| Library / Tipiṭaka / တိပိဋက • Tipiṭaka / သံယုတ္တနိကာယ (ဋီကာ) • Saṃyuttanikāya (ṭīkā) |
၂. ဒုတိယကသ္သပသုတ္တဝဏ္ဏနာ
2. Dutiyakassapasuttavaṇṇanā
၈၃. ဒ္ဝီဟိ ဈာနေဟီတိ အာရမ္မဏလက္ခဏူပနိဇ္ဈာနလက္ခဏေဟိ ဒ္ဝီဟိ ဈာနေဟိ။ ကမ္မဋ္ဌာနဝိမုတ္တိယာတိ ကမ္မဋ္ဌာနာနုယောဂလဒ္ဓာယ ဝိမုတ္တိယာ။ တေန တဒင္ဂဝိက္ခမ္ဘနဝိမုတ္တိယော ဝဒတိ။ သတ္ထုသာသနသ္သ ဟဒယတ္တာ အဗ္ဘန္တရတ္တာ ဟဒယသ္သ မာနသသ္သ, အနုပတ္တိံ ပဋိလာဘမာနသံ။ တံ ပန အတ္ထတော အညာ ဧဝာတိ အာဟ ‘‘အရဟတ္တ’’န္တိ။ တံ ပတ္တုကာမေန ဧကန္တတော ဝဇ္ဇေတဗ္ဗတဏ္ဟာဒိဋ္ဌီနံ ဘာဝေ တသ္သ အနိဇ္ဈနတော, တဒဘာဝေ ဣဇ္ဈနတော စ တေ ဥပ္ပာဒနဝသေန ယဒဂ္ဂေန နိသ္သိတော, တဒဂ္ဂေန ပနာယမ္ပိ တေဟိ နိသ္သိတော နာမ ဟောတီတိ အာဟ ‘‘အနိသ္သိတော’’တိအာဒိ။ အရဟတ္တံ အာနိသံသိတဗ္ဗဋ္ဌေန အာနိသံသံ ဧတသ္သာတိ အရဟတ္တာနိသံသော။ အရဟတ္တံ ပတ္တုကာမသ္သ ပုဗ္ဗဘာဂပဋိပဒာ ဣစ္ဆိတဗ္ဗာ။ တတ္ထ စ သဗ္ဗပဌမော ကမ္မဋ္ဌာနအတ္တာနုယောဂော, သော ဣဓ န ဂဟိတောတိ အာဟ ‘‘တန္တိဓမ္မော ပုဗ္ဗဘာဂော’’တိ။ တတ္ထ တန္တိဓမ္မောတိ ပရိယတ္တိဓမ္မော။
83.Dvīhi jhānehīti ārammaṇalakkhaṇūpanijjhānalakkhaṇehi dvīhi jhānehi. Kammaṭṭhānavimuttiyāti kammaṭṭhānānuyogaladdhāya vimuttiyā. Tena tadaṅgavikkhambhanavimuttiyo vadati. Satthusāsanassa hadayattā abbhantarattā hadayassa mānasassa, anupattiṃ paṭilābhamānasaṃ. Taṃ pana atthato aññā evāti āha ‘‘arahatta’’nti. Taṃ pattukāmena ekantato vajjetabbataṇhādiṭṭhīnaṃ bhāve tassa anijjhanato, tadabhāve ijjhanato ca te uppādanavasena yadaggena nissito, tadaggena panāyampi tehi nissito nāma hotīti āha ‘‘anissito’’tiādi. Arahattaṃ ānisaṃsitabbaṭṭhena ānisaṃsaṃ etassāti arahattānisaṃso. Arahattaṃ pattukāmassa pubbabhāgapaṭipadā icchitabbā. Tattha ca sabbapaṭhamo kammaṭṭhānaattānuyogo, so idha na gahitoti āha ‘‘tantidhammo pubbabhāgo’’ti. Tattha tantidhammoti pariyattidhammo.
ဒုတိယကသ္သပသုတ္တဝဏ္ဏနာ နိဋ္ဌိတာ။
Dutiyakassapasuttavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၂. ဒုတိယကသ္သပသုတ္တံ • 2. Dutiyakassapasuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၂. ဒုတိယကသ္သပသုတ္တဝဏ္ဏနာ • 2. Dutiyakassapasuttavaṇṇanā
