| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ • Aṅguttaranikāya |
༢. དུཏིཡདཱིགྷཙཱརིཀསུཏྟཾ
2. Dutiyadīghacārikasuttaṃ
༢༢༢. ‘‘པཉྩིམེ , བྷིཀྑཝེ, ཨཱདཱིནཝཱ དཱིགྷཙཱརིཀཾ ཨནཝཏྠཙཱརིཀཾ ཨནུཡུཏྟསྶ ཝིཧརཏོ། ཀཏམེ པཉྩ? ཨནདྷིགཏཾ ནཱདྷིགཙྪཏི, ཨདྷིགཏཱ པརིཧཱཡཏི, ཨདྷིགཏེནེཀཙྩེན ཨཝིསཱརདོ ཧོཏི, གཱལ༹ྷཾ རོགཱཏངྐཾ ཕུསཏི, ན ཙ མིཏྟཝཱ ཧོཏི། ཨིམེ ཁོ, བྷིཀྑཝེ, པཉྩ ཨཱདཱིནཝཱ དཱིགྷཙཱརིཀཾ ཨནཝཏྠཙཱརིཀཾ ཨནུཡུཏྟསྶ ཝིཧརཏོ།
222. ‘‘Pañcime , bhikkhave, ādīnavā dīghacārikaṃ anavatthacārikaṃ anuyuttassa viharato. Katame pañca? Anadhigataṃ nādhigacchati, adhigatā parihāyati, adhigatenekaccena avisārado hoti, gāḷhaṃ rogātaṅkaṃ phusati, na ca mittavā hoti. Ime kho, bhikkhave, pañca ādīnavā dīghacārikaṃ anavatthacārikaṃ anuyuttassa viharato.
‘‘པཉྩིམེ, བྷིཀྑཝེ, ཨཱནིསཾསཱ སམཝཏྠཙཱརེ། ཀཏམེ པཉྩ? ཨནདྷིགཏཾ ཨདྷིགཙྪཏི, ཨདྷིགཏཱ ན པརིཧཱཡཏི, ཨདྷིགཏེནེཀཙྩེན ཝིསཱརདོ ཧོཏི, ན གཱལ༹ྷཾ རོགཱཏངྐཾ ཕུསཏི, མིཏྟཝཱ ཙ ཧོཏི། ཨིམེ ཁོ, བྷིཀྑཝེ, པཉྩ ཨཱནིསཾསཱ སམཝཏྠཙཱརེ’’ཏི། དུཏིཡཾ།
‘‘Pañcime, bhikkhave, ānisaṃsā samavatthacāre. Katame pañca? Anadhigataṃ adhigacchati, adhigatā na parihāyati, adhigatenekaccena visārado hoti, na gāḷhaṃ rogātaṅkaṃ phusati, mittavā ca hoti. Ime kho, bhikkhave, pañca ānisaṃsā samavatthacāre’’ti. Dutiyaṃ.
Related texts:
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༡-༡༠. པཋམདཱིགྷཙཱརིཀསུཏྟཱདིཝཎྞནཱ • 1-10. Paṭhamadīghacārikasuttādivaṇṇanā
