| Library / Tipiṭaka / ติปิฎก • Tipiṭaka / อิติวุตฺตกปาฬิ • Itivuttakapāḷi |
๖. ทุติยเอสนาสุตฺตํ
6. Dutiyaesanāsuttaṃ
๕๕. วุตฺตเญฺหตํ ภควตา, วุตฺตมรหตาติ เม สุตํ –
55. Vuttañhetaṃ bhagavatā, vuttamarahatāti me sutaṃ –
‘‘ติโสฺส อิมา, ภิกฺขเว, เอสนาฯ กตมา ติโสฺส? กาเมสนา, ภเวสนา, พฺรหฺมจริเยสนา – อิมา โข, ภิกฺขเว, ติโสฺส เอสนา’’ติฯ เอตมตฺถํ ภควา อโวจฯ ตเตฺถตํ อิติ วุจฺจติ –
‘‘Tisso imā, bhikkhave, esanā. Katamā tisso? Kāmesanā, bhavesanā, brahmacariyesanā – imā kho, bhikkhave, tisso esanā’’ti. Etamatthaṃ bhagavā avoca. Tatthetaṃ iti vuccati –
‘‘กาเมสนา ภเวสนา, พฺรหฺมจริเยสนา สห;
‘‘Kāmesanā bhavesanā, brahmacariyesanā saha;
อิติ สจฺจปรามาโส, ทิฎฺฐิฎฺฐานา สมุสฺสยาฯ
Iti saccaparāmāso, diṭṭhiṭṭhānā samussayā.
‘‘สพฺพราควิรตฺตสฺส, ตณฺหกฺขยวิมุตฺติโน;
‘‘Sabbarāgavirattassa, taṇhakkhayavimuttino;
เอสนา ปฎินิสฺสฎฺฐา, ทิฎฺฐิฎฺฐานา สมูหตา;
Esanā paṭinissaṭṭhā, diṭṭhiṭṭhānā samūhatā;
เอสนานํ ขยา ภิกฺขุ, นิราโส อกถํกถี’’ติฯ
Esanānaṃ khayā bhikkhu, nirāso akathaṃkathī’’ti.
อยมฺปิ อโตฺถ วุโตฺต ภควตา, อิติ เม สุตนฺติฯ ฉฎฺฐํฯ
Ayampi attho vutto bhagavatā, iti me sutanti. Chaṭṭhaṃ.
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / อิติวุตฺตก-อฎฺฐกถา • Itivuttaka-aṭṭhakathā / ๖. ทุติยเอสนาสุตฺตวณฺณนา • 6. Dutiyaesanāsuttavaṇṇanā
