| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ • Aṅguttaranikāya |
༡༠. དུསྶཱིལསུཏྟཾ
10. Dussīlasuttaṃ
༢༢༠. ‘‘ཙཏཱུཧི , བྷིཀྑཝེ, དྷམྨེཧི སམནྣཱགཏོ ཡཐཱབྷཏཾ ནིཀྑིཏྟོ ཨེཝཾ ནིརཡེ། ཀཏམེཧི ཙཏཱུཧི? ཨསྶདྡྷོ ཧོཏི, དུསྶཱིལོ ཧོཏི, ཀུསཱིཏོ ཧོཏི, དུཔྤཉྙོ ཧོཏི – ཨིམེཧི ཁོ, བྷིཀྑཝེ, ཙཏཱུཧི དྷམྨེཧི སམནྣཱགཏོ ཡཐཱབྷཏཾ ནིཀྑིཏྟོ ཨེཝཾ ནིརཡེ།
220. ‘‘Catūhi , bhikkhave, dhammehi samannāgato yathābhataṃ nikkhitto evaṃ niraye. Katamehi catūhi? Assaddho hoti, dussīlo hoti, kusīto hoti, duppañño hoti – imehi kho, bhikkhave, catūhi dhammehi samannāgato yathābhataṃ nikkhitto evaṃ niraye.
‘‘ཙཏཱུཧི, བྷིཀྑཝེ, དྷམྨེཧི སམནྣཱགཏོ ཡཐཱབྷཏཾ ནིཀྑིཏྟོ ཨེཝཾ སགྒེ། ཀཏམེཧི ཙཏཱུཧི ? སདྡྷོ ཧོཏི, སཱིལཝཱ ཧོཏི, ཨཱརདྡྷཝཱིརིཡོ ཧོཏི, པཉྙཝཱ ཧོཏི – ཨིམེཧི ཁོ, བྷིཀྑཝེ, ཙཏཱུཧི དྷམྨེཧི སམནྣཱགཏོ ཡཐཱབྷཏཾ ནིཀྑིཏྟོ ཨེཝཾ སགྒེ’’ཏི། དསམཾ།
‘‘Catūhi, bhikkhave, dhammehi samannāgato yathābhataṃ nikkhitto evaṃ sagge. Katamehi catūhi ? Saddho hoti, sīlavā hoti, āraddhavīriyo hoti, paññavā hoti – imehi kho, bhikkhave, catūhi dhammehi samannāgato yathābhataṃ nikkhitto evaṃ sagge’’ti. Dasamaṃ.
ཏསྶུདྡཱནཾ –
Tassuddānaṃ –
པརིསཱ དིཊྛི ཨཀཏཉྙུཏཱ, པཱཎཱཏིཔཱཏཱཔི དྭེ མགྒཱ།
Parisā diṭṭhi akataññutā, pāṇātipātāpi dve maggā;
དྭེ ཝོཧཱརཔཐཱ ཝུཏྟཱ, ཨཧིརིཀཾ དུཔྤཉྙེན ཙཱཏི༎
Dve vohārapathā vuttā, ahirikaṃ duppaññena cāti.
Footnotes:
Related texts:
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༡-༡༠. སིཀྑཱཔདསུཏྟཱདིཝཎྞནཱ • 1-10. Sikkhāpadasuttādivaṇṇanā
