| Library / Tipiṭaka / တိပိဋက • Tipiṭaka / ဝိမာနဝတ္ထု-အဋ္ဌကထာ • Vimānavatthu-aṭṭhakathā |
၁၁. ဒုတိယဘိက္ခာဒာယိကာဝိမာနဝဏ္ဏနာ
11. Dutiyabhikkhādāyikāvimānavaṇṇanā
အဘိက္ကန္တေန ဝဏ္ဏေနာတိ ဒုတိယဘိက္ခာဒာယိကာဝိမာနံ။ တသ္သ ကာ ဥပ္ပတ္တိ? ဘဂဝာ ရာဇဂဟေ ဝိဟရတိ ။ တတ္ထ အညတရာ ဣတ္ထီ သဒ္ဓာ ပသန္နာ အညတရံ ခီဏာသဝတ္ထေရံ ပိဏ္ဍာယ စရန္တံ ဒိသ္ဝာ အတ္တနော ဂေဟံ ပဝေသေတ္ဝာ ဘောဇနံ အဒာသိ။ သာ အပရေန သမယေန ကာလံ ကတ္ဝာ တာဝတိံသဘဝနေ နိဗ္ဗတ္တိ။ သေသံ အနန္တရဝိမာနသဒိသမေဝ။
Abhikkantena vaṇṇenāti dutiyabhikkhādāyikāvimānaṃ. Tassa kā uppatti? Bhagavā rājagahe viharati . Tattha aññatarā itthī saddhā pasannā aññataraṃ khīṇāsavattheraṃ piṇḍāya carantaṃ disvā attano gehaṃ pavesetvā bhojanaṃ adāsi. Sā aparena samayena kālaṃ katvā tāvatiṃsabhavane nibbatti. Sesaṃ anantaravimānasadisameva.
၂၇၈.
278.
‘‘အဘိက္ကန္တေန ဝဏ္ဏေန။ပေ.။ သဗ္ဗဒိသာ ပဘာသတီ’’တိ။
‘‘Abhikkantena vaṇṇena…pe… sabbadisā pabhāsatī’’ti.
၂၈၁.
281.
‘‘သာ ဒေဝတာ အတ္တမနာ။ပေ.။ ယသ္သ ကမ္မသ္သိဒံ ဖလံ’’။
‘‘Sā devatā attamanā…pe… yassa kammassidaṃ phalaṃ’’.
၂၈၂.
282.
‘‘အဟံ မနုသ္သေသု မနုသ္သဘူတာ။ပေ.။
‘‘Ahaṃ manussesu manussabhūtā…pe…
ဝဏ္ဏော စ မေ သဗ္ဗဒိသာ ပဘာသတီ’’တိ။
Vaṇṇo ca me sabbadisā pabhāsatī’’ti.
ဒုတိယဘိက္ခာဒာယိကာဝိမာနဝဏ္ဏနာ နိဋ္ဌိတာ။
Dutiyabhikkhādāyikāvimānavaṇṇanā niṭṭhitā.
ဣတိ ပရမတ္ထဒီပနိယာ ခုဒ္ဒက-အဋ္ဌကထာယ ဝိမာနဝတ္ထုသ္မိံ
Iti paramatthadīpaniyā khuddaka-aṭṭhakathāya vimānavatthusmiṃ
ဧကာဒသဝတ္ထုပဋိမဏ္ဍိတသ္သ ဒုတိယသ္သ စိတ္တလတာဝဂ္ဂသ္သ
Ekādasavatthupaṭimaṇḍitassa dutiyassa cittalatāvaggassa
အတ္ထဝဏ္ဏနာ နိဋ္ဌိတာ။
Atthavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / ခုဒ္ဒကနိကာယ • Khuddakanikāya / ဝိမာနဝတ္ထုပာဠိ • Vimānavatthupāḷi / ၁၁. ဒုတိယဘိက္ခာဒာယိကာဝိမာနဝတ္ထု • 11. Dutiyabhikkhādāyikāvimānavatthu
