| Library / Tipiṭaka / तिपिटक • Tipiṭaka / अङ्गुत्तरनिकाय (टीका) • Aṅguttaranikāya (ṭīkā) |
८. दुतियबलसुत्तवण्णना
8. Dutiyabalasuttavaṇṇanā
२८. अट्ठमे खीणासवस्स सब्बेसं सङ्खारानं अनिच्चता असम्मोहवसेन किच्चतो मग्गपञ्ञाय सुप्पटिविद्धा, विपस्सनाय आरम्मणकरणवसेनपीति दस्सेन्तो आह ‘‘सहविपस्सनाय मग्गपञ्ञाया’’ति। इमे कामाति द्वेपि कामे वदति। किलेसवसेन उप्पज्जमानो हि परिळाहो वत्थुकामसन्निस्सयो वत्थुकामविसयो वाति द्वेपि सपरिळाहट्ठेन अङ्गारकासु वियाति ‘‘अङ्गारकासूपमा’’ति वुत्ता। अन्तो वुच्चति लामकट्ठेन तण्हा, ब्यन्तं विगतन्तं भूतन्ति ब्यन्तिभूतन्ति आह ‘‘विगतन्तभूत’’न्ति, नित्तण्हन्ति अत्थो।
28. Aṭṭhame khīṇāsavassa sabbesaṃ saṅkhārānaṃ aniccatā asammohavasena kiccato maggapaññāya suppaṭividdhā, vipassanāya ārammaṇakaraṇavasenapīti dassento āha ‘‘sahavipassanāya maggapaññāyā’’ti. Ime kāmāti dvepi kāme vadati. Kilesavasena uppajjamāno hi pariḷāho vatthukāmasannissayo vatthukāmavisayo vāti dvepi sapariḷāhaṭṭhena aṅgārakāsu viyāti ‘‘aṅgārakāsūpamā’’ti vuttā. Anto vuccati lāmakaṭṭhena taṇhā, byantaṃ vigatantaṃ bhūtanti byantibhūtanti āha ‘‘vigatantabhūta’’nti, nittaṇhanti attho.
दुतियबलसुत्तवण्णना निट्ठिता।
Dutiyabalasuttavaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / अङ्गुत्तरनिकाय • Aṅguttaranikāya / ८. दुतियबलसुत्तं • 8. Dutiyabalasuttaṃ
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / अङ्गुत्तरनिकाय (अट्ठकथा) • Aṅguttaranikāya (aṭṭhakathā) / ८. दुतियबलसुत्तवण्णना • 8. Dutiyabalasuttavaṇṇanā
