| Library / Tipiṭaka / திபிடக • Tipiṭaka / உதா³னபாளி • Udānapāḷi |
2. து³தியலகுண்ட³கப⁴த்³தி³யஸுத்தங்
2. Dutiyalakuṇḍakabhaddiyasuttaṃ
62. ஏவங் மே ஸுதங் – ஏகங் ஸமயங் ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ ஆராமே. தேன கோ² பன ஸமயேன ஆயஸ்மா ஸாரிபுத்தோ ஆயஸ்மந்தங் லகுண்ட³கப⁴த்³தி³யங் ஸேக²ங் 1 மஞ்ஞமானோ பி⁴ய்யோஸோமத்தாய அனேகபரியாயேன த⁴ம்மியா கதா²ய ஸந்த³ஸ்ஸேதி ஸமாத³பேதி ஸமுத்தேஜேதி ஸம்பஹங்ஸேதி.
62. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena āyasmā sāriputto āyasmantaṃ lakuṇḍakabhaddiyaṃ sekhaṃ 2 maññamāno bhiyyosomattāya anekapariyāyena dhammiyā kathāya sandasseti samādapeti samuttejeti sampahaṃseti.
அத்³த³ஸா கோ² ப⁴க³வா ஆயஸ்மந்தங் ஸாரிபுத்தங் ஆயஸ்மந்தங் லகுண்ட³கப⁴த்³தி³யங் ஸேக²ங் மஞ்ஞமானங் பி⁴ய்யோஸோமத்தாய அனேகபரியாயேன த⁴ம்மியா கதா²ய ஸந்த³ஸ்ஸெந்தங் ஸமாத³பெந்தங் ஸமுத்தேஜெந்தங் ஸம்பஹங்ஸெந்தங்.
Addasā kho bhagavā āyasmantaṃ sāriputtaṃ āyasmantaṃ lakuṇḍakabhaddiyaṃ sekhaṃ maññamānaṃ bhiyyosomattāya anekapariyāyena dhammiyā kathāya sandassentaṃ samādapentaṃ samuttejentaṃ sampahaṃsentaṃ.
அத² கோ² ப⁴க³வா ஏதமத்த²ங் விதி³த்வா தாயங் வேலாயங் இமங் உதா³னங் உதா³னேஸி –
Atha kho bhagavā etamatthaṃ viditvā tāyaṃ velāyaṃ imaṃ udānaṃ udānesi –
‘‘அச்செ²ச்சி² 3 வட்டங் ப்³யகா³ நிராஸங், விஸுக்கா² ஸரிதா ந ஸந்த³தி;
‘‘Acchecchi 4 vaṭṭaṃ byagā nirāsaṃ, visukkhā saritā na sandati;
சி²ன்னங் வட்டங் ந வத்ததி, ஏஸேவந்தோ து³க்க²ஸ்ஸா’’தி. து³தியங்;
Chinnaṃ vaṭṭaṃ na vattati, esevanto dukkhassā’’ti. dutiyaṃ;
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / உதா³ன-அட்ட²கதா² • Udāna-aṭṭhakathā / 2. து³தியலகுண்ட³கப⁴த்³தி³யஸுத்தவண்ணனா • 2. Dutiyalakuṇḍakabhaddiyasuttavaṇṇanā
