| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ • Saṃyuttanikāya |
੪. ਦੁਤਿਯਅਞ੍ਞਤਰਭਿਕ੍ਖੁਸੁਤ੍ਤਂ
4. Dutiyaaññatarabhikkhusuttaṃ
੩੬. ਸਾવਤ੍ਥਿਨਿਦਾਨਂ । ਅਥ ਖੋ ਅਞ੍ਞਤਰੋ ਭਿਕ੍ਖੁ ਯੇਨ ਭਗવਾ…ਪੇ॰… ਏਕਮਨ੍ਤਂ ਨਿਸਿਨ੍ਨੋ ਖੋ ਸੋ ਭਿਕ੍ਖੁ ਭਗવਨ੍ਤਂ ਏਤਦવੋਚ – ‘‘ਸਾਧੁ ਮੇ, ਭਨ੍ਤੇ , ਭਗવਾ ਸਂਖਿਤ੍ਤੇਨ ਧਮ੍ਮਂ ਦੇਸੇਤੁ ਯਮਹਂ ਭਗવਤੋ ਧਮ੍ਮਂ ਸੁਤ੍વਾ ਏਕੋ વੂਪਕਟ੍ਠੋ ਅਪ੍ਪਮਤ੍ਤੋ ਆਤਾਪੀ ਪਹਿਤਤ੍ਤੋ વਿਹਰੇਯ੍ਯ’’ਨ੍ਤਿ। ‘‘ਯਂ ਖੋ, ਭਿਕ੍ਖੁ, ਅਨੁਸੇਤਿ ਤਂ ਅਨੁਮੀਯਤਿ; ਯਂ ਅਨੁਮੀਯਤਿ ਤੇਨ ਸਙ੍ਖਂ ਗਚ੍ਛਤਿ। ਯਂ ਨਾਨੁਸੇਤਿ ਨ ਤਂ ਅਨੁਮੀਯਤਿ; ਯਂ ਨਾਨੁਮੀਯਤਿ ਨ ਤੇਨ ਸਙ੍ਖਂ ਗਚ੍ਛਤੀ’’ਤਿ। ‘‘ਅਞ੍ਞਾਤਂ, ਭਗવਾ; ਅਞ੍ਞਾਤਂ, ਸੁਗਤਾ’’ਤਿ।
36. Sāvatthinidānaṃ . Atha kho aññataro bhikkhu yena bhagavā…pe… ekamantaṃ nisinno kho so bhikkhu bhagavantaṃ etadavoca – ‘‘sādhu me, bhante , bhagavā saṃkhittena dhammaṃ desetu yamahaṃ bhagavato dhammaṃ sutvā eko vūpakaṭṭho appamatto ātāpī pahitatto vihareyya’’nti. ‘‘Yaṃ kho, bhikkhu, anuseti taṃ anumīyati; yaṃ anumīyati tena saṅkhaṃ gacchati. Yaṃ nānuseti na taṃ anumīyati; yaṃ nānumīyati na tena saṅkhaṃ gacchatī’’ti. ‘‘Aññātaṃ, bhagavā; aññātaṃ, sugatā’’ti.
