| Library / Tipiṭaka / തിപിടക • Tipiṭaka / സംയുത്തനികായ • Saṃyuttanikāya |
൫. ദുതിയകണ്ഡകീസുത്തം
5. Dutiyakaṇḍakīsuttaṃ
൯൦൩. സാകേതനിദാനം. ഏകമന്തം നിസിന്നോ ഖോ ആയസ്മാ സാരിപുത്തോ ആയസ്മന്തം അനുരുദ്ധം ഏതദവോച – ‘‘അസേഖേനാവുസോ അനുരുദ്ധ, ഭിക്ഖുനാ കതമേ ധമ്മാ ഉപസമ്പജ്ജ വിഹാതബ്ബാ’’തി? ‘‘അസേഖേനാവുസോ സാരിപുത്ത, ഭിക്ഖുനാ ചത്താരോ സതിപട്ഠാനാ ഉപസമ്പജ്ജ വിഹാതബ്ബാ. കതമേ ചത്താരോ? ഇധാവുസോ, ഭിക്ഖു കായേ കായാനുപസ്സീ വിഹരതി ആതാപീ സമ്പജാനോ സതിമാ, വിനേയ്യ ലോകേ അഭിജ്ഝാദോമനസ്സം ; വേദനാസു…പേ॰… ചിത്തേ…പേ॰… ധമ്മേസു ധമ്മാനുപസ്സീ വിഹരതി ആതാപീ സമ്പജാനോ സതിമാ, വിനേയ്യ ലോകേ അഭിജ്ഝാദോമനസ്സം – അസേഖേനാവുസോ സാരിപുത്ത, ഭിക്ഖുനാ ഇമേ ചത്താരോ സതിപട്ഠാനാ ഉപസമ്പജ്ജ വിഹാതബ്ബാ’’തി. പഞ്ചമം.
903. Sāketanidānaṃ. Ekamantaṃ nisinno kho āyasmā sāriputto āyasmantaṃ anuruddhaṃ etadavoca – ‘‘asekhenāvuso anuruddha, bhikkhunā katame dhammā upasampajja vihātabbā’’ti? ‘‘Asekhenāvuso sāriputta, bhikkhunā cattāro satipaṭṭhānā upasampajja vihātabbā. Katame cattāro? Idhāvuso, bhikkhu kāye kāyānupassī viharati ātāpī sampajāno satimā, vineyya loke abhijjhādomanassaṃ ; vedanāsu…pe… citte…pe… dhammesu dhammānupassī viharati ātāpī sampajāno satimā, vineyya loke abhijjhādomanassaṃ – asekhenāvuso sāriputta, bhikkhunā ime cattāro satipaṭṭhānā upasampajja vihātabbā’’ti. Pañcamaṃ.
Related texts:
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / സംയുത്തനികായ (അട്ഠകഥാ) • Saṃyuttanikāya (aṭṭhakathā) / ൪-൭. പഠമകണ്ഡകീസുത്താദിവണ്ണനാ • 4-7. Paṭhamakaṇḍakīsuttādivaṇṇanā
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / സംയുത്തനികായ (ടീകാ) • Saṃyuttanikāya (ṭīkā) / ൪-൭. പഠമകണ്ഡകീസുത്താദിവണ്ണനാ • 4-7. Paṭhamakaṇḍakīsuttādivaṇṇanā
