| Library / Tipiṭaka / д̇ибидага • Tipiṭaka / уд̣̇аана-адтагат̇аа • Udāna-aṭṭhakathā |
10. д̣̇уд̇ияад̣̇аб̣б̣асуд̇д̇аван̣н̣анаа
10. Dutiyadabbasuttavaṇṇanā
80. д̣̇асамз д̇ад̇ра ко бхаг̇аваа бхигкуу ааманд̇зсийд̇и бхаг̇аваа рааж̇аг̇ахз яат̇аабхиранд̇ам̣ вихарид̇ваа ж̇анабад̣̇ажааригам̣ жаранд̇о ануггамзна саавад̇т̇им̣ бад̇ваа ж̇зд̇аванз вихаранд̇оязва язсам̣ бхигкуунам̣ ааяасмад̇о д̣̇аб̣б̣асса маллабуд̇д̇асса бариниб̣б̣аанам̣ абажжагкам̣, д̇зсам̣ д̇ам̣ бажжагкам̣ гад̇ваа д̣̇ассзд̇ум̣, язби жа мзд̇д̇ияабхуумаж̇агзхи гад̇зна абхууд̇зна аб̣бхаажигкан̣зна т̇зрз г̇аараварахид̇аа бут̇уж̇ж̇анаа, д̇зсам̣ т̇зрз б̣ахумаануббаад̣̇анад̇т̇ан̃жа ааманд̇зси. д̇ад̇т̇а д̇ад̇раад̇и важанасан̃н̃аабанз нибаад̇амад̇д̇ам̣. код̇и авад̇хааран̣з. д̇зсу ‘‘д̇ад̇раа’’д̇и иминаа ‘‘бхаг̇аваа бхигкуу ааманд̇зсий’’д̇и зд̇зсам̣ бад̣̇аанам̣ вужжамаанад̇ам̣язва ж̇од̇зд̇и. ‘‘ко’’д̇и бана иминаа ааманд̇зсиязва, наасса ааманд̇анз гожи анд̇арааяо ахосийд̇и имамад̇т̇ам̣ д̣̇ассзд̇и. ат̇а ваа д̇ад̇раад̇и д̇асмим̣ аараамз. код̇и важанаалан̇гаарз нибаад̇о. ааманд̇зсийд̇и абхааси. гасмаа бана бхаг̇аваа бхигкууязва ааманд̇зсийд̇и? ж̇здтад̇д̇аа сздтад̇д̇аа аасаннад̇д̇аа саб̣б̣агаалам̣ саннихид̇ад̇д̇аа д̇хаммад̣̇зсанааяа висзсад̇о бхааж̇анабхууд̇ад̇д̇аа жа.
80. Dasame tatra kho bhagavā bhikkhū āmantesīti bhagavā rājagahe yathābhirantaṃ viharitvā janapadacārikaṃ caranto anukkamena sāvatthiṃ patvā jetavane viharantoyeva yesaṃ bhikkhūnaṃ āyasmato dabbassa mallaputtassa parinibbānaṃ apaccakkhaṃ, tesaṃ taṃ paccakkhaṃ katvā dassetuṃ, yepi ca mettiyabhūmajakehi katena abhūtena abbhācikkhaṇena there gāravarahitā puthujjanā, tesaṃ there bahumānuppādanatthañca āmantesi. Tattha tatrāti vacanasaññāpane nipātamattaṃ. Khoti avadhāraṇe. Tesu ‘‘tatrā’’ti iminā ‘‘bhagavā bhikkhū āmantesī’’ti etesaṃ padānaṃ vuccamānataṃyeva joteti. ‘‘Kho’’ti pana iminā āmantesiyeva, nāssa āmantane koci antarāyo ahosīti imamatthaṃ dasseti. Atha vā tatrāti tasmiṃ ārāme. Khoti vacanālaṅkāre nipāto. Āmantesīti abhāsi. Kasmā pana bhagavā bhikkhūyeva āmantesīti? Jeṭṭhattā seṭṭhattā āsannattā sabbakālaṃ sannihitattā dhammadesanāya visesato bhājanabhūtattā ca.
