| Library / Tipiṭaka / తిపిటక • Tipiṭaka / విమతివినోదనీ-టీకా • Vimativinodanī-ṭīkā |
దుతియజ్ఝానకథావణ్ణనా
Dutiyajjhānakathāvaṇṇanā
అజ్ఝత్తన్తి ఝానవిసేసనత్తా వుత్తం ‘‘ఇధ నియకజ్ఝత్తమధిప్పేత’’న్తి. ఝానఞ్హి అజ్ఝత్తజ్ఝత్తం న హోతి ఛళిన్ద్రియానమేవ తబ్భావతో. ఖుద్దకా ఊమియో వీచియో. మహతియో తరఙ్గా. సన్తా హోన్తి సమితాతిఆదీని అఞ్ఞమఞ్ఞవేవచనాని, ఝానబలేన సమతిక్కన్తాతి అధిప్పాయో. అప్పితాతి గమితా వినాసం పాపితా. పరియాయోతి ఝానపరిక్ఖారే ఝానవోహారత్తా అపరమత్థతో.
Ajjhattanti jhānavisesanattā vuttaṃ ‘‘idha niyakajjhattamadhippeta’’nti. Jhānañhi ajjhattajjhattaṃ na hoti chaḷindriyānameva tabbhāvato. Khuddakā ūmiyo vīciyo. Mahatiyo taraṅgā. Santā honti samitātiādīni aññamaññavevacanāni, jhānabalena samatikkantāti adhippāyo. Appitāti gamitā vināsaṃ pāpitā. Pariyāyoti jhānaparikkhāre jhānavohārattā aparamatthato.
