| Library / Tipiṭaka / തിപിടക • Tipiṭaka / അങ്ഗുത്തരനികായ (അട്ഠകഥാ) • Aṅguttaranikāya (aṭṭhakathā) |
൬. ദൂതേയ്യസുത്തവണ്ണനാ
6. Dūteyyasuttavaṇṇanā
൧൬. ഛട്ഠേ ദൂതേയ്യന്തി ദൂതകമ്മം. ഗന്തുമരഹതീതി തം ദൂതേയ്യസങ്ഖാതം സാസനം ധാരേത്വാ ഹരിതും അരഹതി. സോതാതി യോ തം അസ്സ സാസനം ദേതി , തസ്സ സോതാ. സാവേതാതി തം ഉഗ്ഗണ്ഹിത്വാ ‘‘ഇദം നാമ തുമ്ഹേഹി വുത്ത’’ന്തി പടിസാവേതാ. ഉഗ്ഗഹേതാതി സുഗ്ഗഹിതം കത്വാ ഉഗ്ഗഹേതാ. ധാരേതാതി സുധാരിതം കത്വാ ധാരേതാ. വിഞ്ഞാതി അത്ഥാനത്ഥസ്സ അത്ഥം ജാനിതാ. വിഞ്ഞാപേതാതി പരം വിജാനാപേതാ. സഹിതാ സഹിതസ്സാതി ഇദം സഹിതം, ഇദം അസഹിതന്തി ഏവം സഹിതാസഹിതസ്സ കുസലോ, ഉപഗതാനുപഗതേസു ഛേകോ സാസനം ആരോചേന്തോ സഹിതം സല്ലക്ഖേത്വാ ആരോചേതി. ന ബ്യഥതീതി വേധതി ന ഛമ്ഭതി. അസന്ദിദ്ധന്തി നിസ്സന്ദേഹം വിഗതസംസയം. പുച്ഛിതോതി പഞ്ഹത്ഥായ പുച്ഛിതോ.
16. Chaṭṭhe dūteyyanti dūtakammaṃ. Gantumarahatīti taṃ dūteyyasaṅkhātaṃ sāsanaṃ dhāretvā harituṃ arahati. Sotāti yo taṃ assa sāsanaṃ deti , tassa sotā. Sāvetāti taṃ uggaṇhitvā ‘‘idaṃ nāma tumhehi vutta’’nti paṭisāvetā. Uggahetāti suggahitaṃ katvā uggahetā. Dhāretāti sudhāritaṃ katvā dhāretā. Viññāti atthānatthassa atthaṃ jānitā. Viññāpetāti paraṃ vijānāpetā. Sahitā sahitassāti idaṃ sahitaṃ, idaṃ asahitanti evaṃ sahitāsahitassa kusalo, upagatānupagatesu cheko sāsanaṃ ārocento sahitaṃ sallakkhetvā āroceti. Na byathatīti vedhati na chambhati. Asandiddhanti nissandehaṃ vigatasaṃsayaṃ. Pucchitoti pañhatthāya pucchito.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / അങ്ഗുത്തരനികായ • Aṅguttaranikāya / ൬. ദൂതേയ്യസുത്തം • 6. Dūteyyasuttaṃ
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / അങ്ഗുത്തരനികായ (ടീകാ) • Aṅguttaranikāya (ṭīkā) / ൫-൮. മലസുത്താദിവണ്ണനാ • 5-8. Malasuttādivaṇṇanā
