| Library / Tipiṭaka / තිපිටක • Tipiṭaka / ඉතිවුත්තකපාළි • Itivuttakapāḷi |
6. දුතියඑසනාසුත්තං
6. Dutiyaesanāsuttaṃ
55. වුත්තඤ්හෙතං භගවතා, වුත්තමරහතාති මෙ සුතං –
55. Vuttañhetaṃ bhagavatā, vuttamarahatāti me sutaṃ –
‘‘තිස්සො ඉමා, භික්ඛවෙ, එසනා. කතමා තිස්සො? කාමෙසනා, භවෙසනා, බ්රහ්මචරියෙසනා – ඉමා ඛො, භික්ඛවෙ, තිස්සො එසනා’’ති. එතමත්ථං භගවා අවොච. තත්ථෙතං ඉති වුච්චති –
‘‘Tisso imā, bhikkhave, esanā. Katamā tisso? Kāmesanā, bhavesanā, brahmacariyesanā – imā kho, bhikkhave, tisso esanā’’ti. Etamatthaṃ bhagavā avoca. Tatthetaṃ iti vuccati –
‘‘කාමෙසනා භවෙසනා, බ්රහ්මචරියෙසනා සහ;
‘‘Kāmesanā bhavesanā, brahmacariyesanā saha;
ඉති සච්චපරාමාසො, දිට්ඨිට්ඨානා සමුස්සයා.
Iti saccaparāmāso, diṭṭhiṭṭhānā samussayā.
‘‘සබ්බරාගවිරත්තස්ස, තණ්හක්ඛයවිමුත්තිනො;
‘‘Sabbarāgavirattassa, taṇhakkhayavimuttino;
එසනා පටිනිස්සට්ඨා, දිට්ඨිට්ඨානා සමූහතා;
Esanā paṭinissaṭṭhā, diṭṭhiṭṭhānā samūhatā;
එසනානං ඛයා භික්ඛු, නිරාසො අකථංකථී’’ති.
Esanānaṃ khayā bhikkhu, nirāso akathaṃkathī’’ti.
අයම්පි අත්ථො වුත්තො භගවතා, ඉති මෙ සුතන්ති. ඡට්ඨං.
Ayampi attho vutto bhagavatā, iti me sutanti. Chaṭṭhaṃ.
Related texts:
අට්ඨකථා • Aṭṭhakathā / සුත්තපිටක (අට්ඨකථා) • Suttapiṭaka (aṭṭhakathā) / ඛුද්දකනිකාය (අට්ඨකථා) • Khuddakanikāya (aṭṭhakathā) / ඉතිවුත්තක-අට්ඨකථා • Itivuttaka-aṭṭhakathā / 6. දුතියඑසනාසුත්තවණ්ණනා • 6. Dutiyaesanāsuttavaṇṇanā