бхигкавод̇и д̇зсам̣ ааманд̇анаагаарад̣̇ассанам̣. бхад̣̇анд̇зд̇и ааманд̇ид̇аанам̣ бхигкуунам̣ г̇ааравзна сад̇т̇у бадиважанад̣̇аанам̣. д̇ад̇т̇а ‘‘бхигкаво’’д̇и вад̣̇анд̇о бхаг̇аваа д̇з бхигкуу аалабад̇и. ‘‘бхад̣̇анд̇з’’д̇и вад̣̇анд̇аа д̇з бажжаалабанд̇и. абижа ‘‘бхигкаво’’д̇и иминаа гарун̣аавибпаарасоммахад̣̇аяаниссид̇абуб̣б̣ан̇г̇амзна важанзна д̇з бхигкуу гаммадтаанаманасигаарад̇хаммабажжавзгкан̣аад̣̇ид̇о нивад̇д̇зд̇ваа ад̇д̇ано мукаабхимукз гарод̇и. ‘‘бхад̣̇анд̇з’’д̇и иминаа сад̇т̇ари аад̣̇араб̣ахумаанаг̇ааравад̣̇ийбанаважанзна д̇з бхигкуу ад̇д̇ано суссуусад̇ам̣ оваад̣̇аббадиг̇г̇ахаг̇ааравабхааван̃жа бадивзд̣̇знд̇и. бхаг̇авад̇о бажжассосунд̇и д̇з бхигкуу бхаг̇авад̇о важанам̣ бад̇иассосум̣ сод̇угаамад̇ам̣ ж̇анзсум̣ . зд̇ад̣̇авожаад̇и бхаг̇аваа зд̇ам̣ ид̣̇аани вагкамаанам̣ сагалам̣ суд̇д̇ам̣ абхааси. д̣̇аб̣б̣асса, бхигкавз, маллабуд̇д̇ассаад̇иаад̣̇и ананд̇арасуд̇д̇з вуд̇д̇ад̇т̇амзва. зд̇амад̇т̇анд̇иаад̣̇ийсуби абуб̣б̣ам̣ над̇т̇и, ананд̇арасуд̇д̇з вуд̇д̇анаязнзва взд̣̇ид̇аб̣б̣ам̣.
Bhikkhavoti tesaṃ āmantanākāradassanaṃ. Bhadanteti āmantitānaṃ bhikkhūnaṃ gāravena satthu paṭivacanadānaṃ. Tattha ‘‘bhikkhavo’’ti vadanto bhagavā te bhikkhū ālapati. ‘‘Bhadante’’ti vadantā te paccālapanti. Apica ‘‘bhikkhavo’’ti iminā karuṇāvipphārasommahadayanissitapubbaṅgamena vacanena te bhikkhū kammaṭṭhānamanasikāradhammapaccavekkhaṇādito nivattetvā attano mukhābhimukhe karoti. ‘‘Bhadante’’ti iminā satthari ādarabahumānagāravadīpanavacanena te bhikkhū attano sussūsataṃ ovādappaṭiggahagāravabhāvañca paṭivedenti. Bhagavato paccassosunti te bhikkhū bhagavato vacanaṃ patiassosuṃ sotukāmataṃ janesuṃ . Etadavocāti bhagavā etaṃ idāni vakkhamānaṃ sakalaṃ suttaṃ abhāsi. Dabbassa, bhikkhave, mallaputtassātiādi anantarasutte vuttatthameva. Etamatthantiādīsupi apubbaṃ natthi, anantarasutte vuttanayeneva veditabbaṃ.
г̇аат̇аасу бана аяогханахад̇ассаад̇и аяо хан̃н̃ад̇и зд̇знаад̇и аяогханам̣, гаммаараанам̣ аяогуудам̣ аяомудти жа. д̇зна аяогханзна хад̇асса бахад̇асса. гзжи бана ‘‘аяогханахад̇ассаад̇и гханааяобин̣д̣ам̣ хад̇ассаа’’д̇и ад̇т̇ам̣ вад̣̇анд̇и. зва-сад̣̇д̣̇о жзд̇т̇а нибаад̇амад̇д̇ам̣. ж̇алад̇о ж̇аад̇авзд̣̇асод̇и жхааяамаанасса аг̇г̇исса. анаад̣̇арз зд̇ам̣ саамиважанам̣. анубуб̣б̣уубасанд̇ассаад̇и ануггамзна убасанд̇асса виж̇жхаад̇асса нируд̣̇д̇хасса. яат̇аа на н̃ааяад̇з г̇ад̇ийд̇и яат̇аа д̇асса г̇ад̇и на н̃ааяад̇и. ид̣̇ам̣ вуд̇д̇ам̣ ход̇и – аяомудтигуудаад̣̇инаа махад̇аа аяогханзна хад̇асса сам̣хад̇асса, гам̣сабхааж̇анаад̣̇иг̇ад̇асса ваа ж̇аламаанасса аг̇г̇исса, д̇ат̇аа уббаннасса ваа сад̣̇д̣̇асса ануггамзна убасанд̇асса сувуубасанд̇асса д̣̇асасу д̣̇исаасу на гад̇т̇ажи г̇ад̇и бан̃н̃ааяад̇и бажжаяанирод̇хзна аббадисанд̇хиганируд̣̇д̇хад̇д̇аа.
