| Library / Tipiṭaka / ติปิฎก • Tipiṭaka / สํยุตฺตนิกาย • Saṃyuttanikāya |
๑๐. ทุติยพฺรหฺมจริยสุตฺตํ
10. Dutiyabrahmacariyasuttaṃ
๔๐. สาวตฺถินิทานํฯ ‘‘พฺรหฺมจริยญฺจ โว, ภิกฺขเว, เทเสสฺสามิ, พฺรหฺมจริยตฺถญฺจฯ ตํ สุณาถฯ กตมญฺจ, ภิกฺขเว, พฺรหฺมจริยํ? อยเมว อริโย อฎฺฐงฺคิโก มโคฺค, เสยฺยถิทํ – สมฺมาทิฎฺฐิ…เป.… สมฺมาสมาธิฯ อิทํ วุจฺจติ, ภิกฺขเว, พฺรหฺมจริยํฯ กตโม จ, ภิกฺขเว, พฺรหฺมจริยโตฺถ? โย โข, ภิกฺขเว, ราคกฺขโย โทสกฺขโย โมหกฺขโย – อยํ วุจฺจติ, ภิกฺขเว, พฺรหฺมจริยโตฺถ’’ติฯ ทสมํฯ
40. Sāvatthinidānaṃ. ‘‘Brahmacariyañca vo, bhikkhave, desessāmi, brahmacariyatthañca. Taṃ suṇātha. Katamañca, bhikkhave, brahmacariyaṃ? Ayameva ariyo aṭṭhaṅgiko maggo, seyyathidaṃ – sammādiṭṭhi…pe… sammāsamādhi. Idaṃ vuccati, bhikkhave, brahmacariyaṃ. Katamo ca, bhikkhave, brahmacariyattho? Yo kho, bhikkhave, rāgakkhayo dosakkhayo mohakkhayo – ayaṃ vuccati, bhikkhave, brahmacariyattho’’ti. Dasamaṃ.
ปฎิปตฺติวโคฺค จตุโตฺถฯ
Paṭipattivaggo catuttho.
ตสฺสุทฺทานํ –
Tassuddānaṃ –
ปฎิปตฺติ ปฎิปโนฺน จ, วิรทฺธญฺจ ปารํคมา;
Paṭipatti paṭipanno ca, viraddhañca pāraṃgamā;
สามเญฺญน จ เทฺว วุตฺตา, พฺรหฺมญฺญา อปเร ทุเว;
Sāmaññena ca dve vuttā, brahmaññā apare duve;
พฺรหฺมจริเยน เทฺว วุตฺตา, วโคฺค เตน ปวุจฺจตีติฯ
Brahmacariyena dve vuttā, vaggo tena pavuccatīti.
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๔. ปฎิปตฺติวคฺควณฺณนา • 4. Paṭipattivaggavaṇṇanā
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / สํยุตฺตนิกาย (ฎีกา) • Saṃyuttanikāya (ṭīkā) / ๔. ปฎิปตฺติวคฺควณฺณนา • 4. Paṭipattivaggavaṇṇanā
