| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ • Saṃyuttanikāya |
੬. ਦੁਤਿਯਅવਿਜ੍ਜਾਪਚ੍ਚਯਸੁਤ੍ਤਂ
6. Dutiyaavijjāpaccayasuttaṃ
੩੬. ਸਾવਤ੍ਥਿਯਂ વਿਹਰਤਿ…ਪੇ॰… ‘‘ਅવਿਜ੍ਜਾਪਚ੍ਚਯਾ, ਭਿਕ੍ਖવੇ, ਸਙ੍ਖਾਰਾ; ਸਙ੍ਖਾਰਪਚ੍ਚਯਾ વਿਞ੍ਞਾਣਂ…ਪੇ॰… ਏવਮੇਤਸ੍ਸ ਕੇવਲਸ੍ਸ ਦੁਕ੍ਖਕ੍ਖਨ੍ਧਸ੍ਸ ਸਮੁਦਯੋ ਹੋਤਿ।
36. Sāvatthiyaṃ viharati…pe… ‘‘avijjāpaccayā, bhikkhave, saṅkhārā; saṅkhārapaccayā viññāṇaṃ…pe… evametassa kevalassa dukkhakkhandhassa samudayo hoti.
‘‘‘ਕਤਮਂ ਜਰਾਮਰਣਂ, ਕਸ੍ਸ ਚ ਪਨਿਦਂ ਜਰਾਮਰਣ’ਨ੍ਤਿ ਇਤਿ વਾ, ਭਿਕ੍ਖવੇ , ਯੋ વਦੇਯ੍ਯ, ‘ਅਞ੍ਞਂ ਜਰਾਮਰਣਂ, ਅਞ੍ਞਸ੍ਸ ਚ ਪਨਿਦਂ ਜਰਾਮਰਣ’ਨ੍ਤਿ ਇਤਿ વਾ, ਭਿਕ੍ਖવੇ, ਯੋ વਦੇਯ੍ਯ, ਉਭਯਮੇਤਂ ਏਕਤ੍ਥਂ ਬ੍ਯਞ੍ਜਨਮੇવ ਨਾਨਂ। ‘ਤਂ ਜੀવਂ ਤਂ ਸਰੀਰਂ’ ਇਤਿ વਾ, ਭਿਕ੍ਖવੇ, ਦਿਟ੍ਠਿਯਾ ਸਤਿ ਬ੍ਰਹ੍ਮਚਰਿਯવਾਸੋ ਨ ਹੋਤਿ। ‘ਅਞ੍ਞਂ ਜੀવਂ ਅਞ੍ਞਂ ਸਰੀਰਂ’ ਇਤਿ વਾ, ਭਿਕ੍ਖવੇ, ਦਿਟ੍ਠਿਯਾ ਸਤਿ ਬ੍ਰਹ੍ਮਚਰਿਯવਾਸੋ ਨ ਹੋਤਿ। ਏਤੇ ਤੇ, ਭਿਕ੍ਖવੇ, ਉਭੋ ਅਨ੍ਤੇ ਅਨੁਪਗਮ੍ਮ ਮਜ੍ਝੇਨ ਤਥਾਗਤੋ ਧਮ੍ਮਂ ਦੇਸੇਤਿ – ‘ਜਾਤਿਪਚ੍ਚਯਾ ਜਰਾਮਰਣ’’’ਨ੍ਤਿ।
‘‘‘Katamaṃ jarāmaraṇaṃ, kassa ca panidaṃ jarāmaraṇa’nti iti vā, bhikkhave , yo vadeyya, ‘aññaṃ jarāmaraṇaṃ, aññassa ca panidaṃ jarāmaraṇa’nti iti vā, bhikkhave, yo vadeyya, ubhayametaṃ ekatthaṃ byañjanameva nānaṃ. ‘Taṃ jīvaṃ taṃ sarīraṃ’ iti vā, bhikkhave, diṭṭhiyā sati brahmacariyavāso na hoti. ‘Aññaṃ jīvaṃ aññaṃ sarīraṃ’ iti vā, bhikkhave, diṭṭhiyā sati brahmacariyavāso na hoti. Ete te, bhikkhave, ubho ante anupagamma majjhena tathāgato dhammaṃ deseti – ‘jātipaccayā jarāmaraṇa’’’nti.
