| Library / Tipiṭaka / তিপিটক • Tipiṭaka / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) |
৬. দূতেয্যসুত্তৰণ্ণনা
6. Dūteyyasuttavaṇṇanā
১৬. ছট্ঠে দূতেয্যন্তি দূতকম্মং। গন্তুমরহতীতি তং দূতেয্যসঙ্খাতং সাসনং ধারেত্ৰা হরিতুং অরহতি। সোতাতি যো তং অস্স সাসনং দেতি , তস্স সোতা। সাৰেতাতি তং উগ্গণ্হিত্ৰা ‘‘ইদং নাম তুম্হেহি ৰুত্ত’’ন্তি পটিসাৰেতা। উগ্গহেতাতি সুগ্গহিতং কত্ৰা উগ্গহেতা। ধারেতাতি সুধারিতং কত্ৰা ধারেতা। ৰিঞ্ঞাতি অত্থানত্থস্স অত্থং জানিতা। ৰিঞ্ঞাপেতাতি পরং ৰিজানাপেতা। সহিতা সহিতস্সাতি ইদং সহিতং, ইদং অসহিতন্তি এৰং সহিতাসহিতস্স কুসলো, উপগতানুপগতেসু ছেকো সাসনং আরোচেন্তো সহিতং সল্লক্খেত্ৰা আরোচেতি। ন ব্যথতীতি ৰেধতি ন ছম্ভতি। অসন্দিদ্ধন্তি নিস্সন্দেহং ৰিগতসংসযং। পুচ্ছিতোতি পঞ্হত্থায পুচ্ছিতো।
16. Chaṭṭhe dūteyyanti dūtakammaṃ. Gantumarahatīti taṃ dūteyyasaṅkhātaṃ sāsanaṃ dhāretvā harituṃ arahati. Sotāti yo taṃ assa sāsanaṃ deti , tassa sotā. Sāvetāti taṃ uggaṇhitvā ‘‘idaṃ nāma tumhehi vutta’’nti paṭisāvetā. Uggahetāti suggahitaṃ katvā uggahetā. Dhāretāti sudhāritaṃ katvā dhāretā. Viññāti atthānatthassa atthaṃ jānitā. Viññāpetāti paraṃ vijānāpetā. Sahitā sahitassāti idaṃ sahitaṃ, idaṃ asahitanti evaṃ sahitāsahitassa kusalo, upagatānupagatesu cheko sāsanaṃ ārocento sahitaṃ sallakkhetvā āroceti. Na byathatīti vedhati na chambhati. Asandiddhanti nissandehaṃ vigatasaṃsayaṃ. Pucchitoti pañhatthāya pucchito.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / অঙ্গুত্তরনিকায • Aṅguttaranikāya / ৬. দূতেয্যসুত্তং • 6. Dūteyyasuttaṃ
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ৫-৮. মলসুত্তাদিৰণ্ণনা • 5-8. Malasuttādivaṇṇanā
