| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) |
༧. དུཏིཡཨཉྙཏརབྷིཀྑུསུཏྟཝཎྞནཱ
7. Dutiyaaññatarabhikkhusuttavaṇṇanā
༧. རཱགཝིནཡཱདིཔདེཧི ནིབྦཱནཾ ཝཱཔི ཝུཙྩེཡྻ ཨརཧཏྟཾ ཝཱཔི། ཡསྨཱ སོ བྷིཀྑུ ཨུབྷཡཏྠཔི ནིཝིཊྛབུདྡྷི, ཏསྨཱ བྷགཝཱ ཏསྶ ཨཛ྄ཛྷཱསཡཝསེན ‘‘ནིབྦཱནདྷཱཏུཡཱ ཁོ ཨེཏ’’ནྟིཨཱདིནཱ ནིབྦཱནདྷཱཏུཾ ཝིསྶཛྫེཏྭཱ པུན ‘‘ཨཱསཝཱནཾ ཁཡོ ཏེན ཝུཙྩཏཱི’’ཏི ཨཱཧ། ཡསྨཱ ཨརིཡམགྒོ རཱགཱདིཀེ སམུཙྪེདཝསེན ཝིནེཏི, ཨཱསཝཉྩ སབྦསོ ཁེཔེཏི, ཏེན ཙ ཝུཏྟཾ ནིབྦཱནཾ ཨརཧཏྟཉྩ, ཏསྨཱ ཏདུབྷཡཾ ‘‘རཱགཝིནཡོཏིཨཱདི ནཱམམེཝཱ’’ཏི ཝུཏྟཾ། ཨནུསནྡྷིཀུསལཏཱཡ པུཙྪནྟོ ཨེཏཾ ཨཝོཙཱཏི ཨིམིནཱ ‘‘པུཙྪཱནུསནྡྷི ཨིདྷ ལབྦྷཏཱི’’ཏི དཱིཔིཏཾ, ཨཛ྄ཛྷཱསཡཱནུསནྡྷིཔི ཨེཏྠ ལབྦྷཏེཝཱཏི དཊྛབྦཾ།
7.Rāgavinayādipadehi nibbānaṃ vāpi vucceyya arahattaṃ vāpi. Yasmā so bhikkhu ubhayatthapi niviṭṭhabuddhi, tasmā bhagavā tassa ajjhāsayavasena ‘‘nibbānadhātuyā kho eta’’ntiādinā nibbānadhātuṃ vissajjetvā puna ‘‘āsavānaṃ khayo tena vuccatī’’ti āha. Yasmā ariyamaggo rāgādike samucchedavasena vineti, āsavañca sabbaso khepeti, tena ca vuttaṃ nibbānaṃ arahattañca, tasmā tadubhayaṃ ‘‘rāgavinayotiādi nāmamevā’’ti vuttaṃ. Anusandhikusalatāya pucchanto etaṃ avocāti iminā ‘‘pucchānusandhi idha labbhatī’’ti dīpitaṃ, ajjhāsayānusandhipi ettha labbhatevāti daṭṭhabbaṃ.
དུཏིཡཨཉྙཏརབྷིཀྑུསུཏྟཝཎྞནཱ ནིཊྛིཏཱ།
Dutiyaaññatarabhikkhusuttavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / སཾཡུཏྟནིཀཱཡ • Saṃyuttanikāya / ༧. དུཏིཡཨཉྙཏརབྷིཀྑུསུཏྟཾ • 7. Dutiyaaññatarabhikkhusuttaṃ
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༧. དུཏིཡཨཉྙཏརབྷིཀྑུསུཏྟཝཎྞནཱ • 7. Dutiyaaññatarabhikkhusuttavaṇṇanā
