| Library / Tipiṭaka / ತಿಪಿಟಕ • Tipiṭaka / ಅಙ್ಗುತ್ತರನಿಕಾಯ (ಅಟ್ಠಕಥಾ) • Aṅguttaranikāya (aṭṭhakathā) |
೮. ದುತಿಯಬಲಸುತ್ತವಣ್ಣನಾ
8. Dutiyabalasuttavaṇṇanā
೨೮. ಅಟ್ಠಮೇ ಬಲಾನೀತಿ ಞಾಣಬಲಾನಿ। ಆಸವಾನಂ ಖಯಂ ಪಟಿಜಾನಾತೀತಿ ಅರಹತ್ತಂ ಪಟಿಜಾನಾತಿ। ಅನಿಚ್ಚತೋತಿ ಹುತ್ವಾ ಅಭಾವಾಕಾರೇನ। ಯಥಾಭೂತನ್ತಿ ಯಥಾಸಭಾವತೋ। ಸಮ್ಮಪ್ಪಞ್ಞಾಯಾತಿ ಸಹವಿಪಸ್ಸನಾಯ ಮಗ್ಗಪಞ್ಞಾಯ। ಅಙ್ಗಾರಕಾಸೂಪಮಾತಿ ಸನ್ತಾಪನಟ್ಠೇನ ಅಙ್ಗಾರಕಾಸುಯಾ ಉಪಮಿತಾ ಇಮೇ ಕಾಮಾತಿ। ವಿವೇಕನಿನ್ನನ್ತಿ ಫಲಸಮಾಪತ್ತಿವಸೇನ ನಿಬ್ಬಾನನಿನ್ನಂ। ವಿವೇಕಟ್ಠನ್ತಿ ಕಿಲೇಸೇಹಿ ವಜ್ಜಿತಂ ದೂರೀಭೂತಂ ವಾ। ನೇಕ್ಖಮ್ಮಾಭಿರತನ್ತಿ ಪಬ್ಬಜ್ಜಾಭಿರತಂ। ಬ್ಯನ್ತಿಭೂತನ್ತಿ ವಿಗತನ್ತಭೂತಂ ಏಕದೇಸೇನಾಪಿ ಅನಲ್ಲೀನಂ ವಿಸಂಯುತ್ತಂ ವಿಸಂಸಟ್ಠಂ। ಆಸವಟ್ಠಾನಿಯೇಹೀತಿ ಸಮ್ಪಯೋಗವಸೇನ ಆಸವಾನಂ ಕಾರಣಭೂತೇಹಿ, ಕಿಲೇಸಧಮ್ಮೇಹೀತಿ ಅತ್ಥೋ। ಅಥ ವಾ ಬ್ಯನ್ತಿಭೂತನ್ತಿ ವಿಗತವಾಯನ್ತಿ ಅತ್ಥೋ। ಕುತೋ? ಸಬ್ಬಸೋ ಆಸವಟ್ಠಾನಿಯೇಹಿ ಧಮ್ಮೇಹಿ, ಸಬ್ಬೇಹಿ ತೇಭೂಮಕಧಮ್ಮೇಹೀತಿ ಅತ್ಥೋ। ಇಮಸ್ಮಿಂ ಸುತ್ತೇ ಅರಿಯಮಗ್ಗೋ ಲೋಕಿಯಲೋಕುತ್ತರೋ ಕಥಿತೋ।
28. Aṭṭhame balānīti ñāṇabalāni. Āsavānaṃ khayaṃ paṭijānātīti arahattaṃ paṭijānāti. Aniccatoti hutvā abhāvākārena. Yathābhūtanti yathāsabhāvato. Sammappaññāyāti sahavipassanāya maggapaññāya. Aṅgārakāsūpamāti santāpanaṭṭhena aṅgārakāsuyā upamitā ime kāmāti. Vivekaninnanti phalasamāpattivasena nibbānaninnaṃ. Vivekaṭṭhanti kilesehi vajjitaṃ dūrībhūtaṃ vā. Nekkhammābhiratanti pabbajjābhirataṃ. Byantibhūtanti vigatantabhūtaṃ ekadesenāpi anallīnaṃ visaṃyuttaṃ visaṃsaṭṭhaṃ. Āsavaṭṭhāniyehīti sampayogavasena āsavānaṃ kāraṇabhūtehi, kilesadhammehīti attho. Atha vā byantibhūtanti vigatavāyanti attho. Kuto? Sabbaso āsavaṭṭhāniyehi dhammehi, sabbehi tebhūmakadhammehīti attho. Imasmiṃ sutte ariyamaggo lokiyalokuttaro kathito.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಅಙ್ಗುತ್ತರನಿಕಾಯ • Aṅguttaranikāya / ೮. ದುತಿಯಬಲಸುತ್ತಂ • 8. Dutiyabalasuttaṃ
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಅಙ್ಗುತ್ತರನಿಕಾಯ (ಟೀಕಾ) • Aṅguttaranikāya (ṭīkā) / ೮. ದುತಿಯಬಲಸುತ್ತವಣ್ಣನಾ • 8. Dutiyabalasuttavaṇṇanā
