| Library / Tipiṭaka / တိပိဋက • Tipiṭaka / သံယုတ္တနိကာယ • Saṃyuttanikāya |
၉. ဒုတိယကုက္ကုဋာရာမသုတ္တံ
9. Dutiyakukkuṭārāmasuttaṃ
၁၉. ပာဋလိပုတ္တနိဒာနံ။ ‘‘‘ဗ္ရဟ္မစရိယံ, ဗ္ရဟ္မစရိယ’န္တိ, အာဝုသော အာနန္ဒ, ဝုစ္စတိ။ ကတမံ နု ခော, အာဝုသော, ဗ္ရဟ္မစရိယံ, ကတမံ ဗ္ရဟ္မစရိယပရိယောသာန’’န္တိ? ‘‘သာဓု သာဓု, အာဝုသော ဘဒ္ဒ! ဘဒ္ဒကော ခော တေ, အာဝုသော ဘဒ္ဒ, ဥမ္မင္ဂော, ဘဒ္ဒကံ ပဋိဘာနံ, ကလ္ယာဏီ ပရိပုစ္ဆာ။ ဧဝဉ္ဟိ တ္ဝံ, အာဝုသော ဘဒ္ဒ, ပုစ္ဆသိ – ‘ဗ္ရဟ္မစရိယံ, ဗ္ရဟ္မစရိယန္တိ, အာဝုသော အာနန္ဒ, ဝုစ္စတိ။ ကတမံ နု ခော, အာဝုသော , ဗ္ရဟ္မစရိယံ, ကတမံ ဗ္ရဟ္မစရိယပရိယောသာန’’’န္တိ? ‘‘ဧဝမာဝုသော’’တိ။ ‘‘အယမေဝ ခော, အာဝုသော, အရိယော အဋ္ဌင္ဂိကော မဂ္ဂော ဗ္ရဟ္မစရိယံ, သေယ္ယထိဒံ – သမ္မာဒိဋ္ဌိ။ပေ.။ သမ္မာသမာဓိ။ ယော ခော, အာဝုသော, ရာဂက္ခယော ဒောသက္ခယော မောဟက္ခယော – ဣဒံ ဗ္ရဟ္မစရိယပရိယောသာန’’န္တိ။ နဝမံ။
19. Pāṭaliputtanidānaṃ. ‘‘‘Brahmacariyaṃ, brahmacariya’nti, āvuso ānanda, vuccati. Katamaṃ nu kho, āvuso, brahmacariyaṃ, katamaṃ brahmacariyapariyosāna’’nti? ‘‘Sādhu sādhu, āvuso bhadda! Bhaddako kho te, āvuso bhadda, ummaṅgo, bhaddakaṃ paṭibhānaṃ, kalyāṇī paripucchā. Evañhi tvaṃ, āvuso bhadda, pucchasi – ‘brahmacariyaṃ, brahmacariyanti, āvuso ānanda, vuccati. Katamaṃ nu kho, āvuso , brahmacariyaṃ, katamaṃ brahmacariyapariyosāna’’’nti? ‘‘Evamāvuso’’ti. ‘‘Ayameva kho, āvuso, ariyo aṭṭhaṅgiko maggo brahmacariyaṃ, seyyathidaṃ – sammādiṭṭhi…pe… sammāsamādhi. Yo kho, āvuso, rāgakkhayo dosakkhayo mohakkhayo – idaṃ brahmacariyapariyosāna’’nti. Navamaṃ.
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၈-၁၀. ပဌမကုက္ကုဋာရာမသုတ္တာဒိဝဏ္ဏနာ • 8-10. Paṭhamakukkuṭārāmasuttādivaṇṇanā