‘‘ਯਥਾ ਕਥਂ ਪਨ ਤ੍વਂ, ਭਿਕ੍ਖੁ, ਮਯਾ ਸਂਖਿਤ੍ਤੇਨ ਭਾਸਿਤਸ੍ਸ વਿਤ੍ਥਾਰੇਨ ਅਤ੍ਥਂ ਆਜਾਨਾਸੀ’’ਤਿ? ‘‘ਰੂਪਂ ਚੇ, ਭਨ੍ਤੇ, ਅਨੁਸੇਤਿ ਤਂ ਅਨੁਮੀਯਤਿ; ਯਂ ਅਨੁਮੀਯਤਿ ਤੇਨ ਸਙ੍ਖਂ ਗਚ੍ਛਤਿ। વੇਦਨਂ ਚੇ ਅਨੁਸੇਤਿ… ਸਞ੍ਞਂ ਚੇ ਅਨੁਸੇਤਿ… ਸਙ੍ਖਾਰੇ ਚੇ ਅਨੁਸੇਤਿ… વਿਞ੍ਞਾਣਂ ਚੇ ਅਨੁਸੇਤਿ ਤਂ ਅਨੁਮੀਯਤਿ; ਯਂ ਅਨੁਮੀਯਤਿ ਤੇਨ ਸਙ੍ਖਂ ਗਚ੍ਛਤਿ। ਰੂਪਂ ਚੇ, ਭਨ੍ਤੇ, ਨਾਨੁਸੇਤਿ ਨ ਤਂ ਅਨੁਮੀਯਤਿ; ਯਂ ਨਾਨੁਮੀਯਤਿ ਨ ਤੇਨ ਸਙ੍ਖਂ ਗਚ੍ਛਤਿ। વੇਦਨਂ ਚੇ ਨਾਨੁਸੇਤਿ… ਸਞ੍ਞਂ ਚੇ ਨਾਨੁਸੇਤਿ… ਸਙ੍ਖਾਰੇ ਚੇ ਨਾਨੁਸੇਤਿ… વਿਞ੍ਞਾਣਂ ਚੇ ਨਾਨੁਸੇਤਿ ਨ ਤਂ ਅਨੁਮੀਯਤਿ; ਯਂ ਨਾਨੁਮੀਯਤਿ ਨ ਤੇਨ ਸਙ੍ਖਂ ਗਚ੍ਛਤਿ। ਇਮਸ੍ਸ ਖ੍વਾਹਂ, ਭਨ੍ਤੇ, ਭਗવਤਾ ਸਂਖਿਤ੍ਤੇਨ ਭਾਸਿਤਸ੍ਸ ਏવਂ વਿਤ੍ਥਾਰੇਨ ਅਤ੍ਥਂ ਆਜਾਨਾਮੀ’’ਤਿ।
‘‘Yathā kathaṃ pana tvaṃ, bhikkhu, mayā saṃkhittena bhāsitassa vitthārena atthaṃ ājānāsī’’ti? ‘‘Rūpaṃ ce, bhante, anuseti taṃ anumīyati; yaṃ anumīyati tena saṅkhaṃ gacchati. Vedanaṃ ce anuseti… saññaṃ ce anuseti… saṅkhāre ce anuseti… viññāṇaṃ ce anuseti taṃ anumīyati; yaṃ anumīyati tena saṅkhaṃ gacchati. Rūpaṃ ce, bhante, nānuseti na taṃ anumīyati; yaṃ nānumīyati na tena saṅkhaṃ gacchati. Vedanaṃ ce nānuseti… saññaṃ ce nānuseti… saṅkhāre ce nānuseti… viññāṇaṃ ce nānuseti na taṃ anumīyati; yaṃ nānumīyati na tena saṅkhaṃ gacchati. Imassa khvāhaṃ, bhante, bhagavatā saṃkhittena bhāsitassa evaṃ vitthārena atthaṃ ājānāmī’’ti.
