| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya |
੮. ਦੁਤਿਯਅਪਾਸਾਦਿਕਸੁਤ੍ਤਂ
8. Dutiyaapāsādikasuttaṃ
੨੧੮. ‘‘ਪਞ੍ਚਿਮੇ, ਭਿਕ੍ਖવੇ, ਆਦੀਨવਾ ਅਪਾਸਾਦਿਕੇ। ਕਤਮੇ ਪਞ੍ਚ? ਅਪ੍ਪਸਨ੍ਨਾ ਨਪ੍ਪਸੀਦਨ੍ਤਿ, ਪਸਨ੍ਨਾਨਞ੍ਚ ਏਕਚ੍ਚਾਨਂ ਅਞ੍ਞਥਤ੍ਤਂ ਹੋਤਿ, ਸਤ੍ਥੁਸਾਸਨਂ ਅਕਤਂ 1 ਹੋਤਿ, ਪਚ੍ਛਿਮਾ ਜਨਤਾ ਦਿਟ੍ਠਾਨੁਗਤਿਂ ਆਪਜ੍ਜਤਿ, ਚਿਤ੍ਤਮਸ੍ਸ ਨਪ੍ਪਸੀਦਤਿ। ਇਮੇ ਖੋ, ਭਿਕ੍ਖવੇ, ਪਞ੍ਚ ਆਦੀਨવਾ ਅਪਾਸਾਦਿਕੇ।
218. ‘‘Pañcime, bhikkhave, ādīnavā apāsādike. Katame pañca? Appasannā nappasīdanti, pasannānañca ekaccānaṃ aññathattaṃ hoti, satthusāsanaṃ akataṃ 2 hoti, pacchimā janatā diṭṭhānugatiṃ āpajjati, cittamassa nappasīdati. Ime kho, bhikkhave, pañca ādīnavā apāsādike.
‘‘ਪਞ੍ਚਿਮੇ, ਭਿਕ੍ਖવੇ, ਆਨਿਸਂਸਾ ਪਾਸਾਦਿਕੇ। ਕਤਮੇ ਪਞ੍ਚ? ਅਪ੍ਪਸਨ੍ਨਾ ਪਸੀਦਨ੍ਤਿ, ਪਸਨ੍ਨਾਨਞ੍ਚ ਭਿਯ੍ਯੋਭਾવੋ ਹੋਤਿ, ਸਤ੍ਥੁਸਾਸਨਂ ਕਤਂ ਹੋਤਿ, ਪਚ੍ਛਿਮਾ ਜਨਤਾ ਦਿਟ੍ਠਾਨੁਗਤਿਂ ਆਪਜ੍ਜਤਿ, ਚਿਤ੍ਤਮਸ੍ਸ ਪਸੀਦਤਿ। ਇਮੇ ਖੋ, ਭਿਕ੍ਖવੇ, ਪਞ੍ਚ ਆਨਿਸਂਸਾ ਪਾਸਾਦਿਕੇ’’ਤਿ। ਅਟ੍ਠਮਂ।
‘‘Pañcime, bhikkhave, ānisaṃsā pāsādike. Katame pañca? Appasannā pasīdanti, pasannānañca bhiyyobhāvo hoti, satthusāsanaṃ kataṃ hoti, pacchimā janatā diṭṭhānugatiṃ āpajjati, cittamassa pasīdati. Ime kho, bhikkhave, pañca ānisaṃsā pāsādike’’ti. Aṭṭhamaṃ.
Footnotes:
Related texts:
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੩-੧੦. ਸੀਲਸੁਤ੍ਤਾਦਿવਣ੍ਣਨਾ • 3-10. Sīlasuttādivaṇṇanā
