| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ • Saṃyuttanikāya |
੧੦. ਦੁਤਿਯਦੁਕ੍ਖੁਪ੍ਪਾਦਸੁਤ੍ਤਂ
10. Dutiyadukkhuppādasuttaṃ
੨੨. ‘‘ਯੋ, ਭਿਕ੍ਖવੇ, ਰੂਪਾਨਂ ਉਪ੍ਪਾਦੋ ਠਿਤਿ ਅਭਿਨਿਬ੍ਬਤ੍ਤਿ ਪਾਤੁਭਾવੋ, ਦੁਕ੍ਖਸ੍ਸੇਸੋ ਉਪ੍ਪਾਦੋ, ਰੋਗਾਨਂ ਠਿਤਿ, ਜਰਾਮਰਣਸ੍ਸ ਪਾਤੁਭਾવੋ। ਯੋ ਸਦ੍ਦਾਨਂ…ਪੇ॰… ਯੋ ਗਨ੍ਧਾਨਂ… ਯੋ ਰਸਾਨਂ… ਯੋ ਫੋਟ੍ਠਬ੍ਬਾਨਂ… ਯੋ ਧਮ੍ਮਾਨਂ ਉਪ੍ਪਾਦੋ ਠਿਤਿ ਅਭਿਨਿਬ੍ਬਤ੍ਤਿ ਪਾਤੁਭਾવੋ, ਦੁਕ੍ਖਸ੍ਸੇਸੋ ਉਪ੍ਪਾਦੋ, ਰੋਗਾਨਂ ਠਿਤਿ, ਜਰਾਮਰਣਸ੍ਸ ਪਾਤੁਭਾવੋ।
22. ‘‘Yo, bhikkhave, rūpānaṃ uppādo ṭhiti abhinibbatti pātubhāvo, dukkhasseso uppādo, rogānaṃ ṭhiti, jarāmaraṇassa pātubhāvo. Yo saddānaṃ…pe… yo gandhānaṃ… yo rasānaṃ… yo phoṭṭhabbānaṃ… yo dhammānaṃ uppādo ṭhiti abhinibbatti pātubhāvo, dukkhasseso uppādo, rogānaṃ ṭhiti, jarāmaraṇassa pātubhāvo.
‘‘ਯੋ ਚ ਖੋ, ਭਿਕ੍ਖવੇ, ਰੂਪਾਨਂ ਨਿਰੋਧੋ વੂਪਸਮੋ ਅਤ੍ਥਙ੍ਗਮੋ, ਦੁਕ੍ਖਸ੍ਸੇਸੋ ਨਿਰੋਧੋ, ਰੋਗਾਨਂ વੂਪਸਮੋ, ਜਰਾਮਰਣਸ੍ਸ ਅਤ੍ਥਙ੍ਗਮੋ। ਯੋ ਸਦ੍ਦਾਨਂ…ਪੇ॰… ਯੋ ਗਨ੍ਧਾਨਂ… ਯੋ ਰਸਾਨਂ… ਯੋ ਫੋਟ੍ਠਬ੍ਬਾਨਂ… ਯੋ ਧਮ੍ਮਾਨਂ ਨਿਰੋਧੋ વੂਪਸਮੋ ਅਤ੍ਥਙ੍ਗਮੋ, ਦੁਕ੍ਖਸ੍ਸੇਸੋ ਨਿਰੋਧੋ, ਰੋਗਾਨਂ વੂਪਸਮੋ, ਜਰਾਮਰਣਸ੍ਸ ਅਤ੍ਥਙ੍ਗਮੋ’’ਤਿ। ਦਸਮਂ।
‘‘Yo ca kho, bhikkhave, rūpānaṃ nirodho vūpasamo atthaṅgamo, dukkhasseso nirodho, rogānaṃ vūpasamo, jarāmaraṇassa atthaṅgamo. Yo saddānaṃ…pe… yo gandhānaṃ… yo rasānaṃ… yo phoṭṭhabbānaṃ… yo dhammānaṃ nirodho vūpasamo atthaṅgamo, dukkhasseso nirodho, rogānaṃ vūpasamo, jarāmaraṇassa atthaṅgamo’’ti. Dasamaṃ.
ਯਮਕવਗ੍ਗੋ ਦੁਤਿਯੋ।
Yamakavaggo dutiyo.
ਤਸ੍ਸੁਦ੍ਦਾਨਂ –
Tassuddānaṃ –
ਸਮ੍ਬੋਧੇਨ ਦੁવੇ વੁਤ੍ਤਾ, ਅਸ੍ਸਾਦੇਨ ਅਪਰੇ ਦੁવੇ।
Sambodhena duve vuttā, assādena apare duve;
ਨੋ ਚੇਤੇਨ ਦੁવੇ વੁਤ੍ਤਾ, ਅਭਿਨਨ੍ਦੇਨ ਅਪਰੇ ਦੁવੇ।
No cetena duve vuttā, abhinandena apare duve;
ਉਪ੍ਪਾਦੇਨ ਦੁવੇ વੁਤ੍ਤਾ, વਗ੍ਗੋ ਤੇਨ ਪવੁਚ੍ਚਤੀਤਿ॥
Uppādena duve vuttā, vaggo tena pavuccatīti.
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੭-੧੦. ਪਠਮਾਭਿਨਨ੍ਦਸੁਤ੍ਤਾਦਿવਣ੍ਣਨਾ • 7-10. Paṭhamābhinandasuttādivaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੭-੧੦. ਪਠਮਾਭਿਨਨ੍ਦਸੁਤ੍ਤਾਦਿવਣ੍ਣਨਾ • 7-10. Paṭhamābhinandasuttādivaṇṇanā
