| Library / Tipiṭaka / തിപിടക • Tipiṭaka / സംയുത്തനികായ • Saṃyuttanikāya |
൫. ദുതിയദാരുക്ഖന്ധോപമസുത്തം
5. Dutiyadārukkhandhopamasuttaṃ
൨൪൨. ഏകം സമയം ഭഗവാ കിമിലായം 1 വിഹരതി ഗങ്ഗായ നദിയാ തീരേ. അദ്ദസാ ഖോ ഭഗവാ മഹന്തം ദാരുക്ഖന്ധം ഗങ്ഗായ നദിയാ സോതേന വുയ്ഹമാനം. ദിസ്വാന ഭിക്ഖൂ ആമന്തേസി – ‘‘പസ്സഥ നോ തുമ്ഹേ, ഭിക്ഖവേ, അമും മഹന്തം ദാരുക്ഖന്ധം ഗങ്ഗായ നദിയാ സോതേന വുയ്ഹമാന’’ന്തി? ‘‘ഏവം ഭന്തേ’’…പേ॰… ഏവം വുത്തേ, ആയസ്മാ കിമിലോ ഭഗവന്തം ഏതദവോച – കിം നു ഖോ, ഭന്തേ, ഓരിമം തീരം…പേ॰… കതമോ ച, കിമില, അന്തോപൂതിഭാവോ. ഇധ, കിമില, ഭിക്ഖു അഞ്ഞതരം സംകിലിട്ഠം ആപത്തിം ആപന്നോ ഹോതി യഥാരൂപായ ആപത്തിയാ ന വുട്ഠാനം പഞ്ഞായതി. അയം വുച്ചതി, കിമില, അന്തോപൂതിഭാവോതി. പഞ്ചമം.
242. Ekaṃ samayaṃ bhagavā kimilāyaṃ 2 viharati gaṅgāya nadiyā tīre. Addasā kho bhagavā mahantaṃ dārukkhandhaṃ gaṅgāya nadiyā sotena vuyhamānaṃ. Disvāna bhikkhū āmantesi – ‘‘passatha no tumhe, bhikkhave, amuṃ mahantaṃ dārukkhandhaṃ gaṅgāya nadiyā sotena vuyhamāna’’nti? ‘‘Evaṃ bhante’’…pe… evaṃ vutte, āyasmā kimilo bhagavantaṃ etadavoca – kiṃ nu kho, bhante, orimaṃ tīraṃ…pe… katamo ca, kimila, antopūtibhāvo. Idha, kimila, bhikkhu aññataraṃ saṃkiliṭṭhaṃ āpattiṃ āpanno hoti yathārūpāya āpattiyā na vuṭṭhānaṃ paññāyati. Ayaṃ vuccati, kimila, antopūtibhāvoti. Pañcamaṃ.
Footnotes:
Related texts:
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / സംയുത്തനികായ (അട്ഠകഥാ) • Saṃyuttanikāya (aṭṭhakathā) / ൫. ദുതിയദാരുക്ഖന്ധോപമസുത്തവണ്ണനാ • 5. Dutiyadārukkhandhopamasuttavaṇṇanā
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / സംയുത്തനികായ (ടീകാ) • Saṃyuttanikāya (ṭīkā) / ൫. ദുതിയദാരുക്ഖന്ധോപമസുത്തവണ്ണനാ • 5. Dutiyadārukkhandhopamasuttavaṇṇanā
