| Library / Tipiṭaka / તિપિટક • Tipiṭaka / અઙ્ગુત્તરનિકાય • Aṅguttaranikāya |
૧૦. દુતિયકણ્હસપ્પસુત્તં
10. Dutiyakaṇhasappasuttaṃ
૨૩૦. ‘‘પઞ્ચિમે, ભિક્ખવે, આદીનવા કણ્હસપ્પે. કતમે પઞ્ચ? કોધનો, ઉપનાહી, ઘોરવિસો, દુજ્જિવ્હો, મિત્તદુબ્ભી – ઇમે ખો, ભિક્ખવે, પઞ્ચ આદીનવા કણ્હસપ્પે.
230. ‘‘Pañcime, bhikkhave, ādīnavā kaṇhasappe. Katame pañca? Kodhano, upanāhī, ghoraviso, dujjivho, mittadubbhī – ime kho, bhikkhave, pañca ādīnavā kaṇhasappe.
‘‘એવમેવં ખો, ભિક્ખવે, પઞ્ચિમે આદીનવા માતુગામે. કતમે પઞ્ચ? કોધનો, ઉપનાહી, ઘોરવિસો, દુજ્જિવ્હો, મિત્તદુબ્ભી. તત્રિદં, ભિક્ખવે, માતુગામસ્સ ઘોરવિસતા – યેભુય્યેન, ભિક્ખવે, માતુગામો તિબ્બરાગો. તત્રિદં, ભિક્ખવે, માતુગામસ્સ દુજ્જિવ્હતા – યેભુય્યેન, ભિક્ખવે, માતુગામો પિસુણવાચો. તત્રિદં, ભિક્ખવે, માતુગામસ્સ મિત્તદુબ્ભિતા – યેભુય્યેન , ભિક્ખવે, માતુગામો અતિચારિની. ઇમે ખો, ભિક્ખવે, પઞ્ચ આદીનવા માતુગામે’’તિ. દસમં.
‘‘Evamevaṃ kho, bhikkhave, pañcime ādīnavā mātugāme. Katame pañca? Kodhano, upanāhī, ghoraviso, dujjivho, mittadubbhī. Tatridaṃ, bhikkhave, mātugāmassa ghoravisatā – yebhuyyena, bhikkhave, mātugāmo tibbarāgo. Tatridaṃ, bhikkhave, mātugāmassa dujjivhatā – yebhuyyena, bhikkhave, mātugāmo pisuṇavāco. Tatridaṃ, bhikkhave, mātugāmassa mittadubbhitā – yebhuyyena , bhikkhave, mātugāmo aticārinī. Ime kho, bhikkhave, pañca ādīnavā mātugāme’’ti. Dasamaṃ.
દીઘચારિકવગ્ગો તતિયો.
Dīghacārikavaggo tatiyo.
તસ્સુદ્દાનં –
Tassuddānaṃ –
દ્વે દીઘચારિકા વુત્તા, અતિનિવાસમચ્છરી;
Dve dīghacārikā vuttā, atinivāsamaccharī;
દ્વે ચ કુલૂપકા ભોગા, ભત્તં સપ્પાપરે દુવેતિ.
Dve ca kulūpakā bhogā, bhattaṃ sappāpare duveti.
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / અઙ્ગુત્તરનિકાય (અટ્ઠકથા) • Aṅguttaranikāya (aṭṭhakathā) / ૧૦. દુતિયકણ્હસપ્પસુત્તવણ્ણના • 10. Dutiyakaṇhasappasuttavaṇṇanā
ટીકા • Tīkā / સુત્તપિટક (ટીકા) • Suttapiṭaka (ṭīkā) / અઙ્ગુત્તરનિકાય (ટીકા) • Aṅguttaranikāya (ṭīkā) / ૧-૧૦. પઠમદીઘચારિકસુત્તાદિવણ્ણના • 1-10. Paṭhamadīghacārikasuttādivaṇṇanā
