| Library / Tipiṭaka / તિપિટક • Tipiṭaka / વિમાનવત્થુપાળિ • Vimānavatthupāḷi |
૭. દુતિયકરણીયવિમાનવત્થુ
7. Dutiyakaraṇīyavimānavatthu
૯૩૫.
935.
‘‘ઉચ્ચમિદં મણિથૂણં વિમાનં, સમન્તતો દ્વાદસ યોજનાનિ;
‘‘Uccamidaṃ maṇithūṇaṃ vimānaṃ, samantato dvādasa yojanāni;
કૂટાગારા સત્તસતા ઉળારા, વેળુરિયથમ્ભા રુચકત્થતા સુભા.
Kūṭāgārā sattasatā uḷārā, veḷuriyathambhā rucakatthatā subhā.
૯૩૬.
936.
‘‘તત્થચ્છસિ પિવસિ ખાદસિ ચ, દિબ્બા ચ વીણા પવદન્તિ વગ્ગું;
‘‘Tatthacchasi pivasi khādasi ca, dibbā ca vīṇā pavadanti vagguṃ;
દિબ્બા રસા કામગુણેત્થ પઞ્ચ, નારિયો ચ નચ્ચન્તિ સુવણ્ણછન્ના.
Dibbā rasā kāmaguṇettha pañca, nāriyo ca naccanti suvaṇṇachannā.
૯૩૭.
937.
‘‘કેન તેતાદિસો વણ્ણો…પે॰… વણ્ણો ચ તે સબ્બદિસા પભાસતી’’તિ.
‘‘Kena tetādiso vaṇṇo…pe… vaṇṇo ca te sabbadisā pabhāsatī’’ti.
૯૩૯.
939.
સો દેવપુત્તો અત્તમનો…પે॰… યસ્સ કમ્મસ્સિદં ફલં.
So devaputto attamano…pe… yassa kammassidaṃ phalaṃ.
૯૪૦.
940.
‘‘કરણીયાનિ પુઞ્ઞાનિ, પણ્ડિતેન વિજાનતા;
‘‘Karaṇīyāni puññāni, paṇḍitena vijānatā;
સમ્મગ્ગતેસુ ભિક્ખૂસુ, યત્થ દિન્નં મહપ્ફલં.
Sammaggatesu bhikkhūsu, yattha dinnaṃ mahapphalaṃ.
૯૪૧.
941.
‘‘અત્થાય વત મે ભિક્ખુ, અરઞ્ઞા ગામમાગતો;
‘‘Atthāya vata me bhikkhu, araññā gāmamāgato;
તત્થ ચિત્તં પસાદેત્વા, તાવતિંસૂપગો અહં.
Tattha cittaṃ pasādetvā, tāvatiṃsūpago ahaṃ.
૯૪૨.
942.
‘‘તેન મેતાદિસો વણ્ણો…પે॰…
‘‘Tena metādiso vaṇṇo…pe…
વણ્ણો ચ મે સબ્બદિસા પભાસતી’’તિ.
Vaṇṇo ca me sabbadisā pabhāsatī’’ti.
દુતિયકરણીયવિમાનં સત્તમં.
Dutiyakaraṇīyavimānaṃ sattamaṃ.
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / ખુદ્દકનિકાય (અટ્ઠકથા) • Khuddakanikāya (aṭṭhakathā) / વિમાનવત્થુ-અટ્ઠકથા • Vimānavatthu-aṭṭhakathā / ૭. દુતિયકરણીયવિમાનવણ્ણના • 7. Dutiyakaraṇīyavimānavaṇṇanā
