| Library / Tipiṭaka / တိပိဋက • Tipiṭaka / အင္ဂုတ္တရနိကာယ (ဋီကာ) • Aṅguttaranikāya (ṭīkā) |
၄-၅. ဒုတိယအဂ္ဂိသုတ္တာဒိဝဏ္ဏနာ
4-5. Dutiyaaggisuttādivaṇṇanā
၄၇-၄၈. စတုတ္ထေ ယညဝာဋံ သမ္ပာဒေတ္ဝာ မဟာယညံ ဥဒ္ဒိသ္သ သဝိညာဏကာနိ အဝိညာဏကာနိ စ ယညူပကရဏာနိ သဇ္ဇိတာနီတိ အာဟ ပာဠိယံ ‘‘မဟာယညော ဥပက္ခဋော’’တိ။ တံ ဥပကရဏံ တေသံ တထာသဇ္ဇနန္တိ အာဟ ‘‘ဥပက္ခဋောတိ ပစ္စုပဋ္ဌိတော’’တိ။ ဝစ္ဆတရသတာနီတိ ယုဝဘာဝပ္ပတ္တာနိ နာတိဗလဝဝစ္ဆသတာနိ။ တေ ပန ဝစ္ဆာ ဧဝ ဟောန္တိ, န ဒမ္မာ, ဗလီဗဒ္ဒာ ဝာ။ ဥရဗ္ဘာတိ တရုဏမေဏ္ဍကာ ဝုစ္စန္တိ။ ဥပနီတာနီတိ ဌပနတ္ထာယ ဥပနီတာနိ။ ဝိဟိံသဋ္ဌေနာတိ ဟိံသနဋ္ဌေန။ ဥပဝာယတူတိ ဥပဂန္တ္ဝာ သရီရဒရထံ နိဗ္ဗာပေန္တော သဏ္ဟသီတလာ ဝာတော ဝာယတု။ သေသံ သုဝိညေယ္ယမေဝ။ ပဉ္စမေ နတ္ထိ ဝတ္တဗ္ဗံ။
47-48. Catutthe yaññavāṭaṃ sampādetvā mahāyaññaṃ uddissa saviññāṇakāni aviññāṇakāni ca yaññūpakaraṇāni sajjitānīti āha pāḷiyaṃ ‘‘mahāyañño upakkhaṭo’’ti. Taṃ upakaraṇaṃ tesaṃ tathāsajjananti āha ‘‘upakkhaṭoti paccupaṭṭhito’’ti. Vacchatarasatānīti yuvabhāvappattāni nātibalavavacchasatāni. Te pana vacchā eva honti, na dammā, balībaddā vā. Urabbhāti taruṇameṇḍakā vuccanti. Upanītānīti ṭhapanatthāya upanītāni. Vihiṃsaṭṭhenāti hiṃsanaṭṭhena. Upavāyatūti upagantvā sarīradarathaṃ nibbāpento saṇhasītalā vāto vāyatu. Sesaṃ suviññeyyameva. Pañcame natthi vattabbaṃ.
ဒုတိယအဂ္ဂိသုတ္တာဒိဝဏ္ဏနာ နိဋ္ဌိတာ။
Dutiyaaggisuttādivaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya
၄. ဒုတိယအဂ္ဂိသုတ္တံ • 4. Dutiyaaggisuttaṃ
၅. ပဌမသညာသုတ္တံ • 5. Paṭhamasaññāsuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā)
၄. ဒုတိယအဂ္ဂိသုတ္တဝဏ္ဏနာ • 4. Dutiyaaggisuttavaṇṇanā
၅-၆. သညာသုတ္တဒ္ဝယဝဏ္ဏနာ • 5-6. Saññāsuttadvayavaṇṇanā
