| Library / Tipiṭaka / तिपिटक • Tipiṭaka / अङ्गुत्तरनिकाय • Aṅguttaranikāya |
१२. दुतियअसेखसुत्तं
12. Dutiyaasekhasuttaṃ
११२. ‘‘दसयिमे , भिक्खवे, असेखिया धम्मा। कतमे दस? असेखा सम्मादिट्ठि, असेखो सम्मासङ्कप्पो, असेखा सम्मावाचा, असेखो सम्माकम्मन्तो, असेखो सम्माआजीवो, असेखो सम्मावायामो, असेखा सम्मासति, असेखो सम्मासमाधि, असेखं सम्माञाणं, असेखा सम्माविमुत्ति – इमे खो, भिक्खवे, दस असेखिया धम्मा’’ति। द्वादसमं।
112. ‘‘Dasayime , bhikkhave, asekhiyā dhammā. Katame dasa? Asekhā sammādiṭṭhi, asekho sammāsaṅkappo, asekhā sammāvācā, asekho sammākammanto, asekho sammāājīvo, asekho sammāvāyāmo, asekhā sammāsati, asekho sammāsamādhi, asekhaṃ sammāñāṇaṃ, asekhā sammāvimutti – ime kho, bhikkhave, dasa asekhiyā dhammā’’ti. Dvādasamaṃ.
समणसञ्ञावग्गो पठमो।
Samaṇasaññāvaggo paṭhamo.
तस्सुद्दानं –
Tassuddānaṃ –
सञ्ञा बोज्झङ्गा मिच्छत्तं, बीजं विज्जाय निज्जरं।
Saññā bojjhaṅgā micchattaṃ, bījaṃ vijjāya nijjaraṃ;
धोवनं तिकिच्छा वमनं निद्धमनं द्वे असेखाति॥
Dhovanaṃ tikicchā vamanaṃ niddhamanaṃ dve asekhāti.
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / अङ्गुत्तरनिकाय (अट्ठकथा) • Aṅguttaranikāya (aṭṭhakathā) / १२. दुतियअसेखसुत्तवण्णना • 12. Dutiyaasekhasuttavaṇṇanā
टीका • Tīkā / सुत्तपिटक (टीका) • Suttapiṭaka (ṭīkā) / अङ्गुत्तरनिकाय (टीका) • Aṅguttaranikāya (ṭīkā) / १-१२. समणसञ्ञासुत्तादिवण्णना • 1-12. Samaṇasaññāsuttādivaṇṇanā
