| Library / Tipiṭaka / തിപിടക • Tipiṭaka / സംയുത്തനികായ • Saṃyuttanikāya |
൭. ദുതിയഅഞ്ഞതരഭിക്ഖുസുത്തം
7. Dutiyaaññatarabhikkhusuttaṃ
൭. സാവത്ഥിനിദാനം. അഥ ഖോ അഞ്ഞതരോ ഭിക്ഖു യേന ഭഗവാ തേനുപസങ്കമി…പേ॰… ഏകമന്തം നിസിന്നോ ഖോ സോ ഭിക്ഖു ഭഗവന്തം ഏതദവോച –
7. Sāvatthinidānaṃ. Atha kho aññataro bhikkhu yena bhagavā tenupasaṅkami…pe… ekamantaṃ nisinno kho so bhikkhu bhagavantaṃ etadavoca –
‘‘‘രാഗവിനയോ ദോസവിനയോ മോഹവിനയോ’തി, ഭന്തേ, വുച്ചതി. കിസ്സ നു ഖോ ഏതം, ഭന്തേ, അധിവചനം – ‘രാഗവിനയോ ദോസവിനയോ മോഹവിനയോ’’’തി? ‘‘നിബ്ബാനധാതുയാ ഖോ ഏതം, ഭിക്ഖു, അധിവചനം – ‘രാഗവിനയോ ദോസവിനയോ മോഹവിനയോ’തി. ആസവാനം ഖയോ തേന വുച്ചതീ’’തി.
‘‘‘Rāgavinayo dosavinayo mohavinayo’ti, bhante, vuccati. Kissa nu kho etaṃ, bhante, adhivacanaṃ – ‘rāgavinayo dosavinayo mohavinayo’’’ti? ‘‘Nibbānadhātuyā kho etaṃ, bhikkhu, adhivacanaṃ – ‘rāgavinayo dosavinayo mohavinayo’ti. Āsavānaṃ khayo tena vuccatī’’ti.
ഏവം വുത്തേ സോ ഭിക്ഖു ഭഗവന്തം ഏതദവോച – ‘‘‘അമതം, അമത’ന്തി, ഭന്തേ, വുച്ചതി. കതമം നു ഖോ, ഭന്തേ, അമതം, കതമോ അമതഗാമിമഗ്ഗോ’’തി? ‘‘യോ ഖോ, ഭിക്ഖു, രാഗക്ഖയോ ദോസക്ഖയോ മോഹക്ഖയോ – ഇദം വുച്ചതി അമതം. അയമേവ അരിയോ അട്ഠങ്ഗികോ മഗ്ഗോ അമതഗാമിമഗ്ഗോ, സേയ്യഥിദം – സമ്മാദിട്ഠി…പേ॰… സമ്മാസമാധീ’’തി. സത്തമം.
Evaṃ vutte so bhikkhu bhagavantaṃ etadavoca – ‘‘‘amataṃ, amata’nti, bhante, vuccati. Katamaṃ nu kho, bhante, amataṃ, katamo amatagāmimaggo’’ti? ‘‘Yo kho, bhikkhu, rāgakkhayo dosakkhayo mohakkhayo – idaṃ vuccati amataṃ. Ayameva ariyo aṭṭhaṅgiko maggo amatagāmimaggo, seyyathidaṃ – sammādiṭṭhi…pe… sammāsamādhī’’ti. Sattamaṃ.
Related texts:
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / സംയുത്തനികായ (അട്ഠകഥാ) • Saṃyuttanikāya (aṭṭhakathā) / ൭. ദുതിയഅഞ്ഞതരഭിക്ഖുസുത്തവണ്ണനാ • 7. Dutiyaaññatarabhikkhusuttavaṇṇanā
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / സംയുത്തനികായ (ടീകാ) • Saṃyuttanikāya (ṭīkā) / ൭. ദുതിയഅഞ്ഞതരഭിക്ഖുസുത്തവണ്ണനാ • 7. Dutiyaaññatarabhikkhusuttavaṇṇanā
