| Library / Tipiṭaka / তিপিটক • Tipiṭaka / সংযুত্তনিকায • Saṃyuttanikāya |
১০. দুতিযব্রহ্মচরিযসুত্তং
10. Dutiyabrahmacariyasuttaṃ
৪০. সাৰত্থিনিদানং। ‘‘ব্রহ্মচরিযঞ্চ ৰো, ভিক্খৰে, দেসেস্সামি, ব্রহ্মচরিযত্থঞ্চ। তং সুণাথ। কতমঞ্চ, ভিক্খৰে, ব্রহ্মচরিযং? অযমেৰ অরিযো অট্ঠঙ্গিকো মগ্গো, সেয্যথিদং – সম্মাদিট্ঠি…পে॰… সম্মাসমাধি। ইদং ৰুচ্চতি, ভিক্খৰে, ব্রহ্মচরিযং। কতমো চ, ভিক্খৰে, ব্রহ্মচরিযত্থো? যো খো, ভিক্খৰে, রাগক্খযো দোসক্খযো মোহক্খযো – অযং ৰুচ্চতি, ভিক্খৰে, ব্রহ্মচরিযত্থো’’তি। দসমং।
40. Sāvatthinidānaṃ. ‘‘Brahmacariyañca vo, bhikkhave, desessāmi, brahmacariyatthañca. Taṃ suṇātha. Katamañca, bhikkhave, brahmacariyaṃ? Ayameva ariyo aṭṭhaṅgiko maggo, seyyathidaṃ – sammādiṭṭhi…pe… sammāsamādhi. Idaṃ vuccati, bhikkhave, brahmacariyaṃ. Katamo ca, bhikkhave, brahmacariyattho? Yo kho, bhikkhave, rāgakkhayo dosakkhayo mohakkhayo – ayaṃ vuccati, bhikkhave, brahmacariyattho’’ti. Dasamaṃ.
পটিপত্তিৰগ্গো চতুত্থো।
Paṭipattivaggo catuttho.
তস্সুদ্দানং –
Tassuddānaṃ –
পটিপত্তি পটিপন্নো চ, ৰিরদ্ধঞ্চ পারংগমা।
Paṭipatti paṭipanno ca, viraddhañca pāraṃgamā;
সামঞ্ঞেন চ দ্ৰে ৰুত্তা, ব্রহ্মঞ্ঞা অপরে দুৰে।
Sāmaññena ca dve vuttā, brahmaññā apare duve;
ব্রহ্মচরিযেন দ্ৰে ৰুত্তা, ৰগ্গো তেন পৰুচ্চতীতি॥
Brahmacariyena dve vuttā, vaggo tena pavuccatīti.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ৪. পটিপত্তিৰগ্গৰণ্ণনা • 4. Paṭipattivaggavaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ৪. পটিপত্তিৰগ্গৰণ্ণনা • 4. Paṭipattivaggavaṇṇanā
