| Library / Tipiṭaka / তিপিটক • Tipiṭaka / অঙ্গুত্তরনিকায • Aṅguttaranikāya |
৮. দুতিযঅপাসাদিকসুত্তং
8. Dutiyaapāsādikasuttaṃ
২১৮. ‘‘পঞ্চিমে, ভিক্খৰে, আদীনৰা অপাসাদিকে। কতমে পঞ্চ? অপ্পসন্না নপ্পসীদন্তি, পসন্নানঞ্চ একচ্চানং অঞ্ঞথত্তং হোতি, সত্থুসাসনং অকতং 1 হোতি, পচ্ছিমা জনতা দিট্ঠানুগতিং আপজ্জতি, চিত্তমস্স নপ্পসীদতি। ইমে খো, ভিক্খৰে, পঞ্চ আদীনৰা অপাসাদিকে।
218. ‘‘Pañcime, bhikkhave, ādīnavā apāsādike. Katame pañca? Appasannā nappasīdanti, pasannānañca ekaccānaṃ aññathattaṃ hoti, satthusāsanaṃ akataṃ 2 hoti, pacchimā janatā diṭṭhānugatiṃ āpajjati, cittamassa nappasīdati. Ime kho, bhikkhave, pañca ādīnavā apāsādike.
‘‘পঞ্চিমে, ভিক্খৰে, আনিসংসা পাসাদিকে। কতমে পঞ্চ? অপ্পসন্না পসীদন্তি, পসন্নানঞ্চ ভিয্যোভাৰো হোতি, সত্থুসাসনং কতং হোতি, পচ্ছিমা জনতা দিট্ঠানুগতিং আপজ্জতি, চিত্তমস্স পসীদতি। ইমে খো, ভিক্খৰে, পঞ্চ আনিসংসা পাসাদিকে’’তি। অট্ঠমং।
‘‘Pañcime, bhikkhave, ānisaṃsā pāsādike. Katame pañca? Appasannā pasīdanti, pasannānañca bhiyyobhāvo hoti, satthusāsanaṃ kataṃ hoti, pacchimā janatā diṭṭhānugatiṃ āpajjati, cittamassa pasīdati. Ime kho, bhikkhave, pañca ānisaṃsā pāsādike’’ti. Aṭṭhamaṃ.
Footnotes:
Related texts:
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ৩-১০. সীলসুত্তাদিৰণ্ণনা • 3-10. Sīlasuttādivaṇṇanā
