| Library / Tipiṭaka / တိပိဋက • Tipiṭaka / သံယုတ္တနိကာယ (ဋီကာ) • Saṃyuttanikāya (ṭīkā) |
၈. ဒုတိယဆိဂ္ဂဠယုဂသုတ္တဝဏ္ဏနာ
8. Dutiyachiggaḷayugasuttavaṇṇanā
၁၁၁၈. အဓိစ္စုပ္ပတ္တိကန္တိ ယဒိစ္ဆာဝသေန ဥပ္ပဇ္ဇနကံ။ ဆိဂ္ဂဠေနာတိ ဆိဂ္ဂဠပဒေသေန။ ဆိဂ္ဂဠုပရီတိ ဟေဋ္ဌိမယုဂသ္သ ဆိဂ္ဂဠပဒေသသ္သ ဥပရိ။ အာရုဠ္ဟသ္သ ဆိဂ္ဂဠေနာတိ ဥဘိန္နမ္ပိ ဆိဒ္ဒေန။ ဂီဝပ္ပဝေသနံ ဝိယာတိ စတုန္နံ ယုဂာနံ ဆိဒ္ဒပဒေသေနေဝ ဥပရူပရိ ဌိတာနံ ဆိဒ္ဒန္တရေန ကာဏကစ္ဆပသ္သ ဂီဝပ္ပဝေသနံ အဓိစ္စတရသမ္ဘဝံ။ တတောပိ အဓိစ္စတရသမ္ဘဝော မနုသ္သတ္တလာဘော, တတော အဓိစ္စတမသမ္ဘဝော အရိယမဂ္ဂပဋိလာဘောတိ ဒသ္သေန္တော အာဟ ‘‘စတုသစ္စပဋိဝေဓော အတိဝိယ အဓိစ္စတရသမ္ဘဝော’’တိ။
1118.Adhiccuppattikanti yadicchāvasena uppajjanakaṃ. Chiggaḷenāti chiggaḷapadesena. Chiggaḷuparīti heṭṭhimayugassa chiggaḷapadesassa upari. Āruḷhassa chiggaḷenāti ubhinnampi chiddena. Gīvappavesanaṃ viyāti catunnaṃ yugānaṃ chiddapadeseneva uparūpari ṭhitānaṃ chiddantarena kāṇakacchapassa gīvappavesanaṃ adhiccatarasambhavaṃ. Tatopi adhiccatarasambhavo manussattalābho, tato adhiccatamasambhavo ariyamaggapaṭilābhoti dassento āha ‘‘catusaccapaṭivedho ativiya adhiccatarasambhavo’’ti.
ပပာတဝဂ္ဂဝဏ္ဏနာ နိဋ္ဌိတာ။
Papātavaggavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၈. ဒုတိယဆိဂ္ဂဠယုဂသုတ္တံ • 8. Dutiyachiggaḷayugasuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၈. ဒုတိယဆိဂ္ဂဠယုဂသုတ္တဝဏ္ဏနာ • 8. Dutiyachiggaḷayugasuttavaṇṇanā
