| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ • Saṃyuttanikāya |
੧੦. ਦੁਤਿਯਛਨ੍ਦਪ੍ਪਹਾਨਸੁਤ੍ਤਂ
10. Dutiyachandappahānasuttaṃ
੧੧੨. ਸਾવਤ੍ਥਿਨਿਦਾਨਂ। ‘‘ਰੂਪੇ, ਭਿਕ੍ਖવੇ, ਯੋ ਛਨ੍ਦੋ ਯੋ ਰਾਗੋ ਯਾ ਨਨ੍ਦੀ ਯਾ ਤਣ੍ਹਾ ਯੇ ਉਪਯੁਪਾਦਾਨਾ ਚੇਤਸੋ ਅਧਿਟ੍ਠਾਨਾਭਿਨਿવੇਸਾਨੁਸਯਾ, ਤੇ ਪਜਹਥ । ਏવਂ ਤਂ ਰੂਪਂ ਪਹੀਨਂ ਭવਿਸ੍ਸਤਿ ਉਚ੍ਛਿਨ੍ਨਮੂਲਂ…ਪੇ॰… વੇਦਨਾਯ… ਸਞ੍ਞਾਯ… ਸਙ੍ਖਾਰੇਸੁ ਯੋ ਛਨ੍ਦੋ…ਪੇ॰… ਏવਂ ਤੇ ਸਙ੍ਖਾਰਾ ਪਹੀਨਾ ਭવਿਸ੍ਸਨ੍ਤਿ ਉਚ੍ਛਿਨ੍ਨਮੂਲਾ ਤਾਲਾવਤ੍ਥੁਕਤਾ ਅਨਭਾવਂਕਤਾ ਆਯਤਿਂ ਅਨੁਪ੍ਪਾਦਧਮ੍ਮਾ। વਿਞ੍ਞਾਣੇ ਯੋ ਛਨ੍ਦੋ ਯੋ ਰਾਗੋ ਯਾ ਨਨ੍ਦੀ ਯਾ ਤਣ੍ਹਾ ਯੇ ਉਪਯੁਪਾਦਾਨਾ ਚੇਤਸੋ ਅਧਿਟ੍ਠਾਨਾਭਿਨਿવੇਸਾਨੁਸਯਾ, ਤੇ ਪਜਹਥ। ਏવਂ ਤਂ વਿਞ੍ਞਾਣਂ ਪਹੀਨਂ ਭવਿਸ੍ਸਤਿ ਉਚ੍ਛਿਨ੍ਨਮੂਲਂ ਤਾਲਾવਤ੍ਥੁਕਤਂ ਅਨਭਾવਂਕਤਂ ਆਯਤਿਂ ਅਨੁਪ੍ਪਾਦਧਮ੍ਮ’’ਨ੍ਤਿ। ਦਸਮਂ।
112. Sāvatthinidānaṃ. ‘‘Rūpe, bhikkhave, yo chando yo rāgo yā nandī yā taṇhā ye upayupādānā cetaso adhiṭṭhānābhinivesānusayā, te pajahatha . Evaṃ taṃ rūpaṃ pahīnaṃ bhavissati ucchinnamūlaṃ…pe… vedanāya… saññāya… saṅkhāresu yo chando…pe… evaṃ te saṅkhārā pahīnā bhavissanti ucchinnamūlā tālāvatthukatā anabhāvaṃkatā āyatiṃ anuppādadhammā. Viññāṇe yo chando yo rāgo yā nandī yā taṇhā ye upayupādānā cetaso adhiṭṭhānābhinivesānusayā, te pajahatha. Evaṃ taṃ viññāṇaṃ pahīnaṃ bhavissati ucchinnamūlaṃ tālāvatthukataṃ anabhāvaṃkataṃ āyatiṃ anuppādadhamma’’nti. Dasamaṃ.
ਅਨ੍ਤવਗ੍ਗੋ ਏਕਾਦਸਮੋ।
Antavaggo ekādasamo.
ਤਸ੍ਸੁਦ੍ਦਾਨਂ –
Tassuddānaṃ –
ਅਨ੍ਤੋ ਦੁਕ੍ਖਞ੍ਚ ਸਕ੍ਕਾਯੋ, ਪਰਿਞ੍ਞੇਯ੍ਯਾ ਸਮਣਾ ਦੁવੇ।
Anto dukkhañca sakkāyo, pariññeyyā samaṇā duve;
ਸੋਤਾਪਨ੍ਨੋ ਅਰਹਾ ਚ, ਦੁવੇ ਚ ਛਨ੍ਦਪ੍ਪਹਾਨਾਤਿ॥
Sotāpanno arahā ca, duve ca chandappahānāti.
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੫-੧੦. ਸਮਣਸੁਤ੍ਤਾਦਿવਣ੍ਣਨਾ • 5-10. Samaṇasuttādivaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੫-੧੦. ਸਮਣਸੁਤ੍ਤਾਦਿવਣ੍ਣਨਾ • 5-10. Samaṇasuttādivaṇṇanā
