| Library / Tipiṭaka / តិបិដក • Tipiṭaka / អង្គុត្តរនិកាយ • Aṅguttaranikāya |
១០. ទុតិយកណ្ហសប្បសុត្តំ
10. Dutiyakaṇhasappasuttaṃ
២៣០. ‘‘បញ្ចិមេ, ភិក្ខវេ, អាទីនវា កណ្ហសប្បេ។ កតមេ បញ្ច? កោធនោ, ឧបនាហី, ឃោរវិសោ, ទុជ្ជិវ្ហោ, មិត្តទុព្ភី – ឥមេ ខោ, ភិក្ខវេ, បញ្ច អាទីនវា កណ្ហសប្បេ។
230. ‘‘Pañcime, bhikkhave, ādīnavā kaṇhasappe. Katame pañca? Kodhano, upanāhī, ghoraviso, dujjivho, mittadubbhī – ime kho, bhikkhave, pañca ādīnavā kaṇhasappe.
‘‘ឯវមេវំ ខោ, ភិក្ខវេ, បញ្ចិមេ អាទីនវា មាតុគាមេ។ កតមេ បញ្ច? កោធនោ, ឧបនាហី, ឃោរវិសោ, ទុជ្ជិវ្ហោ, មិត្តទុព្ភី។ តត្រិទំ, ភិក្ខវេ, មាតុគាមស្ស ឃោរវិសតា – យេភុយ្យេន, ភិក្ខវេ, មាតុគាមោ តិព្ពរាគោ។ តត្រិទំ, ភិក្ខវេ, មាតុគាមស្ស ទុជ្ជិវ្ហតា – យេភុយ្យេន, ភិក្ខវេ, មាតុគាមោ បិសុណវាចោ។ តត្រិទំ, ភិក្ខវេ, មាតុគាមស្ស មិត្តទុព្ភិតា – យេភុយ្យេន , ភិក្ខវេ, មាតុគាមោ អតិចារិនី។ ឥមេ ខោ, ភិក្ខវេ, បញ្ច អាទីនវា មាតុគាមេ’’តិ។ ទសមំ។
‘‘Evamevaṃ kho, bhikkhave, pañcime ādīnavā mātugāme. Katame pañca? Kodhano, upanāhī, ghoraviso, dujjivho, mittadubbhī. Tatridaṃ, bhikkhave, mātugāmassa ghoravisatā – yebhuyyena, bhikkhave, mātugāmo tibbarāgo. Tatridaṃ, bhikkhave, mātugāmassa dujjivhatā – yebhuyyena, bhikkhave, mātugāmo pisuṇavāco. Tatridaṃ, bhikkhave, mātugāmassa mittadubbhitā – yebhuyyena , bhikkhave, mātugāmo aticārinī. Ime kho, bhikkhave, pañca ādīnavā mātugāme’’ti. Dasamaṃ.
ទីឃចារិកវគ្គោ តតិយោ។
Dīghacārikavaggo tatiyo.
តស្សុទ្ទានំ –
Tassuddānaṃ –
ទ្វេ ទីឃចារិកា វុត្តា, អតិនិវាសមច្ឆរី;
Dve dīghacārikā vuttā, atinivāsamaccharī;
ទ្វេ ច កុលូបកា ភោគា, ភត្តំ សប្បាបរេ ទុវេតិ។
Dve ca kulūpakā bhogā, bhattaṃ sappāpare duveti.
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / អង្គុត្តរនិកាយ (អដ្ឋកថា) • Aṅguttaranikāya (aṭṭhakathā) / ១០. ទុតិយកណ្ហសប្បសុត្តវណ្ណនា • 10. Dutiyakaṇhasappasuttavaṇṇanā
ដីកា • Tīkā / សុត្តបិដក (ដីកា) • Suttapiṭaka (ṭīkā) / អង្គុត្តរនិកាយ (ដីកា) • Aṅguttaranikāya (ṭīkā) / ១-១០. បឋមទីឃចារិកសុត្តាទិវណ្ណនា • 1-10. Paṭhamadīghacārikasuttādivaṇṇanā