‘‘ਸਾਧੁ ਸਾਧੁ, ਭਿਕ੍ਖੁ! ਸਾਧੁ ਖੋ ਤ੍વਂ, ਭਿਕ੍ਖੁ, ਮਯਾ ਸਂਖਿਤ੍ਤੇਨ ਭਾਸਿਤਸ੍ਸ વਿਤ੍ਥਾਰੇਨ ਅਤ੍ਥਂ ਆਜਾਨਾਸਿ। ਰੂਪਂ ਚੇ, ਭਿਕ੍ਖੁ, ਅਨੁਸੇਤਿ ਤਂ ਅਨੁਮੀਯਤਿ; ਯਂ ਅਨੁਮੀਯਤਿ ਤੇਨ ਸਙ੍ਖਂ ਗਚ੍ਛਤਿ। વੇਦਨਂ ਚੇ, ਭਿਕ੍ਖੁ… ਸਞ੍ਞਂ ਚੇ, ਭਿਕ੍ਖੁ… ਸਙ੍ਖਾਰੇ ਚੇ, ਭਿਕ੍ਖੁ… વਿਞ੍ਞਾਣਂ ਚੇ, ਭਿਕ੍ਖੁ, ਅਨੁਸੇਤਿ ਤਂ ਅਨੁਮੀਯਤਿ; ਯਂ ਅਨੁਮੀਯਤਿ ਤੇਨ ਸਙ੍ਖਂ ਗਚ੍ਛਤਿ। ਰੂਪਂ ਚੇ, ਭਿਕ੍ਖੁ, ਨਾਨੁਸੇਤਿ ਨ ਤਂ ਅਨੁਮੀਯਤਿ; ਯਂ ਨਾਨੁਮੀਯਤਿ ਨ ਤੇਨ ਸਙ੍ਖਂ ਗਚ੍ਛਤਿ। વੇਦਨਂ ਚੇ ਨਾਨੁਸੇਤਿ… ਸਞ੍ਞਂ ਚੇ ਨਾਨੁਸੇਤਿ… ਸਙ੍ਖਾਰੇ ਚੇ ਨਾਨੁਸੇਤਿ… વਿਞ੍ਞਾਣਂ ਚੇ ਨਾਨੁਸੇਤਿ ਨ ਤਂ ਅਨੁਮੀਯਤਿ; ਯਂ ਨਾਨੁਮੀਯਤਿ ਨ ਤੇਨ ਸਙ੍ਖਂ ਗਚ੍ਛਤਿ। ਇਮਸ੍ਸ ਖੋ, ਭਿਕ੍ਖੁ, ਮਯਾ ਸਂਖਿਤ੍ਤੇਨ ਭਾਸਿਤਸ੍ਸ ਏવਂ વਿਤ੍ਥਾਰੇਨ ਅਤ੍ਥੋ ਦਟ੍ਠਬ੍ਬੋ’’ਤਿ…ਪੇ॰… ਅਞ੍ਞਤਰੋ ਚ ਪਨ ਸੋ ਭਿਕ੍ਖੁ ਅਰਹਤਂ ਅਹੋਸੀਤਿ। ਚਤੁਤ੍ਥਂ।
‘‘Sādhu sādhu, bhikkhu! Sādhu kho tvaṃ, bhikkhu, mayā saṃkhittena bhāsitassa vitthārena atthaṃ ājānāsi. Rūpaṃ ce, bhikkhu, anuseti taṃ anumīyati; yaṃ anumīyati tena saṅkhaṃ gacchati. Vedanaṃ ce, bhikkhu… saññaṃ ce, bhikkhu… saṅkhāre ce, bhikkhu… viññāṇaṃ ce, bhikkhu, anuseti taṃ anumīyati; yaṃ anumīyati tena saṅkhaṃ gacchati. Rūpaṃ ce, bhikkhu, nānuseti na taṃ anumīyati; yaṃ nānumīyati na tena saṅkhaṃ gacchati. Vedanaṃ ce nānuseti… saññaṃ ce nānuseti… saṅkhāre ce nānuseti… viññāṇaṃ ce nānuseti na taṃ anumīyati; yaṃ nānumīyati na tena saṅkhaṃ gacchati. Imassa kho, bhikkhu, mayā saṃkhittena bhāsitassa evaṃ vitthārena attho daṭṭhabbo’’ti…pe… aññataro ca pana so bhikkhu arahataṃ ahosīti. Catutthaṃ.
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੪. ਦੁਤਿਯਅਞ੍ਞਤਰਭਿਕ੍ਖੁਸੁਤ੍ਤવਣ੍ਣਨਾ • 4. Dutiyaaññatarabhikkhusuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੪. ਦੁਤਿਯਅਞ੍ਞਤਰਭਿਕ੍ਖੁਸੁਤ੍ਤવਣ੍ਣਨਾ • 4. Dutiyaaññatarabhikkhusuttavaṇṇanā