‘‘ਕਤਮਾ ਜਾਤਿ…ਪੇ॰… ਕਤਮੋ ਭવੋ… ਕਤਮਂ ਉਪਾਦਾਨਂ… ਕਤਮਾ ਤਣ੍ਹਾ… ਕਤਮਾ વੇਦਨਾ… ਕਤਮੋ ਫਸ੍ਸੋ… ਕਤਮਂ ਸਲ਼ਾਯਤਨਂ… ਕਤਮਂ ਨਾਮਰੂਪਂ… ਕਤਮਂ વਿਞ੍ਞਾਣਂ… ਕਤਮੇ ਸਙ੍ਖਾਰਾ, ਕਸ੍ਸ ਚ ਪਨਿਮੇ ਸਙ੍ਖਾਰਾਤਿ ਇਤਿ વਾ, ਭਿਕ੍ਖવੇ, ਯੋ વਦੇਯ੍ਯ, ‘ਅਞ੍ਞੇ ਸਙ੍ਖਾਰਾ ਅਞ੍ਞਸ੍ਸ ਚ ਪਨਿਮੇ ਸਙ੍ਖਾਰਾ’ਤਿ ਇਤਿ વਾ, ਭਿਕ੍ਖવੇ, ਯੋ વਦੇਯ੍ਯ, ਉਭਯਮੇਤਂ ਏਕਤ੍ਥਂ ਬ੍ਯਞ੍ਜਨਮੇવ ਨਾਨਂ। ‘ਤਂ ਜੀવਂ ਤਂ ਸਰੀਰਂ’ ਇਤਿ વਾ, ਭਿਕ੍ਖવੇ, ਦਿਟ੍ਠਿਯਾ ਸਤਿ ਬ੍ਰਹ੍ਮਚਰਿਯવਾਸੋ ਨ ਹੋਤਿ। ‘ਅਞ੍ਞਂ ਜੀવਂ ਅਞ੍ਞਂ ਸਰੀਰਂ’ ਇਤਿ વਾ, ਭਿਕ੍ਖવੇ, ਦਿਟ੍ਠਿਯਾ ਸਤਿ ਬ੍ਰਹ੍ਮਚਰਿਯવਾਸੋ ਨ ਹੋਤਿ। ਏਤੇ ਤੇ, ਭਿਕ੍ਖવੇ, ਉਭੋ ਅਨ੍ਤੇ ਅਨੁਪਗਮ੍ਮ ਮਜ੍ਝੇਨ ਤਥਾਗਤੋ ਧਮ੍ਮਂ ਦੇਸੇਤਿ – ‘ਅવਿਜ੍ਜਾਪਚ੍ਚਯਾ ਸਙ੍ਖਾਰਾ’’’ਤਿ।
‘‘Katamā jāti…pe… katamo bhavo… katamaṃ upādānaṃ… katamā taṇhā… katamā vedanā… katamo phasso… katamaṃ saḷāyatanaṃ… katamaṃ nāmarūpaṃ… katamaṃ viññāṇaṃ… katame saṅkhārā, kassa ca panime saṅkhārāti iti vā, bhikkhave, yo vadeyya, ‘aññe saṅkhārā aññassa ca panime saṅkhārā’ti iti vā, bhikkhave, yo vadeyya, ubhayametaṃ ekatthaṃ byañjanameva nānaṃ. ‘Taṃ jīvaṃ taṃ sarīraṃ’ iti vā, bhikkhave, diṭṭhiyā sati brahmacariyavāso na hoti. ‘Aññaṃ jīvaṃ aññaṃ sarīraṃ’ iti vā, bhikkhave, diṭṭhiyā sati brahmacariyavāso na hoti. Ete te, bhikkhave, ubho ante anupagamma majjhena tathāgato dhammaṃ deseti – ‘avijjāpaccayā saṅkhārā’’’ti.
‘‘ਅવਿਜ੍ਜਾਯ ਤ੍વੇવ, ਭਿਕ੍ਖવੇ, ਅਸੇਸવਿਰਾਗਨਿਰੋਧਾ ਯਾਨਿਸ੍ਸ ਤਾਨਿ વਿਸੂਕਾਯਿਕਾਨਿ વਿਸੇવਿਤਾਨਿ વਿਪ੍ਫਨ੍ਦਿਤਾਨਿ ਕਾਨਿਚਿ ਕਾਨਿਚਿ। ‘ਕਤਮਂ ਜਰਾਮਰਣਂ, ਕਸ੍ਸ ਚ ਪਨਿਦਂ ਜਰਾਮਰਣਂ’ ਇਤਿ વਾ, ‘ਅਞ੍ਞਂ ਜਰਾਮਰਣਂ, ਅਞ੍ਞਸ੍ਸ ਚ ਪਨਿਦਂ ਜਰਾਮਰਣਂ’ ਇਤਿ વਾ, ‘ਤਂ ਜੀવਂ ਤਂ ਸਰੀਰਂ’ ਇਤਿ વਾ, ‘ਅਞ੍ਞਂ ਜੀવਂ, ਅਞ੍ਞਂ ਸਰੀਰਂ’ ਇਤਿ વਾ। ਸਬ੍ਬਾਨਿਸ੍ਸ ਤਾਨਿ ਪਹੀਨਾਨਿ ਭવਨ੍ਤਿ ਉਚ੍ਛਿਨ੍ਨਮੂਲਾਨਿ ਤਾਲਾવਤ੍ਥੁਕਤਾਨਿ ਅਨਭਾવਙ੍ਕਤਾਨਿ ਆਯਤਿਂ ਅਨੁਪ੍ਪਾਦਧਮ੍ਮਾਨਿ।
‘‘Avijjāya tveva, bhikkhave, asesavirāganirodhā yānissa tāni visūkāyikāni visevitāni vipphanditāni kānici kānici. ‘Katamaṃ jarāmaraṇaṃ, kassa ca panidaṃ jarāmaraṇaṃ’ iti vā, ‘aññaṃ jarāmaraṇaṃ, aññassa ca panidaṃ jarāmaraṇaṃ’ iti vā, ‘taṃ jīvaṃ taṃ sarīraṃ’ iti vā, ‘aññaṃ jīvaṃ, aññaṃ sarīraṃ’ iti vā. Sabbānissa tāni pahīnāni bhavanti ucchinnamūlāni tālāvatthukatāni anabhāvaṅkatāni āyatiṃ anuppādadhammāni.
