| Library / Tipiṭaka / ತಿಪಿಟಕ • Tipiṭaka / ಸಂಯುತ್ತನಿಕಾಯ • Saṃyuttanikāya |
೧೦. ದುತಿಯಬ್ರಹ್ಮಚರಿಯಸುತ್ತಂ
10. Dutiyabrahmacariyasuttaṃ
೪೦. ಸಾವತ್ಥಿನಿದಾನಂ। ‘‘ಬ್ರಹ್ಮಚರಿಯಞ್ಚ ವೋ, ಭಿಕ್ಖವೇ, ದೇಸೇಸ್ಸಾಮಿ, ಬ್ರಹ್ಮಚರಿಯತ್ಥಞ್ಚ। ತಂ ಸುಣಾಥ। ಕತಮಞ್ಚ, ಭಿಕ್ಖವೇ, ಬ್ರಹ್ಮಚರಿಯಂ? ಅಯಮೇವ ಅರಿಯೋ ಅಟ್ಠಙ್ಗಿಕೋ ಮಗ್ಗೋ, ಸೇಯ್ಯಥಿದಂ – ಸಮ್ಮಾದಿಟ್ಠಿ…ಪೇ॰… ಸಮ್ಮಾಸಮಾಧಿ। ಇದಂ ವುಚ್ಚತಿ, ಭಿಕ್ಖವೇ, ಬ್ರಹ್ಮಚರಿಯಂ। ಕತಮೋ ಚ, ಭಿಕ್ಖವೇ, ಬ್ರಹ್ಮಚರಿಯತ್ಥೋ? ಯೋ ಖೋ, ಭಿಕ್ಖವೇ, ರಾಗಕ್ಖಯೋ ದೋಸಕ್ಖಯೋ ಮೋಹಕ್ಖಯೋ – ಅಯಂ ವುಚ್ಚತಿ, ಭಿಕ್ಖವೇ, ಬ್ರಹ್ಮಚರಿಯತ್ಥೋ’’ತಿ। ದಸಮಂ।
40. Sāvatthinidānaṃ. ‘‘Brahmacariyañca vo, bhikkhave, desessāmi, brahmacariyatthañca. Taṃ suṇātha. Katamañca, bhikkhave, brahmacariyaṃ? Ayameva ariyo aṭṭhaṅgiko maggo, seyyathidaṃ – sammādiṭṭhi…pe… sammāsamādhi. Idaṃ vuccati, bhikkhave, brahmacariyaṃ. Katamo ca, bhikkhave, brahmacariyattho? Yo kho, bhikkhave, rāgakkhayo dosakkhayo mohakkhayo – ayaṃ vuccati, bhikkhave, brahmacariyattho’’ti. Dasamaṃ.
ಪಟಿಪತ್ತಿವಗ್ಗೋ ಚತುತ್ಥೋ।
Paṭipattivaggo catuttho.
ತಸ್ಸುದ್ದಾನಂ –
Tassuddānaṃ –
ಪಟಿಪತ್ತಿ ಪಟಿಪನ್ನೋ ಚ, ವಿರದ್ಧಞ್ಚ ಪಾರಂಗಮಾ।
Paṭipatti paṭipanno ca, viraddhañca pāraṃgamā;
ಸಾಮಞ್ಞೇನ ಚ ದ್ವೇ ವುತ್ತಾ, ಬ್ರಹ್ಮಞ್ಞಾ ಅಪರೇ ದುವೇ।
Sāmaññena ca dve vuttā, brahmaññā apare duve;
ಬ್ರಹ್ಮಚರಿಯೇನ ದ್ವೇ ವುತ್ತಾ, ವಗ್ಗೋ ತೇನ ಪವುಚ್ಚತೀತಿ॥
Brahmacariyena dve vuttā, vaggo tena pavuccatīti.
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಸಂಯುತ್ತನಿಕಾಯ (ಅಟ್ಠಕಥಾ) • Saṃyuttanikāya (aṭṭhakathā) / ೪. ಪಟಿಪತ್ತಿವಗ್ಗವಣ್ಣನಾ • 4. Paṭipattivaggavaṇṇanā
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಸಂಯುತ್ತನಿಕಾಯ (ಟೀಕಾ) • Saṃyuttanikāya (ṭīkā) / ೪. ಪಟಿಪತ್ತಿವಗ್ಗವಣ್ಣನಾ • 4. Paṭipattivaggavaṇṇanā