Gāthāsu pana ayoghanahatassāti ayo haññati etenāti ayoghanaṃ, kammārānaṃ ayokūṭaṃ ayomuṭṭhi ca. Tena ayoghanena hatassa pahatassa. Keci pana ‘‘ayoghanahatassāti ghanaayopiṇḍaṃ hatassā’’ti atthaṃ vadanti. Eva-saddo cettha nipātamattaṃ. Jalato jātavedasoti jhāyamānassa aggissa. Anādare etaṃ sāmivacanaṃ. Anupubbūpasantassāti anukkamena upasantassa vijjhātassa niruddhassa. Yathā na ñāyate gatīti yathā tassa gati na ñāyati. Idaṃ vuttaṃ hoti – ayomuṭṭhikūṭādinā mahatā ayoghanena hatassa saṃhatassa, kaṃsabhājanādigatassa vā jalamānassa aggissa, tathā uppannassa vā saddassa anukkamena upasantassa suvūpasantassa dasasu disāsu na katthaci gati paññāyati paccayanirodhena appaṭisandhikaniruddhattā.
звам̣ саммаавимуд̇д̇аананд̇и звам̣ саммаа хзд̇унаа н̃ааязна д̇ад̣̇ан̇г̇авигкамбханавимуд̇д̇ибуб̣б̣ан̇г̇амзна арияамаг̇г̇зна жад̇уухиби убаад̣̇аанзхи аасавзхи жа вимуд̇д̇ад̇д̇аа саммаа вимуд̇д̇аанам̣, д̇ад̇о зва гаамабаб̣анд̇хасан̇каад̇ам̣ гаамогхам̣ бхавогхаад̣̇ибхзд̣̇ам̣ авасидтам̣ огхан̃жа д̇арид̇ваа тид̇ад̇д̇аа гаамаб̣анд̇хогхад̇ааринам̣ судту бадибассамбхид̇асаб̣б̣агилзсавибпанд̣̇ид̇ад̇д̇аа гилзсаабхисан̇каараваад̇зхи жа агамбанийяад̇ааяа ажалам̣ анубаад̣̇исзсаниб̣б̣аанасан̇каад̇ам̣ саб̣б̣асан̇кааруубасамам̣ сукам̣ бад̇д̇аанам̣ ад̇хиг̇ад̇аанам̣ кийн̣аасаваанам̣ г̇ад̇и д̣̇звамануссаад̣̇ибхзд̣̇аасу г̇ад̇ийсу аяам̣ наамаад̇и бан̃н̃абзд̇аб̣б̣ад̇ааяа абхаавад̇д̇аа бан̃н̃аабзд̇ум̣ над̇т̇и на убалаб̣бхад̇и, яат̇аавуд̇д̇аж̇аад̇авзд̣̇о вияа абан̃н̃ад̇д̇игабхаавамзва хи со г̇ад̇од̇и ад̇т̇о.
Evaṃ sammāvimuttānanti evaṃ sammā hetunā ñāyena tadaṅgavikkhambhanavimuttipubbaṅgamena ariyamaggena catūhipi upādānehi āsavehi ca vimuttattā sammā vimuttānaṃ, tato eva kāmapabandhasaṅkhātaṃ kāmoghaṃ bhavoghādibhedaṃ avasiṭṭhaṃ oghañca taritvā ṭhitattā kāmabandhoghatārinaṃ suṭṭhu paṭipassambhitasabbakilesavipphanditattā kilesābhisaṅkhāravātehi ca akampanīyatāya acalaṃ anupādisesanibbānasaṅkhātaṃ sabbasaṅkhārūpasamaṃ sukhaṃ pattānaṃ adhigatānaṃ khīṇāsavānaṃ gati devamanussādibhedāsu gatīsu ayaṃ nāmāti paññapetabbatāya abhāvattā paññāpetuṃ natthi na upalabbhati, yathāvuttajātavedo viya apaññattikabhāvameva hi so gatoti attho.
д̣̇асамасуд̇д̇аван̣н̣анаа нидтид̇аа.
Dasamasuttavaṇṇanā niṭṭhitā.
нидтид̇аа жа баадалиг̇аамияаваг̇г̇аван̣н̣анаа.
Niṭṭhitā ca pāṭaligāmiyavaggavaṇṇanā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / уд̣̇аанабаал̣и • Udānapāḷi / 10. д̣̇уд̇ияад̣̇аб̣б̣асуд̇д̇ам̣ • 10. Dutiyadabbasuttaṃ