‘‘ਅવਿਜ੍ਜਾਯ ਤ੍વੇવ, ਭਿਕ੍ਖવੇ, ਅਸੇਸવਿਰਾਗਨਿਰੋਧਾ ਯਾਨਿਸ੍ਸ ਤਾਨਿ વਿਸੂਕਾਯਿਕਾਨਿ વਿਸੇવਿਤਾਨਿ વਿਪ੍ਫਨ੍ਦਿਤਾਨਿ ਕਾਨਿਚਿ ਕਾਨਿਚਿ। ਕਤਮਾ ਜਾਤਿ…ਪੇ॰… ਕਤਮੋ ਭવੋ… ਕਤਮਂ ਉਪਾਦਾਨਂ… ਕਤਮਾ ਤਣ੍ਹਾ… ਕਤਮਾ વੇਦਨਾ… ਕਤਮੋ ਫਸ੍ਸੋ… ਕਤਮਂ ਸਲ਼ਾਯਤਨਂ… ਕਤਮਂ ਨਾਮਰੂਪਂ… ਕਤਮਂ વਿਞ੍ਞਾਣਂ… ‘ਕਤਮੇ ਸਙ੍ਖਾਰਾ, ਕਸ੍ਸ ਚ ਪਨਿਮੇ ਸਙ੍ਖਾਰਾ’ ਇਤਿ વਾ, ‘ਅਞ੍ਞੇ ਸਙ੍ਖਾਰਾ, ਅਞ੍ਞਸ੍ਸ ਚ ਪਨਿਮੇ ਸਙ੍ਖਾਰਾ’ ਇਤਿ વਾ; ‘ਤਂ ਜੀવਂ ਤਂ ਸਰੀਰਂ’ ਇਤਿ વਾ, ‘ਅਞ੍ਞਂ ਜੀવਂ ਅਞ੍ਞਂ ਸਰੀਰਂ’ ਇਤਿ વਾ। ਸਬ੍ਬਾਨਿਸ੍ਸ ਤਾਨਿ ਪਹੀਨਾਨਿ ਭવਨ੍ਤਿ ਉਚ੍ਛਿਨ੍ਨਮੂਲਾਨਿ ਤਾਲਾવਤ੍ਥੁਕਤਾਨਿ ਅਨਭਾવਙ੍ਕਤਾਨਿ ਆਯਤਿਂ ਅਨੁਪ੍ਪਾਦਧਮ੍ਮਾਨੀ’’ਤਿ। ਛਟ੍ਠਂ।
‘‘Avijjāya tveva, bhikkhave, asesavirāganirodhā yānissa tāni visūkāyikāni visevitāni vipphanditāni kānici kānici. Katamā jāti…pe… katamo bhavo… katamaṃ upādānaṃ… katamā taṇhā… katamā vedanā… katamo phasso… katamaṃ saḷāyatanaṃ… katamaṃ nāmarūpaṃ… katamaṃ viññāṇaṃ… ‘katame saṅkhārā, kassa ca panime saṅkhārā’ iti vā, ‘aññe saṅkhārā, aññassa ca panime saṅkhārā’ iti vā; ‘taṃ jīvaṃ taṃ sarīraṃ’ iti vā, ‘aññaṃ jīvaṃ aññaṃ sarīraṃ’ iti vā. Sabbānissa tāni pahīnāni bhavanti ucchinnamūlāni tālāvatthukatāni anabhāvaṅkatāni āyatiṃ anuppādadhammānī’’ti. Chaṭṭhaṃ.
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੬. ਦੁਤਿਯਅવਿਜ੍ਜਾਪਚ੍ਚਯਸੁਤ੍ਤવਣ੍ਣਨਾ • 6. Dutiyaavijjāpaccayasuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੬. ਦੁਤਿਯਅવਿਜ੍ਜਾਪਚ੍ਚਯਸੁਤ੍ਤવਣ੍ਣਨਾ • 6. Dutiyaavijjāpaccayasuttavaṇṇanā
