, pañcahi dhammehi samannāgato āvāsiko bhikkhu yathābhataṃ nikkhitto evaṃ sagge’’ti. Dasamaṃ.
ആവാസികവഗ്ഗോ ചതുത്ഥോ.
Āvāsikavaggo catuttho.
തസ്സുദ്ദാനം –
Tassuddānaṃ –
ആവാസികോ പിയോ ച സോഭനോ,
Āvāsiko piyo ca sobhano,
ബഹൂപകാരോ അനുകമ്പകോ ച;
Bahūpakāro anukampako ca;
തയോ അവണ്ണാരഹാ ചേവ,
Tayo avaṇṇārahā ceva,
Footnotes:
Related texts:
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / അങ്ഗുത്തരനികായ (ടീകാ) • Aṅguttaranikāya (ṭīkā) / ൧-൧൦. പഠമദീഘചാരികസുത്താദിവണ്ണനാ • 1-10. Paṭhamadīghacārikasuttādivaṇṇanā
