| Library / Tipiṭaka / തിപിടക • Tipiṭaka / സംയുത്തനികായ • Saṃyuttanikāya |
൧൦. ദുതിയബ്രഹ്മചരിയസുത്തം
10. Dutiyabrahmacariyasuttaṃ
൪൦. സാവത്ഥിനിദാനം. ‘‘ബ്രഹ്മചരിയഞ്ച വോ, ഭിക്ഖവേ, ദേസേസ്സാമി, ബ്രഹ്മചരിയത്ഥഞ്ച. തം സുണാഥ. കതമഞ്ച, ഭിക്ഖവേ, ബ്രഹ്മചരിയം? അയമേവ അരിയോ അട്ഠങ്ഗികോ മഗ്ഗോ, സേയ്യഥിദം – സമ്മാദിട്ഠി…പേ॰… സമ്മാസമാധി. ഇദം വുച്ചതി, ഭിക്ഖവേ, ബ്രഹ്മചരിയം. കതമോ ച, ഭിക്ഖവേ, ബ്രഹ്മചരിയത്ഥോ? യോ ഖോ, ഭിക്ഖവേ, രാഗക്ഖയോ ദോസക്ഖയോ മോഹക്ഖയോ – അയം വുച്ചതി, ഭിക്ഖവേ, ബ്രഹ്മചരിയത്ഥോ’’തി. ദസമം.
40. Sāvatthinidānaṃ. ‘‘Brahmacariyañca vo, bhikkhave, desessāmi, brahmacariyatthañca. Taṃ suṇātha. Katamañca, bhikkhave, brahmacariyaṃ? Ayameva ariyo aṭṭhaṅgiko maggo, seyyathidaṃ – sammādiṭṭhi…pe… sammāsamādhi. Idaṃ vuccati, bhikkhave, brahmacariyaṃ. Katamo ca, bhikkhave, brahmacariyattho? Yo kho, bhikkhave, rāgakkhayo dosakkhayo mohakkhayo – ayaṃ vuccati, bhikkhave, brahmacariyattho’’ti. Dasamaṃ.
പടിപത്തിവഗ്ഗോ ചതുത്ഥോ.
Paṭipattivaggo catuttho.
തസ്സുദ്ദാനം –
Tassuddānaṃ –
പടിപത്തി പടിപന്നോ ച, വിരദ്ധഞ്ച പാരംഗമാ;
Paṭipatti paṭipanno ca, viraddhañca pāraṃgamā;
സാമഞ്ഞേന ച ദ്വേ വുത്താ, ബ്രഹ്മഞ്ഞാ അപരേ ദുവേ;
Sāmaññena ca dve vuttā, brahmaññā apare duve;
ബ്രഹ്മചരിയേന ദ്വേ വുത്താ, വഗ്ഗോ തേന പവുച്ചതീതി.
Brahmacariyena dve vuttā, vaggo tena pavuccatīti.
Related texts:
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / സംയുത്തനികായ (അട്ഠകഥാ) • Saṃyuttanikāya (aṭṭhakathā) / ൪. പടിപത്തിവഗ്ഗവണ്ണനാ • 4. Paṭipattivaggavaṇṇanā
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / സംയുത്തനികായ (ടീകാ) • Saṃyuttanikāya (ṭīkā) / ൪. പടിപത്തിവഗ്ഗവണ്ണനാ • 4. Paṭipattivaggavaṇṇanā
