| Library / Tipiṭaka / തിപിടക • Tipiṭaka / അങ്ഗുത്തരനികായ • Aṅguttaranikāya |
൬. ദുതിയഅനായുസ്സാസുത്തം
6. Dutiyaanāyussāsuttaṃ
൧൨൬. ‘‘പഞ്ചിമേ, ഭിക്ഖവേ, ധമ്മാ അനായുസ്സാ. കതമേ പഞ്ച? അസപ്പായകാരീ ഹോതി, സപ്പായേ മത്തം ന ജാനാതി, അപരിണതഭോജീ ച ഹോതി, ദുസ്സീലോ ച, പാപമിത്തോ ച. ഇമേ ഖോ, ഭിക്ഖവേ, പഞ്ച ധമ്മാ അനായുസ്സാ.
126. ‘‘Pañcime, bhikkhave, dhammā anāyussā. Katame pañca? Asappāyakārī hoti, sappāye mattaṃ na jānāti, apariṇatabhojī ca hoti, dussīlo ca, pāpamitto ca. Ime kho, bhikkhave, pañca dhammā anāyussā.
‘‘പഞ്ചിമേ, ഭിക്ഖവേ, ധമ്മാ ആയുസ്സാ. കതമേ പഞ്ച ? സപ്പായകാരീ ഹോതി, സപ്പായേ മത്തം ജാനാതി, പരിണതഭോജീ ച ഹോതി, സീലവാ ച, കല്യാണമിത്തോ ച. ഇമേ ഖോ, ഭിക്ഖവേ, പഞ്ച ധമ്മാ ആയുസ്സാ’’തി. ഛട്ഠം.
‘‘Pañcime, bhikkhave, dhammā āyussā. Katame pañca ? Sappāyakārī hoti, sappāye mattaṃ jānāti, pariṇatabhojī ca hoti, sīlavā ca, kalyāṇamitto ca. Ime kho, bhikkhave, pañca dhammā āyussā’’ti. Chaṭṭhaṃ.
Related texts:
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / അങ്ഗുത്തരനികായ (അട്ഠകഥാ) • Aṅguttaranikāya (aṭṭhakathā) / ൫-൬. അനായുസ്സാസുത്തദ്വയവണ്ണനാ • 5-6. Anāyussāsuttadvayavaṇṇanā
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / അങ്ഗുത്തരനികായ (ടീകാ) • Aṅguttaranikāya (ṭīkā) / (൧൩) ൩. ഗിലാനവഗ്ഗോ • (13) 3. Gilānavaggo
