| Library / Tipiṭaka / ತಿಪಿಟಕ • Tipiṭaka / ಸಂಯುತ್ತನಿಕಾಯ (ಟೀಕಾ) • Saṃyuttanikāya (ṭīkā) |
೭. ದುತಿಯಅವಿಜ್ಜಾಪಹಾನಸುತ್ತವಣ್ಣನಾ
7. Dutiyaavijjāpahānasuttavaṇṇanā
೮೦. ಅನಿಚ್ಚಾದಿವಸೇನ ಅಭಿನಿವಿಸನಂ ಅಭಿನಿವೇಸೋ, ಸೋ ಏವ ಧಮ್ಮಸಭಾವಂ ಅತಿಕ್ಕಮಿತ್ವಾ ಪರತೋ ಆಮಸನತೋ ಪರಾಮಾಸೋ, ಸೋ ಏವ ಗಾಹೋ। ತೇನ ಅಭಿನಿವೇಸಪರಾಮಾಸಗ್ಗಾಹೇನ ಗಣ್ಹಿತುಂ ನ ಯುತ್ತಾ ಅನಿಚ್ಚಾದಿಸಭಾವತ್ತಾ। ಸಙ್ಖಾರಾ ಏವ ಪವತ್ತಿಯಾ ಕಾರಣಭಾವತೋ ಸಙ್ಖಾರನಿಮಿತ್ತಾನಿ। ಯೋ ಸಙ್ಖಾರೇಸು ಅಪರಿಞ್ಞಾತಾಭಿನಿವೇಸೇನ ಪಸ್ಸಿತಬ್ಬೋ ಅತ್ತಾಕಾರೋ, ಸೋ ನ ಹೋತೀತಿ ಅಞ್ಞೋ ಅನತ್ತಾಕಾರೋ, ತತೋ ಅಞ್ಞತೋ ಪಸ್ಸತಿ। ಪರಿಞ್ಞಾತಾಭಿನಿವೇಸೋತಿ ತೀರಣಪರಿಞ್ಞಾಯ ಪರಿಚ್ಛಿಜ್ಜ ಞಾತಮಿಚ್ಛಾಭಿನಿವೇಸೋ। ಪರಿಞ್ಞಾತಾಭಿನಿವೇಸೋತಿ ವಾ ಪರಿಞ್ಞಾತವಿಪಸ್ಸನಾಭಿನಿವೇಸೋ। ವಿಪಸ್ಸನಾತಿ ಅರೂಪಸತ್ತಕವಸೇನ ವಿಪಸ್ಸನಾಯ ಪರಿಜಾನಿತಬ್ಬಾ।
80. Aniccādivasena abhinivisanaṃ abhiniveso, so eva dhammasabhāvaṃ atikkamitvā parato āmasanato parāmāso, so eva gāho. Tena abhinivesaparāmāsaggāhena gaṇhituṃ na yuttā aniccādisabhāvattā. Saṅkhārā eva pavattiyā kāraṇabhāvato saṅkhāranimittāni. Yo saṅkhāresu apariññātābhinivesena passitabbo attākāro, so na hotīti añño anattākāro, tato aññato passati. Pariññātābhinivesoti tīraṇapariññāya paricchijja ñātamicchābhiniveso. Pariññātābhinivesoti vā pariññātavipassanābhiniveso. Vipassanāti arūpasattakavasena vipassanāya parijānitabbā.
ದುತಿಯಅವಿಜ್ಜಾಪಹಾನಸುತ್ತವಣ್ಣನಾ ನಿಟ್ಠಿತಾ।
Dutiyaavijjāpahānasuttavaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಸಂಯುತ್ತನಿಕಾಯ • Saṃyuttanikāya / ೭. ದುತಿಯಅವಿಜ್ಜಾಪಹಾನಸುತ್ತಂ • 7. Dutiyaavijjāpahānasuttaṃ
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಸಂಯುತ್ತನಿಕಾಯ (ಅಟ್ಠಕಥಾ) • Saṃyuttanikāya (aṭṭhakathā) / ೭. ದುತಿಯಅವಿಜ್ಜಾಪಹಾನಸುತ್ತವಣ್ಣನಾ • 7. Dutiyaavijjāpahānasuttavaṇṇanā
