| Library / Tipiṭaka / తిపిటక • Tipiṭaka / సంయుత్తనికాయ • Saṃyuttanikāya |
౫. దుతియదారుక్ఖన్ధోపమసుత్తం
5. Dutiyadārukkhandhopamasuttaṃ
౨౪౨. ఏకం సమయం భగవా కిమిలాయం 1 విహరతి గఙ్గాయ నదియా తీరే. అద్దసా ఖో భగవా మహన్తం దారుక్ఖన్ధం గఙ్గాయ నదియా సోతేన వుయ్హమానం. దిస్వాన భిక్ఖూ ఆమన్తేసి – ‘‘పస్సథ నో తుమ్హే, భిక్ఖవే, అముం మహన్తం దారుక్ఖన్ధం గఙ్గాయ నదియా సోతేన వుయ్హమాన’’న్తి? ‘‘ఏవం భన్తే’’…పే॰… ఏవం వుత్తే, ఆయస్మా కిమిలో భగవన్తం ఏతదవోచ – కిం ను ఖో, భన్తే, ఓరిమం తీరం…పే॰… కతమో చ, కిమిల, అన్తోపూతిభావో. ఇధ, కిమిల, భిక్ఖు అఞ్ఞతరం సంకిలిట్ఠం ఆపత్తిం ఆపన్నో హోతి యథారూపాయ ఆపత్తియా న వుట్ఠానం పఞ్ఞాయతి. అయం వుచ్చతి, కిమిల, అన్తోపూతిభావోతి. పఞ్చమం.
242. Ekaṃ samayaṃ bhagavā kimilāyaṃ 2 viharati gaṅgāya nadiyā tīre. Addasā kho bhagavā mahantaṃ dārukkhandhaṃ gaṅgāya nadiyā sotena vuyhamānaṃ. Disvāna bhikkhū āmantesi – ‘‘passatha no tumhe, bhikkhave, amuṃ mahantaṃ dārukkhandhaṃ gaṅgāya nadiyā sotena vuyhamāna’’nti? ‘‘Evaṃ bhante’’…pe… evaṃ vutte, āyasmā kimilo bhagavantaṃ etadavoca – kiṃ nu kho, bhante, orimaṃ tīraṃ…pe… katamo ca, kimila, antopūtibhāvo. Idha, kimila, bhikkhu aññataraṃ saṃkiliṭṭhaṃ āpattiṃ āpanno hoti yathārūpāya āpattiyā na vuṭṭhānaṃ paññāyati. Ayaṃ vuccati, kimila, antopūtibhāvoti. Pañcamaṃ.
Footnotes:
Related texts:
అట్ఠకథా • Aṭṭhakathā / సుత్తపిటక (అట్ఠకథా) • Suttapiṭaka (aṭṭhakathā) / సంయుత్తనికాయ (అట్ఠకథా) • Saṃyuttanikāya (aṭṭhakathā) / ౫. దుతియదారుక్ఖన్ధోపమసుత్తవణ్ణనా • 5. Dutiyadārukkhandhopamasuttavaṇṇanā
టీకా • Tīkā / సుత్తపిటక (టీకా) • Suttapiṭaka (ṭīkā) / సంయుత్తనికాయ (టీకా) • Saṃyuttanikāya (ṭīkā) / ౫. దుతియదారుక్ఖన్ధోపమసుత్తవణ్ణనా • 5. Dutiyadārukkhandhopamasuttavaṇṇanā
