| Library / Tipiṭaka / તિપિટક • Tipiṭaka / અઙ્ગુત્તરનિકાય • Aṅguttaranikāya |
૬. દુતિયઅક્ખન્તિસુત્તં
6. Dutiyaakkhantisuttaṃ
૨૧૬. ‘‘પઞ્ચિમે , ભિક્ખવે, આદીનવા અક્ખન્તિયા. કતમે પઞ્ચ? બહુનો જનસ્સ અપ્પિયો હોતિ અમનાપો, લુદ્દો ચ હોતિ, વિપ્પટિસારી ચ, સમ્મૂળ્હો કાલં કરોતિ, કાયસ્સ ભેદા પરં મરણા અપાયં દુગ્ગતિં વિનિપાતં નિરયં ઉપપજ્જતિ. ઇમે ખો, ભિક્ખવે, પઞ્ચ આદીનવા અક્ખન્તિયા.
216. ‘‘Pañcime , bhikkhave, ādīnavā akkhantiyā. Katame pañca? Bahuno janassa appiyo hoti amanāpo, luddo ca hoti, vippaṭisārī ca, sammūḷho kālaṃ karoti, kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjati. Ime kho, bhikkhave, pañca ādīnavā akkhantiyā.
‘‘પઞ્ચિમે, ભિક્ખવે, આનિસંસા ખન્તિયા. કતમે પઞ્ચ? બહુનો જનસ્સ પિયો હોતિ મનાપો, અલુદ્દો ચ હોતિ, અવિપ્પટિસારી ચ, અસમ્મૂળ્હો કાલં કરોતિ, કાયસ્સ ભેદા પરં મરણા સુગતિં સગ્ગં લોકં ઉપપજ્જતિ. ઇમે ખો, ભિક્ખવે, પઞ્ચ આનિસંસા ખન્તિયા’’તિ. છટ્ઠં.
‘‘Pañcime, bhikkhave, ānisaṃsā khantiyā. Katame pañca? Bahuno janassa piyo hoti manāpo, aluddo ca hoti, avippaṭisārī ca, asammūḷho kālaṃ karoti, kāyassa bhedā paraṃ maraṇā sugatiṃ saggaṃ lokaṃ upapajjati. Ime kho, bhikkhave, pañca ānisaṃsā khantiyā’’ti. Chaṭṭhaṃ.
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / અઙ્ગુત્તરનિકાય (અટ્ઠકથા) • Aṅguttaranikāya (aṭṭhakathā) / ૬. દુતિયઅક્ખન્તિસુત્તવણ્ણના • 6. Dutiyaakkhantisuttavaṇṇanā
ટીકા • Tīkā / સુત્તપિટક (ટીકા) • Suttapiṭaka (ṭīkā) / અઙ્ગુત્તરનિકાય (ટીકા) • Aṅguttaranikāya (ṭīkā) / ૩-૧૦. સીલસુત્તાદિવણ્ણના • 3-10. Sīlasuttādivaṇṇanā
